راحت جابت اختبار حمل لانها حست ان فى حاجه غلط، وفعلا عملت وعرفت بعد التحليل، انها حامل.
طبعا خارجه من البيت مسهمه لاهى سعيده ولا حزينه، ميكس احساس غريب، بس كان لازم تبلغ شهاب، ومش عارفه رد فعلوا
من الاخر عاشت لحظات الافلام ابيض واسود، فيلم الخطايا وكدا.
المهم الوقت بدرى وشهاب نايم، حاولت تتصل بيه مفيش، طيب تقولوا دلوقتى ولا تستنا، كلام ورغى جواها كتير.
وفين وفين لما اخدت قرارها، وهو انها ع بيت عمها تروح تقول لشهاب، ماهى عامله زى العيله مش عارفه تتصرف.
وفعلا طلعت ع هناك، وراحت وهى مش عارفه تقولهم ايه اللى جابها ولا ليه، بس راحت وهى بتدعى محدش يحس بيها من كبار البيت.
وقرب ماوصلت، جاتلها فكره، وهى تتصل با رامى وهو يسهلها دخولها البيت😄😄 بترسم وبتكتك
اتصلت با رامى وسألتوا هو شهاب موجود، فكان نايم،. وقالها فى اية يابنتى ماانتى عارفه ان انهارده اجازه الشركه وكلنا بنقوم برحتنا، فيكى حاجه، قالتلوا عايزه ادخل البيت من غير ماحد يعرف.
رامى،. اتعدل من نومتوا، وقام، وقالها ايه ناوية تسرقيهم،. ولا هتختالى عمتك وبنتها.
شهد، مش دى امك واختك، لا ياراجل مش للدرجادى،. مع انهم يستهلوا
رامى، اه، ايه، بس هما فعلا يستهلوا، كل خير
شهد،. خلص ياخفه انا عايزه اشوف شهاب،. ومش عايزه حد يستلمنى ليه وبتاع ايه جايا بدرى كدا
رامى، حاضر ياسيت هانم، ماكنتى قاعده هنا وارفانه.
شهد، رامى بتقول حاجه
رامي،. بقول كنتى منورانه والله، خاليكى معايا، فتح باب اوضتوا بحذر، وابتدا يتسحب بشويش، ونزل، لقى خالتوا نعمه فى وشوا، سألتوا فيك حاجه يارامى، لا ياسيت الكل، انا صحيت بس ع تليفون مهم، فكنت نازل اعمل لنفسي نسيكافيه،. وانتى، ابدا ياحبيبي ماانت عارف خالتك بتحب تصحى بدرى، بس طالعه اخد دش ونزله تانى،. ولا تحب اعملك الفطار
رامى،. لا لا، انا ممكن شويه وانام تانى، وطلعت، وهو جارى فتح الباب لشهد،. ودخلها وطلعوا ع طراطيف صوابعهم، لغايت ماوصلت اوضة شهاب، فقالها تحبى اقف هنا احرس جنابك عشان الخروج، فشهد رفعت منخيره، قالتلوا امشي من هنا ياابنى خلاص مهمتك انتهت.
رامى، بصوت واطى قال واطيه
شهد،. رامى روح كح فى اوضتك برحتك
ودخلت على شهاب، وكان نايم وفى سابع نومة، قربت منوا،. وابتدت تصحيه براحه اوى،. ابتدا يتكلم وهو نايم ويتقلب ويبتسم ويرد عليها وكانوا بيحلم، لغايت مقام منطور من مكانوا، وهو مخضوض سألها فى ايه مالك،. جيتى ازاى فى حاجه، والساعه كام
قالتلوا الساعه ١١ الصبح تقريبا، وبعدين يعنى ايه جيتى ليه.
شهاب، لا حببتى مش قصدى بس قلقان عليكى
