اصلا كنت عارفها هبله واقل شي بضحكهاا،قولته ليها زهجان ياخ كل القصه اني امس اتناقشته مع فلانهه،قالت لي ليييه مالك معاها؟قولته ليها شايفه اسي حتختي الحق علي،قالت لي اكيد طبعا حتكون كالعادة غلطته عليها،سكتته وسرحتهه فيها مسااافه وقعدته افكر هي بتفكر فيها كيف وديك بتفكر كيف،قالت لي طيب حاولته تصالحها؟قولته ليها لا،قالت لي طيب اسمع بما انو مشاكلكم في الفترة الأخيرة دي كترت حاول لطف الجو واعزمها مكان ظريف وجيب ليها هديهه من غير مناسبهه اسمعها مني اساسا نحن البنات بنحب المفاجأات المن غير اسباب😍💃قولته ليها زي شنو مثلا؟قالت لي اممم تحب امشي معاك تختارها ليها؟قولته ليها اسي؟قالت لي ليييه م فاااضي؟قولته ليها والمحاضرهه؟قالت لي المحاضرهه تولع بجاز ي صحبي يلاااا،وبالفعل مشينا كذا محل ومن كل محل كنا بناخد حاجه،بعد م خلصنا قالت لي اليوم اتصل عليها اتفق معاها على انو بكره لازم تتلاقو في المحل الفلاني وتتفاهمو وانا بزبط ليك الهديه في البيت وبجيبها ليك الصباح،وبالفعل دهه الحصل وعملت ليها اااحلى بوكس هديهه ومشيت ليها بيها وانا مبسوط،وصلته المحل قبليها وخليت الهديه جمبي علشان لما تجي داخله م تشوفها،وجات زولتي وقعدنا نتناقش مشكلتها كانت كلها صحبتي اللي ماف بينهم اي معرفه اساسا وكرهها ليها كان من دون اسباب،وانا كنت متمالك اعصابي ولما وصلتني لطريق مسدود قالت لي من الأخرر كدة ي انا ي هي،قولته ليها نعمم؟عيدي كلامك دة مره تانيه؟قالت لي زي م بقولها ليكك ي انا ي هي،شلته بوكس الهديه وختيتو قدامها ووقفته على حيلي وقولته ليها م انا الراجل البتخت في موقف زي دة وي ستي بما انك بتخيريني هي طبعا ،ومشيت خليتها ،
م حسيت بنفسي الا وانا سايق عربيتي وماشي وبفكر انا كيف جاوبتها وانا مغمض من غير م افكر حتى؟عدت3 اسبابيع م شيت الجامعه وقافل تلفوني مكتئب واخلاقي في مناخري م طايق حتى نفسي،وعارف لو فتحت تلفوني او مشيت الجامعه اكتر زول حأجرحو بي كلامي هي لاني م بحسب حساب للقدامي وانا زهجان،بعدها م اخدته وقتي فتحته تلفوني لقيت منها كميهه من المكالمات كميه من الرسايل واتسب كانت فاكرة انو حاصله علي حاجه،لما اتصلته عليها عشان اطمنها علي من لهفتها وخوفها علي وهي بتعاتبني بكت كأنو انا حاصله علي حاجه بججد 💔اليوم التاني مشيت الجامعه قبل م تفتح خشمها وتسألني قولته ليها انا و...إنفصلنا وبما انو انتي دايما بتقولي لي م تخلو مشاكلكم تطلع من بينكم انتو الاتنين ي ريت حاولي م تسأليني عن التفاصيل ممكن؟قالت لي حااضر بس الشي الحابه اقولو ليك انو نحن مفروض نبدأ نشتغل على مشروع التخرج بتاعنا ...
مشروع التخرج كان افضل وسيله اشغل بيها نفسي،وبالفعل دهه الحصل كنت بضعف وانا بفكر في زولتي وبشيل تلفوني مرة واتنين وتلاته عشان اتصل عليها بس اول م افكر في كلامها بتراجع وبالفعل دة الحصل تعبنا واشتغلنا وإنشغلنا بمشروعنا وإمتحاناتنا كنا مضغوطين او انا الضغط نفسي اكتر في السنه دي لغاايه م خلصنا امتحانات وناقشنا ومشروعنا اخد A من بين المشاريع وبكدة بقت مافي حجات بتجمعنا ببعض كتير بس محاداثات،لكن الغريبه انو انا لقيت نفسي م قادر ابعد من الزوله دي بقت بالنسبه لي كيااان بالجد،بقيت اخلق عذر عشان اتصل عليها و100عذر علشان اشوفها،بحس بكتمه نفس عديل لمجرد م افكر اننو نحن بعد كدة خلاص إتخرجنا ومفروض اي زول يمشي في طريقو ،م كنت مجهز نفسي للحاجه دي،وكنت مبرمج نفسي على اساس انو طريقي وطريقها واحد م عارف كيف بس دة الكنت حاسيهو،بتخنقني فكرة انو حيصبح الصباح وم حمشي الجامعه اشوفها،زعلت على الايام اللي كنا فيهاوطلبه وكنت م بمشي فيها الجامعه وهي موجودة فيها، والأنا حسيتو لما إفترقنا عن بعض م حسيتو لمن إنفصلنا انا وزولتي،
كنت بحاول اقنع نفسي بي انو دي من التعويدة بس م اكتر،وبقيت احاول اني اتجنبها واشغل نفسي ونزلته لي شغل في شركه بناء كبيرة على مبدأ اني اقضي الخدمه وكدة لغااايه م في يوم فتحته الاستوري بتاعها لقيتها خاته صوره يديها محننه وفيها دبله ،من غير م احس لقيت نفسي بتصل عليها ملهووف واول م فتحت الخط لقيت نفسي بسألها"إتخطبتي؟"قالت لي الناس بتسلم اول،قولته ليها م عليكم السلام جاوبيني إتخطبتي انتي؟ضحكت قالت لي وانت مالك زعلان لنفترض انو اتخطبته وبعدين؟سكتته مساافه وانا بحاول اجمع قواي ،قولته ليها من غير م تكلميني حتى؟على اساس انو نحن اصحاب وانا في مقام اخوك ولا م كدة؟قالت لي كدة والله بس الموضوع حصل فجأهه هو صاحب اخوي شافني فجأهه واتقدم واهلي وافقو وهو ماشاءالله عليهو دكتور قد الدنيااا😍💃قولته ليها طيب ربنا يسعدكك،قالت لي نسيت اقول ليك عرس اخوي الجمعه الجايهه تعال خطيبي حيكون هناك علشان اعرفكك عليهو 😍😍😍قولته ليها طيب،بعد م قفلته منها حسيت انو الدنيا ضاقت بي حتى نفسي م قادر اخدو وبقيت اشوف كل حاجه عشرة عشرة،
#يتبع
