مرحبا اني هدوء عمري 17 سنه اني كولش حلوه بدون مبالغه عيوني زرق كبار ورموشي طوال وحلكي صغير وشعري طويل كولش امي عافتني من صغيره وتزوجت وابويه هم كذلك بقيت يم خالتي هي الي ربتني احنا بالبيت أربع اشخاص أني وخالتي وميا ويوسف راح احجيلكم قصتي من البدايه
اني البنيه لوحيده للمحامي عبدالله فيصل المعروف وابنه المعلمه ايات ابراهيم انولدت بوكت مو خوش وكت اهلي كانوا ع خلاف دائما لمن امي عرفت بحملها بيه مااتحملت وصارت تضرب بطنها حتى يموت الجنين بس قادر الله وماامتت لذلك ابويه من عرف بحمل امي طلقها وكال احنا مو ع اتفاق وشسوين بالطفل سوي امي أول ماولدتني انطتني لخالتي وراحت حتى مااعرف شكلها صار عمري شهرين واني يم خالتي اندك الباب لكت طفل كدام الباب طببته ورضعته وهل طفل هو يوسف وبعد فتره اسبوعين ماتت المربيه الي كانت تساعد خالتي لانه خالتي كانت تطلع الصبح تشتغل فتبقي المربيه يمنه وكان عدها بنيه لذلك خالتي ربت بنتها والي هي ميا
مرحبا اني يوسف عمري 18 سنه اهلي ماارادوني لذلك ذبوني كبال باب بيت واخذتي المره الي كانت بالبيت ورضعتني اني وبنت اختها لذلك صرنا اخوان برضاعه
🐾🐾🐾🐾🐾🐾🐾🐾🐾
مرحبا اني ميا عمري 18سنه اني البنت الوحيده لمره فقيره كولش ابويه مات من اني انولدت وامي وره بشهر ماتت لذلك ربتني المره الي كانت امي تشتغل يمها بس ماكانت ترضعني وكانت تجيب غير مره ترضعني
💜💜💜💜💜💜💜💜💜
مرام، هدوء بنتي اسمعيني اني الي داسوي لمصلحتج
هدوء،خالتي والله ادري لمصلحتي بس ما اعتقد راح ينجح هل زواج لان اني مشايفته ولا هو شايفني شلون نعيش سوا حياتنا كلها ليش تريدين تزوجيني بهاي سرعه مضوجتكم بشي اني
ميا، خالتي بس فهميني شلون طلعتي هذا القرار متعلق بمصير حياه هدوء
مرام،شلون هيج تحجون تعرفون شكد احبكم اني ومااكدر ع فراقكم لحضه وحده بس هاي سنه الحياه
يوسف،خالتي سنه الحياه بعمر 20 22 25 موو 17 بعدين احنا بعدنه ممزوجين
مرام، يوسف حبيبي خليك بمكاني اني حاليا عمرري44 سنه وشكد اريد اعيش يعني اريد اطمئن عليكم وخصوصي هدوء تعرفها شكد هادئه وصوتها كووه نسمعه اريد ازوجها لواحد يكون قوتها
هدوء,كنت كاعده اسمعهم وساكته مااحجيت شي أساسا اني هيج لو شيصير مااحجي
مرام ،فكرري ماما الولد ابن الخاله سما وهو ابنها الوحيد وخاله سما تحبج كومه بعد شتريدين
هدوء ،الي تشوفينه مناسب سوي
مرام،فدووه لبنتي العاقله الحلوه
هدوء،رايحه لغرفتي تصبحون ع خير
الجميع،ونتي بخيير
يوسف،خالتي شلون تزوج ودراستها فدوه فهموني شبيكم
ميا،خالتي فدووه بس كوليلي بشنو تفكرين
مرام،اذا هي موافقه انتو ليش معترضين
يوسف ،لان تعرفين كولش زين هي هيج ياادوب تحجي كلمه كلمتين ودائما تسوي الي تكولينه
مرام،ماما اني والله ميهمني بس مصلحتكم
يوسف،بكيفكم بس اذا جرحها أو نزل دمعه منها مراح يصير خيير اصلا احنا منعرف عن الولد شي عن عاداته واسلوبه شيحب ميحب وتعرفين هو بين بالعطل كله يكضيها بتركيا يعني ياخذه 4 اشهور منشوفها فكررتي بهل شي شلون ننطي جوهرتنه هيج ببساطه ماادري شلون تفكررون ( وطلعت من الغرفه مفوور )
ميا،يووسف اوكف يوسف ماشي خاله مرام هاج الدووه
مرام،احجي ويه يوسف قنعي بنتي وكوليله الخطوبه بااجر والعرس عكبه
ميا،شلوون شلون باجر ليش مستعجله شكوو
مرام،سويي الي كلته الج وكول اليوسف
ميا،انشاءالله (ردت اطلع)
ميا،خالتي هدوء اميره هل بيت والصغييره اتمنى متخلين كلبها ينكسر بسبب أي قرار ممكن تاخذي فكري زين والي كاتبه الله يصير تصبحين ع خير
مرام ،وانتي بخيير حبيبتي
مرام،اووف لو بس تعررفون ليش هيج سويت كان عذرتوني
ميا،يوسف يوسف اوكف خلي نحجي
يوسف،شتريدين عوفيني مااريد احجي ويه احد
ميا ،يوسف اوكف يااعيني بس خلي نحجي
يوسف،احجي شكو
ميا،باجر الخطوبة وعكبه العرس
يوسسف،شلوون😳باجرر هاي شبيها خالتي ليش تريد تزوجها بهاي سرعه بشنو تفكرر
ميا،يمكن عدها سبب قوي
يوسف،وشنو السبب الي يخليها تزوج وحده بعمر الورد
ميا،الله كريم الي كاتبه الله بي خيير
يوسف،ونعم بالله
ميا،رايحه للغرفه ورانه كومه شغل باجر تصبح ع خير
يوسف ،ونتي بخيير
💞💞💞💞💞💞💞💞💞
هدوء،رحت لغرفتي واني مختنكه مااريد ازوج ودراستي كمت ابجي وغفيت
ثاني يوم كعدتي خالتي
مرام ،هدوء ماما يلا كومي وراج خطوبه
هدوء،ياا خطوبه خاله اليوم خطوبه منو
مرام،خطوبتج
هدوء،خطووبتي،😳
مرام،يلا كوومي بسررعه
ميا يوسف تعالوا ساعدوا هدوء تتحضر
هدوء،يوسف اليوم خطوبتي ليش
يوسف،اووف يااروح يوسف انتي والله بس لو أعرف شتفكر خالتي كان ارتاحيت
ميا،لتخلون عرضه يجوز خيير
هدوء،ماشي (وعيونها نترست دمووع)
اجه موعد الخطوبه ونزلت جواا وزعت عصيير لخالتي سما ومره ثانيه اخت خالتي سما ولبنتها وهو كان كاعد انطيته العصير واني مااباوعت لشكله وكعدت
سما، يممه فدووه فرحتي متقاارن بفرحه احد طول عمري احلم يصير عندي جنه مثل هدوء والحمدلله صاررت من قسمتي
مرام،هههههه إنشاء الله تكون ع كد ثقتج
سما،هههه اكيد اكيد عيني بارده ع
عيني مرام من ناحيتنه موافقين بقت يمكم
مرام ،احنا هم موافقين منلكه مثلكم بس العرس عكب باجر
سما،يي يي إنشاء الله،هاي هي لعد نقره الفاتحه
مرام،يلا بسم الله
هدوء ،قروا الفاتحه واني لحد هسه حتى اسمه مااعرفه راحوا وصار بيت خبصه للعرس
💖💖💖💖💖💖💖💖💖
نهايه البارت 💖🌚
شنو رأيكم حلوه لا
