😍قولته ليها طيب،بعد م قفلته منها حسيت انو الدنيا ضاقت بي حتى نفسي م قادر اخدو وبقيت اشوف كل حاجه عشرة عشرة،من جواي بقول "إتخطبت؟معناها خلاص انا خسرتها،وتاني هي الحتبعد مني اكتر،و..."
حاولته ابعد بس هي كانت بتتصل كتيير وبتزن علي علشان اجي،اتقبلته الموضوع ومشيت الحفله في الصاله وكنت لابس على الله ههه ،اول م شوفتها حسيت قلبي حيقيف وانو انا لو خطيت خطوتين تجاها يمكن م اقدر ابعد منها تاني،م كنت قادر اشيل عيوني من تفاصيلها فضلته سرحان فيها وفي تفاصيلها كأني اول مره اشوفها،جات ماشه علي وهي الضحكه ماليه وشها لدرجه اني بقيت اسأل نفسي انا معاها السنين دي كلها م شوفتها مبسوطه كده معقوله في الكم يوم الإتخطبت فيها دي بس إتغيرت كدهه؟لما وصلتني قالت لي اتأخرتهه بس لو م كنت جيت كنت هموتكك😑👊💔قولته ليها بسلمو كدة؟قالت لي هيي اهلين ي هناي كيفكك؟مديت يدي قالت لي اوبس سوري بقيت م بصافح😂🙏قولته ليها ي شيخهه؟قالت لي اوامر خطيبي للأسف بغييير شديييد😌قولته ليها خلاص قبل كل كلمتين تدخلي لي فيها كلمه خطيبي واموري البايرات دي ارح عرفيني عليهو،ضحككت بصوت عالي وضربتني في كتفي وقالت لي بايرات في عينكك ي حيوان😂😂😂😂😂😂👊💔فضلتني ونست موضوع حفله اخوها وبقت قاعدة تتونس معي ،وانا معاها نسيت نفسي حتى وبقيت سرحان فيها ،اتمنيت انو لو السنين ترجع لورا يمكن الوضع كان غير،ويمكن كان م تكوت اتخطبت،لما حسيت بنفسي اتضايقتهه قولته ليها اسمعي انا ماشي،قالت لي م تمشي يااخ خليك قاعد،قولته ليها اقعد اعمل شنوو؟امشي ارقصي مع اهلكك واخوك ،قالت لي عندي كم يوم برقص جسمي زاتو واجعني😂وقفته على حيلي قولته ليها المهم انا ماشي عندي مباراة عايز احضرها انا جيت عشان م تزعلي بيناتنا تلفونات تمام؟
انا كنت مستعجل اطلع عشان م كنت قادر اتقبل فكرة انها اتخطبت وانو انا هتعرف على خطيبها كمان،اي نعم كانت قدامي لسنوات طويله بس م كنت عارف انو الموضوع بالنسبه لي حيكون غيير لما ززول يدخل حياتها ويشاركني فيها،طلعته من الصاله جات لاحقاني قالت لي ي منفسن على الأقل اتعشاء الوقت داك خطيبي بجي،قولته ليها البسمعكك بتقولي خطيبي يحلف يقول جاي من الواق الواق انا قاعد نص ساعه كامله وم جا ساكن وين هو؟قالت لي م عارفه😑قولته ليها كيف م عارفه في واحدة م بتعرف خطيبها ساكن وين؟قعدت تضحكك مسااافهه بعدها قالت لي انت صدقت يعني؟ غاايتو عليكك جنس هطااالهه،معقوله انا اتخطب وانت م تكون حااضر انت اهبل ولا حااجهه😂😂😂😂😂وهي بتتكلم غمضت عيوني واخدته نفسسس عمييييق اتمنييت اني اخنقها لأنو اعصابي باظت بجد،قولته ليها يعني دي كانت سخافه منك؟
قالت لي ااي🙊😂👊💔قولته ليها طيب يعني ماف اي عريس كدة ولا كدة بجد؟ضحكت قالت لي عريس شنو يااخ هو انا لاقيهه ارتبط لمن اعررس 😂😂😂😂😂👊💔ضحككت مسااافهه بعدها قولته ليها فتشي حواليكك يمكن تلقي،قالت لي حواليني وين بقت تتلفت يمين وشمال قالت لي شايف ؟ماف شي غير العرباات هناا
بقيت اعاااين ليها مساافهه بعدها قولته ليها انااا مثلااا...
حصلت لحظه صمت غريبه بينا وهي اتوترت وعشان تخبي توترها دهه قعدت تضحكك قالت لي علشان انت طويل شدييد انا م شايفاك😂😂😂قولته ليها ي شيخه انتي القصيرة شديد والله وانا جادي على فكرة،
قالت لي على شنوو؟
قولته ليهو اممممم نتزوج؟
قالت لي وهي متنحه فيني شربت شنو قبل م تجي انت ي الغبي؟
قولته ليها مويه صحهه وبس 💕
قالت لي اناا رهف،
قولته ليها ايوة وانا علشان انتي رهف بقول ليك كدهه،
البت البسيطه الهبله،الملازماني من نحن في تالته جامعه وبتفائل بيها في كل خطوة بخطيها،الكانت بتغطي علي في كل حاجه،البلقاها وقت وجعتي قبل فرحتي،البت الغيرت فيني كتير،
الما بقدر اتجاوزها ومهما حصل م بتزعل مني بالعكس بتخلق لي الف عذر،البتشيل همي وبتخاف علي حتى من نفسي وبتستحملني وهي م مجبورة علي
البت الأنا كانت في غشاوة في عيوني وم كنت شايف قدر شنو هي جميله ببساطتها،بسذاجتها،بعفويتها
البتعمل حجات كتيرة علشان تشوفني مبسوط حتى لو كانت الحجات دي على حساب انها تجي على نفسها ،واللي بتغلطني في غلطتي وبتسمعني ليهو حتى لو قفلتهه إضني منها
والبت الأنا م قادر اتقبل فكرة بعدها عني وي واكتشفته الحاجه دي بعد م فرقتنا الجامعه،وم قادر اتقبل فكرة انها هتكون لغيري
لغاايهه اللحظه اللي كنا فيها جوة قاعدين مع بعض كنت بسأل نفسي لييه انا م قادر اتقبل فكرة انك تكوني مع زول غيري،في البدايه كنت فاكر القصه تعويدة بس اكتشفت انو الموضوع اكبر من التعويدة لأنو الجواي ليك اكبر من كدة بكتيير،
انا م داير اكتفي بيك كصحبه بشكل مؤقت زي صحبه الجامعه ويبدأ التواصل بينا ينعدم شويه شويه،لأ انا عايز تبقي ديمهه لي ،
غطت يدها بي وشها وقالت لي دقيقه استوعب انت بتقول في شنووو؟
ضحكته ونزلته ليها يديها من وشها وقولته ليها
#يتبع
