رواية
تأخرت في حبك
الحلقه الأولي
للكاتبة حويوة❤️
غيداء : لااااا ارجوك سامحني والله معش نعاودها والله والله
محمد : انتتتي وحده حقيره وخاينه ولازم تموووتي
وكيف بيضغط علي الزناد
أوس : خيرك انت هلبت بتقتل مرتك
محمد : خليييني نقتلها هالفاجره هاااادي
أوس: صح منعرفش شن صاير بس مش هكي تنحل الأمور يا محمد اهدأ وتعالا معاي
محمد : بنمشي بس ونبي نرجع منلقاش ولا حاجه ليك وكلمي خوك يجي يرفعك ميشرفنيش تركبي سيارتي
غيداء:😭😭😭😭
✨✨✨✨✨
محمد :كان يبكي لأول مره في حياته محمد الآخ الكبير واللي ميهزه ريح محمد اللي ميقدرش حد يهزله شعره اليوم طايح يبكي بسبب مراء
أوس : احكيلي يا محمد شن صاير خيركم امس مكانش فيكم شي
محمد : اكتشفت انها تخون فيا يا خوي تخون فيااا
أوس: كيف تخون فيك احكيلي
محمد : امس بعد ما ركبنا منكم
فلاش باك ✨
محمد : هههههه اليوم لازم تحملي مدخليش فيك ااه دبري لعمرك
غيداء : انلا انلا هههههه يلا وسع بنخش ندوش
محمد : دوشي واطلعي نراجي فيك 🤤🤤
غيداء خشت تدوش ونست نقالها وبدي مسجات ومكالمات هلللبا في جرت بعض في الأول محمد معدلش بس بعدين قررر يشوف شن صاير
شاف ولقي مكالمات من رقم مش مسجل والرسائل هما الصدمه وحده فيها وينك حبيبتي خيرك مكلمتينيش اليوم وحده راجلك شكله قاعد هالحصله لما تفضي كلميني ومن هكي وهني محمد ولعت فيه نااااار
محمد : غيدااااااء اطلعيييي
غيداء طلعت وهي قاعده مبلوله: خيرك شن فيك
محمد : هذا شنييي فهميني
غيداء : اءءءء اني😨
محمد معش نقدر ندرق عليك اني منحبكش اني نحب واحد تاني
محمد : معش يشوف قدامه في شي وطاح فيها ضررب وكسر كل شي لين معش قدر وطلع من الحوش ولما روح الصبح كان بيقتلها بس أوس خوه تدخل
(افعل أي شيء ، لكن لا تخذل شخصاً وضع كل ثقته فيك 🖤
.. - دنيس ديدرو)
رجوع الحاضر ✨
أوس :معقوله غيداء تدير هكي تأكد بالك مجبورة بالك في حاجه
محمد : أوس متبررش هيا اعترفت بنسفها وكانت سانده روحها بيه ههههه بس هو الكلب سكر الشفره وفص ملح وداب
أوس :ااااه شن ناوي توا
محمد : مش ناوي شي تطلق وتمشي حوش أهلها وتمت
أوس : تييي عادي اصلا من قبل اني مش عاجبتني نحس في القصه اللي اطلع فيها من شعرها مزيته هكي كأن كانت تقلي في بوريك فهمت كيف 😂
محمد : هيا اني طالع يا زريف عندي مشاكل مش رايقلك😒
✨✨✨✨✨✨✨
في حوش عمهم اللي لأصق فيهم ( طبعا هما زوز خوت بس ويسكنوا جنب بعض )
هديل : ميس تعالي شوفي محمد ولد عمك طالع معصب منظره يضحك
ميس : ااااه يا هديل اسكتي عليا ترا كل ما نشوفه قلبي يزيد ينحرق
هديل : بري يا نكد بري اني بنمشي نكسد بحدا آريان
ميس : بنمشي معاك نغير جو شويه
هديل : استني نطيبوا كيكه قبل
ميس :اني نديرها انتي تديري فيها سوده زي شوارب جدك الله يرحمه
هديل :حكيرة اصلا اني بنمشي لاوس بسس هو الكيكة ذات نفسها 😍😂😂😂
ميس 😂😂😂😂😂
هههههه متخافوش مش حنخليكم هكي
طبعا هديل وميس يكونوا صغار عم محمد وأوس
اب محمد يكون عمران ومرته فايزه ومعندهمش الا محمد وأوس واريان
- [ ] محمد م89 شخص عصبي وعنده كمية برود غيييير طبيعية وروح أمه العناد متخرج من كلية طيران يعني كابتن بس فاتح محل عطور وإكسسوارات وعنده هلبا فروع ميحبش حد يعانده مواصفاته طويل ونقشه علي الأسمر شعره اسود وعنده لحيه سودة ممخففها ومساويها يا كبدي
أوس شخص تافه معنداش اي أهداف في حياته
م 95 فيه لمحه من محمد بس هو لحيته خفييفه وعنده غمازات محفورات
آريان م 2000 قصيرونه وسمينه شوي شعرها لكتافها لونه عسلي حبوبه وطيبه وفيسع ما تبكي
اب ميس يكون خليفة وأمها زينب
ميس م 97 بنت هاديه وعلي حالها بس عندها لسان يا كبدي كان طلقاته تنصدم فيها وعنايديه بكمية رهيييبة طولها وسط شعرها لنص فخاذها وعندها شامه فوق فمها صغيرونه( زيني🙈) وعيونها كبار وعسليات لين قريب يولوا صفر زي شعرها
هديل م 2000 صاحبة آريان هلبا ويقروا مع بعض وحبيبة أوس وتافه زيه ( طنجرة وغطاها😂)طويله شوي وضعيفه شعرها لنص ضهرها تحب تغني وصوتها حلو
معندهمش خوت ويعتبروا في أوس ومحمد سندهم بعد بوهم أما جدهم وجداهم متوفيين معندهمش حد الا بعضهم يعني ومعندهمش عمات الا وحده بس ومسافرة من 18 سنه
أما غيداء تكون زوجة محمد م 91 وحتعرفوا كل شي عليها مع الحلقات الجايه 😍
يتبع........
غوالي نبي دعمكم مش زي رواية الضحية
اسمي علي الواتباد
Howa-Fh
نكمل ولا نوقف ????
