قداش اني طيبة 🙂 جبرت بخاطركم ونزلت حنشوفكم توا تتفاعلو ولا ☹️
#فرصة_ثانية
#الحلقة2
#الكاتبةfatoom
❤️فاطمةالطاهر ❤️
السيارة الي ضربتها هربت
عامر:😰ولد الحرام ضربها وهرب لبنت ماتت
قصي:نزل يجري من السيارة
السيارات وقفو والناس كلها تجمعت عليهم
قصي:😰ياربي ماتكونش ماتت لبنت
عامر:مادخلناش نوض نوض ياراجل تو يكلمو الإسعاف
قصي:من عقلك انت 😡نخلوها ونهربو حتى احنى
عامر:ياراجل بسببنا راه بدخلنا في مواويل كان صارلها شي لبنت خلينا ننفدو
قصي:مزال تتحرك ماصارلها شي... شن تتفرجو كلكم مافيكمش رحمة الزززح تتفرجو وخلاص أخطا غادي انت وياه
عامر:قصي شن ادير
قصي:بدون لايسمعله قام بتول بسرعة والدم مغطيها .
ركبها في السيارة...بنرفع لبنت للمستشفى انتم الحقو
____________________
خديجة :وين لبنت وينها خليتها ماتعرفش الطريق
عبدالواحد :بنتك الفاسدة روحت وماخبرتش اختها اشبح وين مشت طالقتيهم هكي
خديجة :مشت معاكم المفروض ماروحتش لين لقيتها هاذي بنتك راه
عبدالواحد:شن بنديرلها مسكرة هاتفها واشبح وين ومع من ماشية لكن تروح وربي لما نقتلها
خديجة:وووه عليا وووه وين بتمشي وين عندها بتمشي
بسمة:كلمت كل صاحباتها كلهم قالو ماشافوهاش
لجين:بالك صاير معاها شي خلونا ندورو عليها
خديجة:😭😭ربي يجعل مصايبه باللطف
بسمة:اهدي تو نلقوها تو تروح وكان صاير معاها شي تو نعرفو ادعي بس
لجين وبسمة مشو مع بوهم وماخلو مكان مادورو فيه بس مالقوهاش
______________
قصي خدي بتول للمستشفى وكان أول مرة يشوف حادث قدامه خاف هلبا يصيرلها شي ويكون هوا السبب
💜💜الكاتبة fa toom 💜 💜
بطلنا التاني 😍قصي م 95 طويل وضعيف نقشه ع الاكحل هادي مايل للبني ابيض وعويناته اخضر هااادي طايش وصايع وعديم المسؤلية ومهبوول هلبا يتسهوك هلبا وعبيط زي قامبول 😂
حتى في الأوقات الجدية تلقاه يتسهوك ويضحك ع الناس 🤦♀️😂
رغم هذا طرف كيكة 🤤❤️
قصي:شن لمصيبة الي حصلنا فيها أن شاءالله ماتموتش 🤦♀️
عامر:قلتلك خليها عاجبك توا
قصي:مش ناقصك انت التاني..خشمك زي لبطاطا 😒
الدكتور طلع..وين أهل المريضة
قصي:فحوشهم 🤷♀️
الدكتور:🙄
قصي:نقصد ءءء البنت ضربتها سيارة في الشارع واحنى اسعفناها مانعرفش أهلها وين بس شن وضعها هيا
الدكتور:عندها كسر بسيط بالرقبة تبرا من اسبوع بس عندها كسر قوي بالايد ورضوض تانية بسيطة تتعالج أن شاءلله..توا هي مزالت فاقدة لوعي علقنالها تغذية لأنها عندها هبوط ومابين فاقت انتم لازم تكلمو أهلها
قصي:ءء اي ان شاءالله مشكور دكتور
قصي:تفشفشت لبنت 🤭
عامر:😰 شن العمل توا وين بنلقو أهلها
قصي:قدامنا حل واحد 😓
عامر:شنو
قصي:حنكلم ضياء وهوا الوحيد يقدر يساعدنا 🙂
_______________
عبد الواحد :وين بتمشي خلاص ليل وماليهاش اثر لكن وربي تطلع مدايرة عملة لما ندبحها
لجين:بثول واعية اكيد تكون مشت مع وحدة من صحباتها لما لقت الطريق طويلة وانتم روحت وخليتوها أو مرات صاير معاها شي لاقدر الله..
عبدالواحد :قالولي روحت بروحها نحسبها تعرف تتصرف لكن تو يبان ها غير تروح
بسمة:لجين هالة صاحبتها تلفونها مقفل ممكن تكون عندها؟؟
لجين:ممكن اي
عبد الواحد:توا ليل الصبح نشوفوها لو ماطلعت عندها ياويلها وياويلكم انتم قبلها
لجين:خلينا نزيدو ندورو
عبدالواحد:خلاص تعبت انا بنروح نرقد انتم عاودو اتصلو وشوفوها يلا خشو للحوش انتي وهيا ..ومشي
