رحلة غموض.
[الجزء الثاني]
صحى خالد وسالم من النوم على صلاة العصر.
خالد:طلال وينه؟
سالم:ليه مو موجود؟
خالد:لا حتى سيارتي مو موجوده.
سالم:دق عليه شف وينه.
اتصل خالد على طلال ويلقاه مقفل.
خالد:مقفل جواله.
سالم:اتصل مره ثانيه وثالثه.
اتصل خالد مره ثانيه ولقاه مقفل.
وجلس ربع ساعة ورجع يتصل.
يرن.
يرن.
يرن.
ورد.
خالد:وينك انت وينك فيه نتصل فيك ماترد.
طلال:فالطريق واذا جيت قلتلكم السالفه.
وسكر خالد وتطمن على طلال.
سالم:انا بروح اخذ شاحن طلال جوالي بيطفي.
دخل سالم للخيمه وفتح شنطة طلال اشان ياخذ شاحنه.
وفجاءة؟لقى جوال طلال فاضي شحنه.
في هالوقت دخل خالد.
خالد:وينك ياخي اكلمك ماترد علي.
التفت عليه سالم و عطاه الجوال.
خالد:هذا مو جوال طلال؟
سالم:الا جواله.
خالد:واللي يرد علينا قبل شوي من؟
سالم:مدري.
خالد وسالم في هالوقت سكنهم الرعب والخوف.
خالد:وش نسوي الحين؟
سالم:لازم نتصل فالشرطه ونعلمهم.
اتصل خالد على الشرطة وعلمهم.
بعد ماوصلت الشرطة.
الشرطي:السلام عليكم.
خالد وسالم:وعليكم السلام.
الشرطي:انتم قدمتم بلاغ عن فقدان واحد من اخوياكم.
خالد:اي نعم.
الشرطي:طيب وش اللي صار.
علمهم خالد السالفه كلللها.
الشرطي:الحين لازم نرجع للرياض وجودكم هنا ماله اي معنى وبكره الصباح راجعونا في مركز الشرطة.
خالد وسالم شلوا خيمتهم وعزبتهم ورجعوا للرياض.
يتبع فالجزء الثالث.
