امير، كعدت الصبح ساعه 9:30 سبحت ونزلت افتريت شويه بحديقه الفندق وصارت ب12 الضهر ركبت سيارتي وطلعت يمكن افتريت بغداد كله يلا صارت ب6 خررب ليش الوكت مديمشي خابرت صديقي ورحتله طلعنه للمول رجعنه ب10 وصلته للبيت وضليت افتر داير مداير الفندق لحد مصارت ساعه 1 تقريبا دخلت للغرفه لكيتها هي وكاعده نايمه ع الميز ( طاوله ) وحاطه يديها ع خدها عزاا لمن شفتها حسيت عبالك واحد ضربني ع كلبي كعدت كبالها وصار وجهي كبال وجهها نتبهت ع كل تفصيله بوجها لكك هاي من شنو مخلوقه ماابيها ولا غلطه واني صافن ودافكر فزت لمن فتحت عيونها راد يوكف كلبي انوب عيون زرق
😉😉😉😉😉😉😉😉😉
هدوء ، كعدت الصبح ب10 ملكيته دخلت سبحت وطلعت اندكت الباب فتحته طلع جايبين ريوك انتضرته مااجه مااكلت حسيت بنفسي مختنكه ضليت افتر بالغرفه كل شويه اكعد واكوم وافتر يسره ويمنه كمت صليت وضليت اقره قران لحد ساعه 5 لعبت بتلفوني لل8 لحد محسيت نفسي بزعت منه
وهم مااجه بقيت ع هاي الحاله لحد الساعة 12:30 كعدت ع الميز وبدون مااحس غفيت وراها حسيت بواحد يمي فتحت عيوني شفت اميير كاعد كبالي فزيت اول مره اشوف شكله ومن قريب عيونه عسلي وبشرته تجنن ضل يباوع ع اني نزلت عيوني
اميير,حسيت ع نفسي كمت كلتلها ليش نايمه هنا متنامين بمكانج
هدوء،كنت انتضرك
اميير،ماكو داعي تنتضريني بعد
هدوء،احميلك الاكل جابوا وبرد
اميير،ماريد اريد انام
هدوء،ماشي
هدوء،راد يفرش بالكاع
هدوء، أمير اني انام بالكاع وانت نام ع السرير
اميير،مااريد
هدوء،اذا تنام بالكاع راح يوجعك جسمك
اميير، 😒
هدوء،مثل متريد اسفه
اميير،تصبحين ع خير 😒
هدوء وانت بخيير 😔
نمنا وكعدنا ثاني يوم من وكت لان لازم نرجع للبيت اميير بدلت لبست فستان طويل احمر وحطيت مكياج خفيف بس خليت روج احمر وهو لبس قاط اسود ورحنه استقبلونه باحتفال كبيرر (العلم حالتهم زينه يعني اغنياء) وعازمين ناااس كوومه اجو انطوني هدايا وهم يمه شلون لبس لابسين اني مااكووللكم انو اني ماالبس لا البس لان اني مو محجبه بس لبسي مستوى يعني بنطرون وقميص أو فساتين مرات طويله ومرات قصيره بس لبسهم فد نوب يعني كرايبهم هم لبسهم لا زين مثلنا
اميير،يمه شوكت تخلصون اريد اصعد للغرفتي
سما،اوكف بعد كمل الاحتفال
اميير،يااربي شيخلصني اليوم
ريم،هلاوو حب شلونك لكك شطالع اليوم اطك بالكاع
امير، هلا
ريم،هايي شنو صاير ثكيل من تزوجت وينها مرتك هايي
اميير،يي مرتي 😏
ريم،هاا (بهمس) وتحبها
اميير،مالج دخل
ريم،امممم أوك اميير والله لا انهي هل زواج بيدي اكولج اكولج انتي يبوو شسمها هاي هاا هدوء هدوء
هدوء،نعم تفضلي
ريم،انتي الي تزوجتي اميير
هدوء،يي اني
ريم،تدرين قبل لا يصير زوجج كان حبيبي
اميير،لتلغين لغوه زايده منو حبيبج
ريم،هههههه لك فدووه العصبي
☺️☺️☺️☺️☺️☺️☺️☺️☺️
هدوء،اميير راد يصعد لغرفته أمه منعته عاد شفت بنيه لابسه فستان ضيق حيللل وجسمها مبين منه تصيح اميير كالتله هلاوو حب شلونك لكك شطالع اليوم اطك بالكاع ماادري ليش ضجت من سمعتها هيج تحجي عفتهم ورحت يم خالتي سما شويه وسمعتها تصيحني كلتلها نعم تفضلي كالت انتي الي تزوجتي أمير (بستهزاء) كلت يي كالت تدرين زووجج كان حبيبي قبل لا يزوجج عاد هو طلع واكف ورانه عيطت ع وهي ولا يمه كالتله فدووه العصبي وراحت عززا شلون جرأه عدها اني ابد مااحجي ابد وهادئه هدوء مو طبيعي مرات اضوج من نفسي اكول اني ليش مو مثل هل عالم احجي هوايه وادافع ع نفسي بس البي طبع ميتغيير ومرات احس هل طبع نعمه المهم اني من صدك نقهرت من كالت حبيبي وامير باوعلي درت وجهي لان كنت دابجي ومردت يشوف دموعي (صح اني هادئه بس قويه)خلصت الحفله وكلمن راح البيته واني واميير صعدنه للغرفه
اميير، عيطت ع ريم بس هي ولا اهتمت واساسا متعود ع عدها جرأه كولش قويه مرات اني اسحتي وهي متستحي مادري شنو من بشر درت وجهي ع هدوء شفت عيونها مليانه دموع وكبل دارت وجهها عرفت دتبجي ومتريدني اشوفها خلصت الحفله وصعدنه للغرفه بس المشكله وين انام مااعندي فراش بغرفتي شلون افرش بالكاع وماكدر اكول يجيبولي لان راح يكولون والسرير
هدوء ،حسيته ديدور ع شي
هدوء،ع شنو ادور
اميير،فراش
هدوء،تكدر تنام ع السرير هو مالك
اميير، ماريد
هدوء،😔😔
اميير،ضليت ادور ع شي افرشه ماكو هي راحت تمددت ع السرير اني كلت ليش اخليها تنام مرتاحه واني متعذب شكو واذا نمت بالسرير
اميرر، سويلي مكان
هدوء،يي حاضر ثواني تفضل
اميير،شكرا
هدوء،ولو
💞💞💞💞💞💞💞💞💞
نهايه البارت 🖤☺️
