#يوميات_موظفين ~
الحلقة الثانية📍
جهاد >> بنقعد مقعمز انا ساعة هنا
انا >> يا صبر الارض ، صدعتلي راسي اسكت و اسمع كيف نحكو بلكي اتعلم حاجه
جهاد >> تم يا ابله 😂
انا>> فكني منها ابله هذي قول شهد ولا ماتنادينش بكل مافيش داعي 🤷🏻♀️
جهاد>> وفرتي
خشيت وخذيت نفس سلمت عليهم وقعمزت
جهاد كان متكي ع الكرسي كآنه امير وحاط كراع علي كراع ويبحت فينا وماسك التلفون ويسهوك🙄
قعدنا نحكو و ناخذو ونعطو فالكلام وكان الاجتماع علي اقمشة انهم يجيبولنا اقمشة وكنا نتفقو ع السعر
انا >> هضا اخر كلام ،جهاد عندك كلام ثاني
كان ماسك تلفونه
انا بحتت فيه وسحبت التلفون من يده وضحكت ضحكة صفره >> يراجي في اتصال مهم من شركة ثانيه عشان هكي مشغول اليوم شويه ☺️
بحت فيا وقرب من عندي وقالي بصوت واطي >> نتفاهمو بعدين "بحت فيهم " المهم زي ما قلتلكم الاستاذه شهد الكلام يلي قالاته هو اخر كلام
اتفقنا ع السعر و علي كمية الاقمشة و طلعنا نزلنا لكافي الشركة تحت علي ما جا السواق
جهاد>> بحتي نكون معاك صريح انا مش متاع شغل او ب الاصح انا مش حاب الشغله هذي ! عشان هكي ماتدخلينيش في شغلك! اشتغلي بروحك وخليني في حالي
انا بحتت فيه وصبيت مقابلته>> الكلام هضا قوله لباتك مش ليا انا ! اوك ؟ 😌
قلب وجه ومسك تلفونه >> شكله ح يكون شغل متعب
انا >> بكل ! 😒
كملنا الاجتماع وردينا للشركة خشيت علي استاذ حامد و اتفقت معاه ع الراتب ووقعنا عقد مدته ٣ شهور ولو حب الشغل ح نجددوه اخرى
طلعت ورنيت علي مالك و روحت للحوش
//
//
مالك >> ماتراجونيش مطول انا
انا >> مالك وين ماشي مشاويرك كاثرات 🤭😂
مالك >> ماشي للشغل مش ماشي نلعب انا يادراما
خشيت للحوش لقيت ماما موتيتلي غدا و راقده
تغديت بدبشي بكل ورنيت علي شيماء اختي
انا>> لكي فترة معش جيتي
شيماء>> الحمل متعبني والله و نعاني في الفرخ وحتي الراجل مش مساعد
انا>> جيبي حمودي الماما
شيماء>> منبيش نتعبها
انا >> تعالي بس كسدي فالعشيه منها اتريحي
شيماء>> تو نشوف علي، اختك لخرا وين
انا>> عديت للشغل وجيت وهي مازالت راقده
سكرت من شيماء ورنيت علي نور صاحبتي
نور >> سنة وانا نراجي فيك ترني
انا >> اسكتي لو نقولك شن صار
نور>> احكييي نسمع
