رحلة غموض.
[الجزء الاول].
خالد:يعيال يلااا الشمس بتغيب مامشينا للبر.
طلال:يخي طيب ترا مانبي ننسى شيء.
وبعد ماخلصوا؟
سالم:يلا يعيال مشينا.
ومشوا قبل العصر وفالطريق؟
سالم:ترا نبي المحطة نشتري اغراض ونعبي البنزين.
وصلوا للمحطة واشتروا الاغراض وعبوا البنزين ومشوا.
ولحسن حظهم وصلوا قبل غروب الشمس،ولسوء حظهم اختاروا الوادي يكون هو مكان كشتتهم.
نزلوا فالوادي وقت المغرب وبنوا الخيمة ونزلوا العزبه وجهزوا عشاءهم.
ولما تعشوا وجاء وقت النوم،سالم وخالد ناموا وبقى طلال جلس لحاله برا الخيمه عند النار ويغني بصوت عالي شوي.
قام طلال يقضي حاجته.
وهو يقضي حاجته شاف ظل بعيد بس المشكله مافيه انسان،يعني ظل بدون انسان.
ارتعب طلال شوي وسما بالله ورجع للخيمه ونام.
الصباح.
خالد:يلا يعيال الصلاه الصلاه.
طلال:اصبحنا واصبح الملك لله.
قاموا وصلوا سووا الفطور وافطروا.
خالد وطلال راحوا يتقنصون وسالم جلس فالخيمه.
نرجع لطلال وخالد.
طلال:وقف وقف وقف وقف.
خالد:وش شفيك شفت شيء؟
طلال: ضب ضب ضب عطني عطني البندق.
ويضربه طلال بدون مايسمي.
ويتقنصون ويرجعون لخويهم.
ويتغدون وبعد الظهر خالد وسالم رجعوا ينامون.
طلال خذا السيارة وراح يتمشى.
وهو يتمشى شاف نفس الظل اللي شافه امس بالوادي.
وحاول يزود من سرعة السيارة بس كان الظل اسرع من السيارة.
وبالاخير اختفى الظل.
وفجاءة؟طلعت عجوز قدام السيارة ماقدر طلال يتفادى العجوز وصدم فيها وانقلبت السيارة وطلع طلال وتقلب فالهواء وقبل مايفقد وعيه؟جات العجوز ومعاها عباية سوداء وغطت طلال.
يتبع فالجزء الثاني.
