الاب: احمد ي ولدي كبرتا انت وبقيت راجل ربنا يحفظك❤
احمد: ويحفظك ويخليك لينا ي رب💕
الاب:عايز تعرس وتخليني براي لي امك دي 😂
احمد:انت لاقيها وين امي دي😋💕
الاب:ذكرتني ايام الجامعه ولمن لاقيتها😂
احمد:كدي احكيها لي ي ابوي يمكن قصتك دي اتعلم منها🌚
الاب: سمح..
،،#قال
كانت دفعتي،
علاقتي بيها بدت من ونحن في تانيه جامعه ،وانا من نوع الناس اللي م كان عندهم حاجه للبنات ،م بتلفت نظري اي بت،وم بعلق على الماشيه والغاشيه ولا نوع الأولاد المحور حياتهم الجامعه والبنات الفيها ابدا م كنت كدة،وكنت معروف بالحاجه دي وسط شلتي كانو بطلقو علي لفظ مفتري،فرحان،شايف نفسو و....بس الشي الماعارفنو انو انا اصلا طبعي كدة،
الحاجه الجمعتني بيها انو كان عندنا مشروع وسمنار الاتنين مع بعض وتوزيعي وقع معاهو وكنت مجبور اشتغل معاهاا ومن لحظتها حصل توافق م بينا وبقينا اصحاب ،
م اصحاب بس اصحاب وشديييد كماان كتيير كانت بتشيل همي ولما م اجي المحاضرات بتتصل وبتشاكلني لأني كنت مهمل شديد وفي بالي فكره اني م اكمل دراسه،ولما يكون عندنا تساليم بتسلم لي وبتاخد لي اتندس،وفتره الإمتحانات قبليها بشهر كانت بتضغط علي علشان نقرا مع بعض ،
كل الحجات دي كانت بتعملها غير انها قدرت تغير فيني كتييير من سلوكياتي البعملها طبعا انا على حسب شخصيتي العصبيه دايما زهجان ومكشر ومبوذ ونوعيه الناس الما بتشارك خصوصياتها مع زول ولا بتسمع نصيحه زول بس هي حتى وانا ساكت كانت بتفهمني وم بتقيف على كدة كانت بتضغط علي علشان احكي ليها لغاايه م لقيت نفسي بشكل تلقائي لما اكون مخنوق او متضايق بمشي عليها واحكي ليها...
الغريبه في نص دهه كلو اني كنت مرتبط بي واحدة بحبها اكتر من نفسي،وكنت بعمل كل البطلع بي يدي عشانها كنت بفوت محاضرة الصباح البتعاتبني عليها صحبتي علشان اوصلها هي الجامعهه، بحاول اطلع من الجامعه بدري على قدر م اقدر علشان اكمل باقي يومي معاها وبهتم بأدق تفاصيلها وبعمل حساب لي كل حاجه علشان كنت بخاف زعلها بالرغم من انها واقفه لي على الواحدة بس كنت بجي على نفسي كتيييير عشانها هي وعشان م اخسرها ابداا،ودايما كنت لما اجي احكي لي صحبتي عنها بتشاكلني وبتقول لي ايوة انت الغلطان م مفروض تعمل كدة وبعدين مشاكلكم م ينفع تطلع منكم انتو الاتنين يعني حاولو حلوها مع بعض وم تحكو بيها لزول،بالرغم من انو حبيبتي دي كانت اقل نقاش بينا بتفاجأ بي انو الشله كلها عارفهه بيهو...
يوم جيت الجامعه كعادتي دخلته الكفتريا اشرب لي قهوة فجأهه بتاع القهوة قال لي عندك امانه هنا؟قولته ليهو امانه؟؟طلع كيس من جمبو وسلمني ليهو قال لي إتفضل،ضحكت طبعا كيس هدايا ولي انااااا؟؟ههههه قبل م اطلع اشوف صحبتي داخله الكفتريا وفي يدها تورته وبتقول لي Happy birth day ي اهبل😂😂😂كانو معاها شلتي ،انبسطتهه شديييد تقريبا اول مره زول يهديني هديهه في عيد ميلادي ،فتحته بوكس الهديه لقيت ورقهه مكتوب عليها"بطريقهه ما اشعر انه ليس من حق الدنيا ان تؤذيك وانت صديقي كن بخير لأجلي💚"غير كميه الجمال البتحويهو العبارهه المفاجأهه كانت عبارهه ساعه وقميص وخاتم فضه وجمبهم مجسم بتاع فكره مشروع،بقيت مصدوم اعاين ليها قالت لي اكيييد م نفسكك تشتغل مشروع التخرج مع زول غيري صح؟علشان لو نفسكك حموتكك وقعدت تضرب فيني😂😂😂😂تقريبا دهه كان اجمل يوم بالنسبه لي،بعد م انفردنا ببعض قولته ليها لييه المشروع دة بالزات؟وفكرتو جاتك من وين؟سرحت مساافه بعدها قالت لي لأنو اخووي قبل سنتين اتوفى بسبب المرض دة بسبب عدم العنايه الصحيه المتكامله المفروض يلقاها،بسبب إهمال الدكاترة والنقص الفي المستشفيات،دموعها جات جاريه مسحتهم ليها بالمنديل وقولته ليها ومشروعكك دة حيكون انجح مشروع صدقيني💕انبسطتت بكلامي وقالت لي ي رب🌸رجعته مبسووط اتصلته على زولتي وقعدته احكي ليها بتفاصيل الحصل كلوو،زولتي فاجأتني بردة فعلها وقالت لي م تشتغل معاها مشروع التخرج ،استغربته طبعا قولته ليها ليييه ؟
قالت لي لأنو انا عايزهه كدهه م تشتغل معاها،حاولته الطف الجو بيناتنا واتجاوز القصه بس هي اصرت على موقفها لغايه م اتناقشنا وقفلنا من بعض تاني يوم مشيت الجامعه وكنت زهجان واخلاقي في مناخري وم دخلته المحاضرات،جات فتشتني لغااايه م لقتني قالت لي سجم مالكك الليله منفسن؟وكعادتها قعدت تضغط علي بإسلوبها الغياظ لغاايه م اتنرفزته فيها وقولته ليها "م طاايق زول انا خليني في حالي بالله م كل حاجه تحشري مناخرك فيها"حتى الحوالينا لاحظو هنا هي وقفت وبقت تعاين لي مصدومه،او مخلوعه،او،او،بعدها خليتها واقفه وطلعته مشيت بعد م اتحركته من جمبها وركبته عربيتي حسيت بتأنيب الضمير إتصلته عليها م ردت،فضلته اتصل كتيير مافي رد رجعته الجامعه فتشتها م لقيتها وانا طالع من القاعه هي جات داخله ومعاها صحباتها ولون عيونها ووشها كان متغير كأنها بتبكي،سوقتها على جنب قولته ليها معليش طيب بطلي عوارهه جعفر الجواك الليله م مسيطر عليك شكلو لمن بكيتي كدة،اول م قولته ليها كدة ضحكت😂اصلا كنت عارفها هبله واقل شي بضحكهاا،قولته ليها زهجان ياخ كل القصه اني امس اتناقشته مع فلانهه،قالت لي ليييه مالك معاها؟قولته ليها شايفه اسي
#يتبع
