#فرصة_ثانية
#الحلقة8
#الكاتبةfatoom
🌸فاطمةالطاهر 🌸
(حقيقة ممزوجة بخيال)
ضياء:خش للزنقة يلي فيها مكان الصالون...وقف سيارته ونزل عدل شعيراته ع المراية..طلع تلفونه
يرن على بسمة
عثمان:بتقولي منو هوا راه تندمي انتي وياه ...
بسمة:تلفونها يرن...تبكي..بعدد بعدددد ياحيوان
عثمان:معش نشوفك واقفة عليه منو هوا قولي راه تندمي ...
ضياء:يسمع في الصوت قريب رفع راسه...
بسمة:وهيا تبعد فيه فجأه تشوف ضياء واقف
ضياء:😳
-----------
بتول:بالله اخطي فيتي هالة مش ناقصة
هالة:خيرك هكي كئيبة مولية
بتول:كئيبة ومريضة نفساني اخطيني ترا
هالة:ارقدي تو نمشي بروحي بس ماتقوليش احكيلي
بتول:مش مقايلة بريلهم بروحك مانحبش نهدرز عليها لانورهان ولا صحباتها
هالة:باه براحتك اقعدي واقفة مع الروشن وتفرجي عليهم يلعبو الكورة زي لولد الزح
بتول:مزالت لكورة خير من مسايرة نورهان 😒
هالة:براحتك...
بتول متكية ع الروشن وحاطة يدها على وجها وتتفرج على الشباب يلعبو في كورة ومستمتعة 😂خاطرها تلعب ...فجأة شافت معاهم قصي يلعب...
بتول:هوا حتى هذا يعرف لكورة 🤦♀️باهي يلي طلعت منه حاجة...وزادت ركزت عليه كيف يلعب..
قصي:يلعب ومرة مرة يتسهوك ع صحابه و يقعدو يضحكو
قصي:تي لوح النم جاي ياعطيك دي يدويك ياوجه الديك 💦
عامر:هاك شد شد
قصي:وين مطيرها في الجو مش هكي لعنة الله على شكلك ياوجه الخميرة 😒💦
عامر:😅
بتول مركزة فيه ومرة مرة تضحك...خيرني اني كأنه عجبني 😒💦
قصي:كمل كمل هاني جاي
..قرب من جهة الروشن وخدي شيشة امية شرب منها وصبها على راسه وبدي يحرك في شعره
بتول:منسجمة وعيونها فيه ..
قصي:قام راسه ويحرك في شعره من لميه فجأة جت عينه في عينها
بتول:وجها ولا احمر وخشت بعضها وبدت تساوي في وشاحها على اساس 😂
قصي:ضحك وزاد قرب لجهة الروشن الي هي فيه
بتول:هذا شن جاي 😕
-------------------
بسمة:😭ضياء....بدت تبكي
ضياء:اول ماشافه كيف شادها فار دمه وجاه يجري وشده..شاف لبسمة يضايق فيك؟؟
بسمة:تبكي وتتكلم بخوف اي يضايق فيا
عثمان:نعرفها لبنت شن علاقتك انت نحي يديك
بسمة:خايفة وترعش ضياء سيبه فكنا منه
ضياء:شن تبي منها لبنت قوول 😡
عثمان:معناته هوا هدا الي تبيه يابسمة
ضياء:منو انت 🤨
بسمة:خلاص حيسمعونا الناس تسببولي مشكلة
عثمان:توا خايفة من كلام الناس ولما تصيعي مع هالفرخ ماخفتيش لكن هيين حسابك عندي
ضياء:عطاه بوكس لين طاح ومرغده في التراب وطاح فيه ضرب..كيف تتجرأ وتكلمها هكي مزال نشوفك في طريقها لبنت والا اضايقها نقتلك...
بسمة:استحليتها فيه الطريحة بس كنت خايفة اكتر 🤭😂
ضياء:👊👊👊👊
عثمان:حصل طريحة نباش لقبور ومعش قدر عليه 😂🤣
بسمة:خلاص ضياء سيبه
ضياء:نفض يديه منه وناض رفع شعيراته يلي طايحات بيده...نوض اقلب منظرك
عثمان:ناض يتفاحج و يتمايل سواريه وكرشته 🤣 ومشي يهدد الا ماتندمو
ضياء:تي رووووح
بسمة:اتبع فيه بعيونها وخايفة لين تأكدت انه مشي
ضياء:منو هذا وعلاش يضايق فيك
بسمة:هذا خو مرت بوي متزوج وعنده صغار وليه فترة شادها في جرتي قلقني في حياتي
ضياء:منظره زي الدواعش هادي مرت بوك كيف بتكون 🤦♂️
بسمة:ضحكت..
ضياء:مزال يضايقك خبريني
بسمة:تختبر فيه...طيب منو قالك اني ماكنتش واقفة عليه كيف عرفت انه يضايق فيا
ضياء:مسح على شعره بثقة اولاً انا شفته بعيني انه يضايق فيك تانياًانتي خبرتيني انك مش مرتبطة وآخر شي لو كنتي تكدبي وفيه شخص في حياتك مستحيل يكون هالشكل هذا كرشته لحلقه ومتزوج ف مش ح نصدق اكيد
بسمة:ضحكت وشدت ضحكتها 🤭
ضياء:بعدين ناسية إني محامي وقاري قانون و نزبط في الناس ونعرف الي يكدبو من عيونهم
بسمة:ومن قالك اني مانكدبش عليك
ضياء:قرب منها يشوف لعيونها
بسمة:سخنت مع بعضها
ضياء:عيونك حلوات
بسمة:نزلت عيونها وخدودها حمر
ضياء:لعيون لحلوة يلي زي عيونك مايكدبوش والا كنت كشفتك 😉
بسمة:ءء اني عطلت...تحشمت ومشت تجري
🙊❤️
ضياء:حرك شعره بيده وضحك ....🤤❤️
--------------
