البارت الثاني
عندي امتحان فيزياء وكلش صعبه الماده وجافه سهرانه منمت اقره للفجر غفيت وكعدت متاخر واركض يلا يوسف استعجل تاخرت طلعنه وصلت دك جرس دخلت للصف ثاني درس الامتحان الحمدلله جاوبت ومن طلعنه
عذراء روان خلي نروح ناكل ممتريكه
روان يلا
رحنه اشترينه لفات وعصير واكلنه
عذراء رونه مخنوكه مادري ليش
روان حبيبي من تعب وسهر عادي رجعي نامي وتصيرين زينه ... خلص دوام طلعت وكفت بالباب انتظر يوسف وهو ماكو شمس حاره وضجت شارع وكله تباوع يبوو شلون ورطه هااي الا ان اجه يوسف
عذراء متاخرت بعد فد ساعه متكول عايفه بشارع
يوسف ماحجيت شي
عذراء شبيك عصبي احجي شصاير
يوسف مصاير شي
عذراء لا وجهك يكول صاير شي
يوسف امي بالمستشفى تعبت وأخذناه
عذراء شبيه تعبت عفيه اخذني اله
يوسف كافي شبيج بس حجي اسكتي
عذراء سكتت واني خايفه شنو الي صار يوسف ليش هيج معقوله امي بيه شي لا اسم الله وصلنه للبيت يوسف كال ادخلي انتي اني راجع للمستشفى ولتخافين ماكو شي
دخلت والبيت مليان رياجيل والخطار ( للديوان) مليان واكو عندهم سلاح وصياح اني هنا قطرت دم مضلت بوجهي شنو صاير دخلت اركض للصاله واشوف نور حاضنه بنته وتكول راح ابوج بعد ميرجع راح وتجبي
ساره زوجت عبدالله مخليه ايده ع رأسه وتبجي
مينا زوجه يوسف صافنه
عذراء ساره شبيه نور شكو صاير ليش هاي الهوسه بعدني داحجي وسمعت صوت أبويه وهو يكول
لا انطي ابني ولا بنتي
رد واحد صوته خشن ويحجي بقوه الك 3 أيام يادم ابنك يابنتك فصليه غير هذا ماعندي وبدو يطلعون عم الخوف بالمكان واني كلت احد يفهمني شصاير
مينا مجد قتل صديقه مروان ..
مجد صار خلاف بيني وبين مروان هو صديقي وكلش احبه وأعزه بس اني من نوع عصبي وبسرعه انفعل وصار بينه صياح وحجي وشفته تعب كلش واني اعرف قلبه مو تمام وميتحمل العصبيه ف وكع وع اثره مات وراه مخلصت الفاتحه اجوي اهله واحنه بلغنه كبار العشيره وعمامي بس مقبلوا بالفصل لو اني اموت لو اختي تروح فصليه طبعا موتي اهون ولا اشوف اختي تنذل وتنهان كدامي ...
عذراء بعدني مصدومه من الي سمعته دخلت امي واختي واني ركضت حضنته ماما بيج شي يوجعج شي
اخذنه ساره ومينا للغرفه واني جبت اكل وأكلته شويه ونامت محد فتح الموضوع وياه ...
الكل ساكت والوجوه مبين عليه الخوف بيومه محد سوا عشا لان مالنه نفس ضليت سهرانه شنو الي حيصير اخويه يموت وعنده بنات منو الهن يربي
لو اني اذا رحت فصليه ينطوني شايب يعذبني والكل يكرهني دراستي مستقبلي أحلامي كله راحت سمعت صوت الأذان توضيت وصليت كعدت ع سجاده وادعي ياربي تنحل السالفه بدون دم اخويه والله امي تموت وراه اخويه سمعت صوت مريم وهي تشهك بالبجي
عذراء مريم كاعده
مريم يي
عذراء مريم شحيصير شلون اذا قتلوا مجد امي تموت لو اذا خذوني فصليه شيصير بيه
مريم الله كريم ربج يحله نامي وارتاحي رجعت نمت كعدت الصبح اسوي ريوك وي مينا وساره لان عمامي بايتين يمنه طبعا نفس السكته محد نطق حرف بلكوه يلا أكلوه محد اله نفس يأكل رحت لماما انطيته العلاج مالته وصعدت لغرفتي وسمعت صوت بابا يصيح عليه نزلت شفت الكل كاعد عمامي اخواني امي تطلم وتبجي ومريم تكوم بيه حتى تاخذه للغرفه رحت كعدت يم بابا
الأب بنيتي انتي تعرفين معزتج عندي انتي اخر العنقود والمدللـه أخاف من الهوا اذا لمسج
عذراء يي بابا( طبعا عرفت حيكول فصليه تمنين الموت قبل هالحظه )
الأب اعرف صعب الموضوع بس والله موبيدي بنيتي
عذراء باوعت عليه بابا تنطيني فصليه
الاب تقلبين اخوج ينقتل وبناته يضلن أيتام وانتي كلبج طيب ماترضن ع اخوج
عذراء بابا شلون اروح واني ماعرفهم منو يمي يجوز يموتوني
الاب لابنتي كولي يالله يجوز يطلع خوش ولد
عذراء هزيت راسي ب اي بابا مسح دموعي وباسني براسي عفتهم وصعدت للغرفه
الكاتبه حنين @haneenhadi
أنت تقرأ
فصلية من صغري
ChickLitجابوها دفع للدار لا ديرم ولا حنة ولا صفكة ولا دف النعر بالسلف لا هلهولة لا ملگة نشدت الناس عن قصة هالبنية عجب جاروا عليها بغير حنية ورديت بكلب حزنان من كالولي فصلية
