قصه حقيقيه
السلام عليكم اني همام (اسم مستعار)
عمري 24 سنه
اني عندي سياره اجرة كيه باص اوصل عبريه للأحياء وبوقت الدوام المسائي اروح اصعد طلاب
وعن طريق شغلي بل سياره صادفتني بنيه طالبه
صعدت وياي بل سياره
واكتشفت انو هي من اقاربنه بس من بعيد
وثاني يوم هم صعدت ويايه
وصارت نضرات بيناتنه
وكل يوم انتضره بنفس الوقت الي تجي بي
ومن تصعد جنه نسولف ونضحك
وحتى مرات م اصعد اي عبري (ناس)
حتى بس نكدر نسولف ونفرفش
وگمت ميعبر يوم بدون م اشوفه واحاجيه واذا تأخرت عليه اتصل واعرف شنو السبب
وجانت اذا يصير وياها اي شي تجي وتحجيلي اول واحد وتخبرني على كلشي وتسألني ع اي شي
جنه حيل متفاهمين بيناتنه
وحسيت نفسي حبيته
وضميت حبي بگلبي ولمده طويله وجنت اخاف اگوله على الي بگلبي
وبعد تفكير عميق تاخذت قرار انو اعترف
بحبي إله واكوله على الي بگلبي ومشاعري اتجاها
واجه يوم جديد وصعدت بالسياره وحجيتله عن كلشي وهيه تقبلت الحجي 💓
حبيتها وحبتني واستمرينه 5 اشهر
من بعد ال5 اشهر قررت اروح اخطبها
وفعلا وديت امي حتى تخطبها الي
ومثل ما كتلك همه طلعو اقاربنه من بعيد فوافقو
وصارت الخطبه وازوجتها
ازوجنه وعشنه ايام حلوه
دللتها وكل الي بنفسها جنت اسوي الها
وهي جانت مطيعه وتسمع الكلام وهذا الشي ال خلاني اتعلق بيها اكثر واكثر وما ارفضلها طلب
هيه مجان عدها تلفون لان نكسر
قبل مده من الزواج
وبعد مرور سنه على زواجنه كالت اذا تحبني جيبلي تلفون
بالبدايه رفضت بس بقت تترجاني
وكالت مو شرط ابو الكامره حتى اذا موبايل عادي بس اخابر على اهلي بي واخابر عليك من تتأخر
المهم
وافقت وجبتلها موبايل وخط وكتلها ممنوع تنطين الرقم غير الي ولأهلج
كالت ماشي
وره فتر اجتي زوجت اخويه كالت سمعت زوجتك تخابر ولد
اني مصدكت لن اثق بيه ورزلتها لزوجة اخويه
وبعد كم يوم اني بالشغل احتاجيت شغله ف اتصلت عليها
طلعلي مشغول
وبقيت بحدود ساعه اتصل يطلعلي مشغول
بنفس اللحظه رجعت للبيت وصعدت لغرفتي فوك
جان اسمعها تحجي ويه واحد وحجي كل غراميات وحبي وحياتي وعمري
اني فار دمي من بقيت اسمع الكلام
وردت افوت عليها اقتلها
بس تماسكت نفسي وبطلت
وما حجيت اي شي وياها ولا خليتها تدري بيه اصلا اني جيت للبيت
ثاني يوم اجتي امه لبيتنه خطار
واحنه كاعدين بل صاله دك تليفونهه
واخذته ورادت تصعد فوك
اني كلتله منو اتصل ؟ كالت اختي
كلت اوكي جاوبي خلي اسمع اختج
وصار حجي من امهه وامي شكو شبيك عوفهه
اخذت التليفون وجاوبت وفتحت سبيكر
وطلعي والد هاشلونج ليش مجاوبين
كلت المهه اخذي بنتج واطلعي من البيت
وره يومين طلكته
وبعد ماعندي ثقه بأي احد وماعرف بيمن اثق
لان الانسانه الي حبيتها ودللتها خانتني وطعنتني بضهري
ولا تصدكون كل الشخاص الي يشوفوكم حبهم لان ماتدرون شنو بكلوبهم
هاي قصتي واتمنى الناس تاخذ عبره منها
............ +++++(بارت واحد فقط)+++++...........
