#فرصة_ثانية
#الكاتبةfatoom
❤️فاطمةالطاهر ❤️
#الحلقة1
أو المقدمة
الساعة 2في الليل
بسمة وجها يصب عرق وايديها يرعشو فتحت باب الدار بالشوي بدون لايحسو لبنات وخشت لسريرها وغمت راسها بالبطانية وهيا تحاول ترقد بس الي صار معاها قبل شوي مخلاهاش ترقد ومش مستوعبة لي صار وخايفة ترعش
لجين :كانت نايضة وحاسة علي تحركاتها من اول ماطلعت من الدار بس ماحبتش تبين واول ماشافتها خشت دارت روحها راقدة
الصبح 🌞
خديجة : نوضو يابنات نوضو قايلة
بتول : واااك ماما فوتينا خلينا نكملو هالنومة
خديجة :نوضو ياسركم نوم يابايرات
بتول :لوحت البطانية وناضت شعرها منكوش 😂واااك وااك الزززحح حتى في نهار الجمعة الي عطلة ربي تنوضي فينا من السبعة
خديجة:نوضي بلا دوة زايدة الجمعة بتأذن 😡
بتول:حقة نسيت ان اني امام الجامع 🙂
خديجة:صبرك يارب 🤦♀️
لجين ناضت تفرك في عيونها صباح الخير
خديجة:صباح الورد اهي بنتي الي تصبح مش زيك نايضة خلوقك في حكة
بتول: بدينا 🙄 هادي كبيدتك مش كيفي اني البنغالية لي نخدم عندكم تكرهو تشوفوني راقدة ومتهنية
لجين:ضحكت...ع الصبح تتعاركو 😂
بتول:نخليك احظني امك الي تحبك اني ماشية للجمعة قصدي للحمام بش نأذن قصدي نشخ باهي 🤦♀️😂😂
خديجة :آخرطي هذا كله من السهر ع التلفزيون
بتول :هه🙂
لجين :ههه ربي يهدي 😂😂
خديجة :يلا لفطور واتي غسلي وتعالو للصالة
لجين:شافت مالقتش بسمة ماما وين بسمة
خديجة:في الصالة ناضت قبلكم وهي يلي مشت وجابت لخبزة يلا قبل لايسقع لفطور
لجين :بعدم ارتياح..اها حاظر شوي وجايين
💜💜الكاتبة fa toom 💜💜
نعرفكم علي بطلات روايتنا
لجين م 93مواصفاتهاطويلة وضعيفة بشرتها سمرة بس نقشها يجنن ابتسامتها حلوة وعيونها كبار وعسليات شعرها لعند كتافها مش طويل هلباو شوي مجعد
وهي الوحيدة في خواتها نقشها يختلف تماما
حليلي من السمر نحب نقشهم يجنن 🤤😍
شخصيتها قوية وعاقلة وتحكم في دماغها هلبا وعندها امها وخواتها بالدنيا كلها واي شخص يضرهم تحرق الدنيا فيه على خاطرهم 🔥
وهيا أكبر بنت في العيلة ومتحملة المسؤلية هلبا فرق السن بينها وبين خواتها مش هلبا ❤️
بسمة م96 طولها وسط حنطية مش بيضا هلبا ومش سمرة ووجها مدور وعندها خدود وشعرها ناععم لعند ضهرها كتومة وهادية وخجولة هلبا
بتول 99 درية وضعيفونة شعرها طويل هلبا ونااعم بشرتها البيضة في خواتها عيونها عسلي ونقشها رقيق وحلو وكله ع البني ❤️
طبعا بتول أصغر وحدة واشطن وحدة فيهم
ديما الشتيوية في العيلة شريرة 😅😂😜
المهم لسانها متبري منها وديما مستعجلة ومتهورةيعني مطفوشة في كل شي وتعصب بسرعة وترضى بسرعة زي لمهبولة تحب النوم والتشيبس ورديف لفرخة😂😂💔
قبل لجين كان عندهم توأم أكبر وحدات بس جو ناقصات شهرين وماتو 💔بعدين انولدت لجين وفرحتهم بيها ماتنوصفش
ومن بعد حملت امهم والكل كانو يستنو في الولد بس طلعت حامل بي توم بنات واهني خافو يطلعو زي خواتهم واهني قالولها أن انتي تجيبي في لبنات وهكي مشي بوهم (عبدالواحد) تزوج علي امهم لأنه يبي لولد
طبعا لما تزوج لمرا التانية كان عنده لجين وخديجة حامل بي توم بس وحدة منهم توفت في بطنها 💔وجابت بسمة ع الدنيا
لما تزوج بوهم في البداية كان عادي ماتغير شي
حملت الضرة التانية بسرعة ماطولتش بعد ماجابت خديجة بسمة بشهور
وجابت ولد سموه محمد واهني فرحة الأب لاتوصف بعد الولد
وتغير هلبا عليهم كأنه مش نفسه بوهم تغير 180 درجة لعاد يسئل عليهم أو يهدرز عليهم أو مهتم فيهم طبعا مش منه من اللفعة الي متزوجها 😡حياشهم بجنب بعض بس ميشوفوش في بعض الا بالصدفة وكل وقته في حوشه التاني
وبعد تلات سنين هكي
حملو الضراير مع بعض خديجة جابت بتول وضرتها نوال جابتله بنت حتى هيا وسموها نصيب
طبعا نصيب وبتول تقول هما الضراير يكرهو بعض وديما يتعاركو😂😂
ومن بعد مرت بوهم نوال جابت ولد تاني الي هوا توا أصغر واحد في لعيلة يقرأ اعدادي ممكن واسمه منذر
طبعا مرت بوهم سم يقطررر بالذات عاد هيا ام لولاد ولكل في لكل وديما تعبيلهه في راسه على بناته
واهني الأب تغير علي بناته هلباااااااااا ومعش شاف غير مرته التانية ونسي بناته
ولأنها عاد ام الاولاد هيا الآمر الناهي
وكأن البنت عيب مثلا 💔
مش عارفة علاش مجتمعنا هكي 😓ظالم ومش عادل مع المرأة
يعني الخلفة من ربي مش بيدها
يحطو كل اللوم علي لمرا وكأنها هيا يلي تختار شن تجيب ولد ولا بنت 🤷♀️
المهم
كبرو وكل حد عايش في حوش ومايخالطوش هلبا في بعض الا في بعض الأحيان للضرورة بس
حتى الناس ملاحظة هالشي وكم مرة ينصحو فيه أن هالشي غلط وان حتى هما بناته بس الأب مايشوفش الا في مرته التانية وحوشه التاني أما لجين وخواتها مش معترف بيهم نهائي 💔
ومخليهم محتاجين مش بس احتياجات مادية حتى المعنوية والعاطفية وحارمهم من حنانه ومكانت الأب في حياتهم💔
حتى يطلبو منه شي السوسة مرته تعبيله في راسه وكان كل الدلع والراحةلصغارها وكلامها بس الي مسموع
وهكي لبنات من بعد ربي اعتمدو علي أنفسهم رغم صغر سنهم تحملو مسؤلية نفسهم والحوش 💔
