حكم ألنوارس

البارت 1

الكاتبه دينا الربيعي
⭐⭐⭐⭐⭐⭐

دورني وذا م بيك ?
ظل هناك ،
تلگه هواي مثلك
رفسوا النعمةة
تلگةة هواي مثلك
مثلي تلگةة منين"
⭐⭐⭐⭐⭐⭐

نزلت الدرج واني اركض وره اخوي علاوي اعثر بايه وبايه انزلها حته عيوني مترمش من گد ما سريعه صرخت لك علاااااااااوي

يلتفت علي يضحك ويرجع يدر وجها يمشي بالممر والعالم تفوت منا ومنا اعثر بيهم بس شخص واحد ماگدرت اعبره انصدمت بي
بقيت كامشه ايده وايدي الثانيه كامشه سترته حته ما اوگع

من سرعتي بقه الشخص هاذا مثل الجماددددد صافن بوجهي وعبالك لوحه ثمينه گدامه انزعجت من نظراته الي وخرت ايديا منه ومشيت عادي واني ارجع كفشتي ليوره واجتاحني خجل على مستحه على خوف لزمت اخوي لگيته خاتل وره الشجره

هاذا المكان دائمآ يختل بي ودائمآ اشوفه خاتل هنا بس هوه اثول بعد حته لو يعرف مكانه مكشوف وراح الگا  ميبطل اله يختل هنا

لزمته من اذنه واني الويها اله حييييل واضربه على راسه
اني كم مره گتلك لتشتري بالدين كم مررررررره هااااااا انته شوكت تبطل حلاويات لا عشه لا غده ولا ريوگ من تفتح عينك الحد متنام حلاويات لك حته اسنانك تسوست منو يوديك دكتور هااااااا احجي ازماااال انته والله تعبتني واني ابجي تنزل دموعي من تعبي واني صغيره متحمله مسؤوليه البيت واهلي وعلاوي ماخذله صفحه اشكبرها

???عوووفي ليش هيج دتئذي شنو مسويلج هوه طفل هيج تعاملي

وانته شعليك هوه اخويه واني حره بي شكو مدخل روحك بشي ميخصك هااااا امسح دموعي وعلاوي فلت من ايدي يبجي ختل وره الولد

???حبيبي اختك هاي ليش تبجي شنو سويت من مصيبه ومنزل دموعها هااا 😃

عمووو والله ماثويت شي ااا اني بث اثتريت بدين من عمو ابو عبد الله

???ههههههههه حبيبي ليش تبجي انته مامسوي شي خلص اني اشتريلك هسه

هييي هييي منو انته حته تشتريله عوفه شكرآ مامحتازين احد احنه تعال حبيبي علاوي بعد مائذيك

لا لا جذابه هسه كتلتيني لان اشتريت بالدين من عمو

استغفر الله ياربي لصيح اشتريت بالدين افتهمت كافي اني اطي العمو الفلوس تعال يله

???عوفي خلي اشتريله واني ارجعه واذا تردين تعالي ويانه

لا شنو تشتريله هسه راح تشتريله ويتعود اكثر ومنو يدفع الفلوس كلها توگع براسي اتركه الله يخليك اني عندي كاكو انطي

ما ما عوفيني عمو حباب يشتريلي اريد بسكت وحليب

لك انته متستحي اني مو كليوم اشتريلك امشي يله

???اخذت الولد من ايده ورحت للأسواق اشتريتله كلشي خطيه شفت الفرحه بعيونه واخته عصبيه نااار بس ماهتميت الها خليتها تحجي وحدها لان اذا احجي وياها راح اتزيد طلعنا من الأسواق وهوه يگلي عمو حييييييل هذني هوااااي هسه نورس اتظمهن وتطيني شويه

???ههههههههه لا اني اگللها تنطيك شوكت متريد

???اني صاعده يم بابا وانته تعال وراي راح اشوف بابا ياويلك اذا اتأخرت افتهمت

اي اي لوحي اني اجي وراج

???گعدت ويا حبيت اعرف شنو وضعهم ليش گاعدين بمجمع سكني يعني كله عيادات المجمع قديم وتعبان بس بي دكاتره اكثر شي وجوه المجمع محلات اسواق وهيج شي سألته

???حبيبي بابا وماما وين

ماما بيت جدو صارلها هواااااي ذعلانه وبابا مريض ونورث دول تعبت راح اثرد وبابا يدللها انجبي ههههه بابا يدل النورث عوبه

???لا عيب حبيبي لتغلط على اختك بابا اشبي ليش مريض

بابا رجلي ماكو وداعد بالعربانه واني ادعد بيها ونورث تدفعني من بابا ينام ههههه

???ههههههههههه ابتسمت برائه عد هاذا الطفل بعمري ماشفت منها وفطير كلشي يحجي عكس اخته احسها بركان خازرتني بعيونها والحواحب مطبوگات من اعصابها

???وماعدكم بس نورس بالبيت

اي بث نورث هيه اختي نورث وبعد ماعدي

???هم ترحون الماما لو لا

لا منروح هاذا خالو يدول بعد ماعدكم ام واخذ ماما وراح ثار هواااي ونورث گامت تبجي واني هم بث اثتريت من عمو وبعد مابجيت

???اجتي اخته ومبينه الحيره البيها هيه جمالها مو طبيعي بس مخربطه شعرها شگار وطويل ضفيرتها النهايه ضهرها والعيون صفررر والشفه حمره الخدود حمر وطويله ونحيفه يعني انصدمت من خلت عينها بعيني اول مره دخت بيها بس من طلعت من العياده وشفتها تتعارك ويه اخوها رجليه اخذني الها وحبيت اعرف شنو سالفتهم دخت بالسمعته من اخوها

علاوووووي اني اشگتلك هاااا مو گتلك لتتأخر انته دومك شالع گلبي گوم بابا يسأل عليك شوف اسويت بنفسك حلگك كله گاكو

يتبع ،،،،،،

بنات هاي قصه جديده الي هيه بالأصل حقيقيه بس كل سردها من خيالي والي يگول اشلون حقيقيه واشلون سردها من خيالج اگوله يعني سمعت من بنيه اعرفها هاي القصه بس لا اني ولا هيه نعرف شنو صار بينهم بعد يعني راح اكمل كلشي من عندي اتمنا تعجبك ولتنسون المتابعه والتصويت اريد أرأكم بنات كتبولي بالتعليقات 💜