🌴غرام الشيخ سند 🌴
🥀بقلم الكاتبه سمرها🥀
🌴البارت السابع 🌴
نعمه .. طلعت ثوب من ثيابي وفوطه كومي يالضيفه البسي ونطيني عبايه الشيخ امبينه من لبسج انتي بنت بغداد
ضحى..من كالت هيج ارتبكت ومحجيت شي بس دموعي تنزل وراسي احسه راح ينفجر ياربي ساعدني
وسامحني بس معندي غير هذه الخيار لازم اضل اسويه نفسي فاقده الذاكره لبست منهه وفرشتلي نمت راسن
كعدت على صوت يصيحني يالضيفه يالضيفه اكعدي
فتحت عيوني شفت هاي الاسمهه نعمه واكفه فوك راسي وتكعد بيه
نعمه .. شنون صرتي
ضحى .. راسي يوجعني راح يموتني احجي وخايفه اكول الفاقده الذاكره هم تعرف هيج تحجي لو لا اووف
نعمه جبتلج العشه اكعدي اكلي واشربي دواج
ضحى .. كعدت اكل بس شويه اكلت نفسي متريد شربت دوه ورجعت نمت كعدت الصبح ماكو احد يمي
جنت ميته جوع فتحت الباب صارت الشمس بعيني ياا بيش الساعه بقيت واكفه شفت رجال اجه تقرب عليه ومدنك نفسه الجان بالسياره البارحه
هاشم .. نعمه نعمه تعالي
نعمه .. ها ياشيخ هاشم
هاشم .. الضيفه كعدت تعالي يمهه
نعمه اجيت رحت شفتهه واكفه يم الباب هاا يالضيفه
ضحى.. ردت اسالهه على الساعه بس ماكدرت اخاف يشكون بيه اكلج نعمه جوعانه مكدرت اتحمل
نعمه .. ياا واني عبالي نايمه مجبلتلج الاكل تعالي يمي بالمطبخ اكعدي واحضرلج الاكل امشي يلا عيني ماشي
ضحى... ميشت وراهه وصلنه للمطبخ جان بي هواي نسوان سلمن عليه كعدت بالكاع وهنه يسولفن ويضحكن ويحجن وياي سبحان الخالقج هذي شنون جهره حلوه وحده تكوللهه لا شوفي عيونهه اني مدنكه وحده كالتلي ارفعي راسج خلي نشوف عيونج رفت راسي وهنه يحمدن بجمالي اجتي وحده خلي نشوف شعرج هم
نعمه عوفن الضيفه ولجن هسه تجي ام حسان واكوللهه متعوفني الضيفه
بس هنه مسمعن من نعمه احنه بس نريد نشوفهه مبينه مو من البصره نزعت الشال جنت لافه راسي مكان الضربه جان شعري طويل واشقر وهنه بقن صافنات بلونه محسين غير صوت رجولي باوعت واكف بهيبه
وشكله يجنن ويصيح نعمه تعالي راحت نعمه وره
نعمه ها يلشيخ
سند .. علميهه لا تنزع الفوطه من راسهه ابد مبينه مو منه علميهه علينه
نعمه .. مو هيه البنات اصرن يشوفن شعرهه راح ارزلهن وبعد متنعاد يالشيخ دخلت للمطبخ هاا ارتاحيتن الشيخ رزلني وانتي يالضيفه لا تنزعيل الفوطه بعد من راسج الشيخ ميقبل
سند .. رحت امشي وصورتهه محفوره بعقلي شكد حلوه وطفوليه متروح من بالي ابد
ضحى.. ماشي بديت اكل مثل المشايفه من كثر ما جوعانه خلصت وردت اشيل الماعين بس نعمه مخلتني
