Dark Angel ( S - 2 )

Thankyou

မမွန် ဒီမှာ စာရေးနေခဲ့တာ သုံးနှစ်ကျော်ပြီပေါ့နော်။ ဒီအတွင်း ရေးဖြစ်ခဲ့တာတွေ၊ အမှတ်တရတွေ၊ ဖြစ်လာခဲ့တဲ့ စာအုပ်လေးတွေ အများကြီးပဲ။ ပျော်တယ်။ ၀မ်းသာတယ်။ ကျေးဇူးတင်လို့လည်း မဆုံးပါဘူး။ ဘ၀ရဲ့ အလုပ်ချင်ဆုံးအလုပ်ကို လုပ်ခွင့်ရခဲ့တာဟာ ဒီက စာဖတ်သူလေးတွေအားလုံးရဲ့ ကျေးဇူးကြောင့်ပါ။

အခု Dark Angel ဆိုတဲ့ ဒီခရီးလေးလည်း ပြီးသွားခဲ့ပြန်ပြီပေါ့နော်။ အဖော်အဖြစ် လိုက်ပါပေးခဲ့သူတွေအားလုံးကို ကျေးဇူးတင်ပါတယ်။ တစ်နှစ်ကျော်လောက် ထာ၀ရပုံပေ ကို ဦးစားပေးပြီး Dark Angel ကို မရေးဖြစ်ခဲ့တာကို စိတ်ရှည်ပြီး စောင့်ပေးခဲ့သူတွေ၊ ဒီ ဇာတ်လမ်းလေးကို မမေ့သေးဘဲ မမွန်ရေ ရေးပေးဦးလေ ဆိုပြီး cb ထိ လာပြောခဲ့သူတွေကို ကျေးဇူးတင်လို့မဆုံးဘူး။

ရေးခဲ့တဲ့အချိန်မှာလည်း ဖတ်ပေးသူ၊ အားပေးသူတွေကို ကျေးဇူးတင်ပါတယ်။ comment နဲ့ ပတ်သက်ပြီး မမွန် ဘယ်တော့ကမှ serious သိပ်မဖြစ်ခဲ့ဘူး။ တစ်ချို့က သူတို့ဖတ်မှန်း မသိစေချင်တာမျိုး၊ တစ်ချို့ကျတော့လည်း ဘာရေးရမှန်းမသိ၊ စာရေးသူ သဘောမကျမှာ စိုးရိမ်တတ်တာမျိုး ရှိတတ်တော့ နားလည်တယ်။ ဒါပေမဲ့ comment တွေဟာ မမွန်အတွက် တန်ဖိုးမရှိဘူးလို့ မဆိုလိုပါဘူး။ ဘာပဲဖြစ်ဖြစ် emo လေးတစ်ခု မြင်ရရင်တောင် ပျော်ပါတယ်။ ယုံမလားတော့ မသိဘူး။ ဒီ ဇာတ်လမ်းမှာ ထူးထူးခြားခြား comment တစ်ခုရှိတယ်။ "တိန်" တဲ့။ တစ်လုံးပဲ။ အဲ့ဒီ့ comment ကြည့်ပြီး ရယ်လိုက်ရတာဆိုတာ။

ဆိုလိုချင်တာက ဘာပဲဖြစ်ဖြစ် မမွန် တန်ဖိုးထားပါတယ်။ update တောင်းထားတာတွေ၊ ဆက်တင်ခိုင်းထားတာတွေ မြင်ရင်လည်း ပျော်တာပဲ။ သြော်.. သူတို့ ဖတ်ချင်တယ်ပေါ့။ ကိုယ်ရေးတာကို ဖတ်ပေးမယ့်သူရှိတာ၊ စောင့်ဖတ်နေသူရှိတာတွေဟာ စာရေးသူတစ်ယောက်အတွက် တကယ့်ခွန်အားတွေပါပဲ။

ကျေးဇူးတင်ပါတယ်လို့ ထပ်တလဲလဲ ပြောပါရစေနော်။ ဒီဇာတ်လမ်းက Heavy Drama ဖြစ်နေတာ။ ဒါကိုတောင် တောက်လျှောက် ဖတ်ပေးခဲ့သူတွေကို ကျေးဇူးတင်ပါတယ်။ မမွန် စရေးကတည်းက စိတ်ပူမိတာက Black Angel ကို ဖျက်ဆီးသလို ဖြစ်မှာကိုပါ။ Alex ဆိုတဲ့ ဇာတ်ကောင်သစ်ကို ထည့်ရေးတဲ့နေရာမှာ မမွန်အတွက် တကယ့် စိန်ခေါ်မှုပါပဲ။ ဖရက်ဒီ့ကို ပြန်ခေါ်ရေးရင် စာဖတ်သူတွေ ကျေနပ်မယ်ဆိုတာ သိသိကြီးနဲ့ ဆန့်ကျင်ဖက် ရေးရတဲ့အခါ အကြိမ်ကြိမ် သတ္တိမွေးခဲ့ရတယ်။ ခေါင်းမာရတယ်ပေါ့ကွာ။ အားလက်စ်က ဖရက်ဒီ ပြန်ဖြစ်သွား။ အဆင်ပြေသွားရင် အားလုံးသဘောကျလိမ့်မယ်ဆိုတာ သိတယ်ရယ်။ ဒါပေမဲ့ အဲ့ဒီ့လို မရေးချင်ခဲ့ဘူး။