💔ثوره الاسود💔

٣

             "بسم الله الرحمن الرحيم"
صباح الخير متابعيني😍😍🇮🇶اشونكم ان شاء الله بخير ان شاء الله النصر قريب الشباب نزلو يطالبون بحقهم وقتلوهم والبنات يساعدن الجرحى خطفوهن وابو التكتك ينقل المتظاهرين هم كامو يقتلوهم شسالفتكم متكللولي😭💔ليش هيج يربي🇮🇶💔
#ثوره_الاسود💔
البارت الثالث
بقلمي #زهراء_حسناوي
ثوره ٢٥ اكتوبر الثوره الكبرى 💔
بغداد🇮🇶✌__ساحه التحرير🇮🇶✌
هيثم..اليوم بغداد مكلوبه كلاب احنه واكفين بساحه التحرير وهذولي يشمرون علينه غاز مسيل الدموع هي هاي الكادرين عليها يا يضربونه مسيل دموع يا يرمونه بحيث طاحو شهداء وجرحى ادري ليش لان طلبنه حقنه اني وكم شاب لامين لافته مكتوب عليها انريد وطن ونهتف سلميه سلميه لكن منو الي يخليها سلميه هذا الي يقنص علينه الشوارع ملت بدم شبابنه سيارات الاسعاف والتكتك تنقل بلجرحى والشهداء اااخ يحركه كلبي شنو ذنب هلشباب الي ستشهدو امه منتظرته وتاليها تشوفه بتابوت الله يساعد كلبهن ٣ايام واحنه مستمرين الي ينهزم انختله بجبل احد (مطعم التركي)نتناوب عليه من نشوف واحد يوكع من دخان نجي نغسل وجه بلبيبسي ونضل نمسح بيه بعدها انقله لمكان بعيد عن الدخانه ونحطله الاوكسجين وهكذا نحن مستمرين وان شاء الله نحصل على مطالبنه
ز
ه
ر
ا
ء
ح
س
ن
ا
و
ي
الناصريه🇮🇶✌
ايمن..ايسر هاي شنو صدك تريد تروح لبغداد
ايسر..يي اريد اروح وي اخوتي المتظاهرين
ايمن..هاي الناصريه واوكف بيها
ايسر..لا حبيبي ماكدر يلا حبيت اكلك
ايمن..هاهي قررت تروح
ايسر..يي انتبه على نفسك وعلى اهلي
ايمن..ان شاء الله ترجعلنه سالم وتحاضنو ااخ شلون اكضي ايامي بدونك لك لاتنسى بنتك تنتظرك وزوجتك هم واهلي ارجعلنه خويه لاتكسر ضهرهم بموتنه لان مجرد ماينكطع الo2 عنك اني هم
ايسر..ااخ خويه احاول احافظ على روحي بسبيل ارجعلكم وعيوني تشوف وجهكم الحلو
ايمن..توكل خوويه انتبه على نفسك
ايسر..طلعت من البيت وعيوني على ايمن يمسح بدموعه راجعلكم بحيل الله وان شاء الله مطالبنه تتحقق بس غير يكومون عن كراسيهم لكن بأذن الله ننتصر عليهم ✌🇮🇶توكلت لبغداد واني شايل هم اهلي شبيه اتخدت هيج قرار يلا اتوكل والله كريم
ز
ه
ر
ا
ء
ح
س
ن
ا
و
ي
بصره🇮🇶✌
سند..هيمو عينك على اهلي
ايهم..خويه فدوة لا تروح
سند..لا خويه مستحيل اسكت عن دم شهدائنه خاصه صفاء ابن ثنوة شنو ذنبه اجته قنبله الدخانيه وطشرت راسه هو وبعض المتظاهرين مستحيل نسكت عنهم اخذت جنطتي وطلعت لكن عيوني على اخوي شلون حاضن خواتي ويبجون ااخ اعذروني بس لازم اخد حقي وحق شعبي وحق دماء شهدائنه
رحت لبغداد ومنتظر مصيري ارجعلهم ام لا💔🇮🇶
ز
ه
ر
ا
ء
ح
س
ن
ا
و
ي
كربلاء💔🇮🇶✌
ياسر..المذبحه الي صارت بكربلاء من سابع المستحيلات اسكت عنها ولد محافظتي انكتلو بدم بارد دمهم ملا الكاع وكل هذا يطلع مصخم ويكول ماكو شهداء بكربلاء جا ذوله شنو نازلين من كوكب المريخ والله يالله تهي بهي تركت اهلي ومتوجه لبغداد اريد اخد حق دم شباب محافظتي والباقيات متت قهر امشي بلشوارع واشوف دمهم مالي الكاع اااخ ربي الله يساعد كلم اهلهم شطلبنه منكم بس نريد وطن كاافي دمرتونه #زهراء_حسناوي
اني ياسر الابن الكبير بلعائله متكونه من امي وابوي
متوفي اخ واخت عائلتنه صغيره ياسمين تدرس كليه صيدله سنه ثالثه عمرها ٢٣وامير سادس علمي عمره٢٠واني عمري ٢٥خريج كليه طب رحت لبغداد اعالجهم واوكف وياهم هذولي اخوتي مستحيل اتركهم💔🇮🇶
ز
ه
ر
ا
ء
ح
س
ن
ا
و
ي
#ساحه_التحرير🇮🇶✌
سند..امشي واباوع علشباب شلون يطيحون من الغاز
المسيل للدمع وشلون الباقين يساعدوهم هذولي الي نكول عنهم كيكيه طلعو احسن من هلمثقفين العدنه
اثاري بس مضاهر بس منشوف الي بداخلهم
اباوع على شاب وكع يكح ومختنك ركضت عليه
غسلت وجهه بلببسي ونقلناه اني والشباب لجبل احد(المطعم التركي)اجه دكتور وعالجه ردت اطلع استوقفني الدكتور الي كان يعالج بلشاب
ياسر..ياولد رجلك مجروحه
سند..دنجت على رجلي صدك تنزف خطيه من خلص من الشاب الي اختنك بسبب القنبله اجه على رجلي عالجها طلعت متصوب ومحاس معقوله لان كلبي ملجوم على الشهداء ودمهم الي مالي الكاع ااخ 💔
بعدها ردت اطلع واستوقفوني الشابين الي جانو وياي واباوع على الشباب شلون صاعدين على طرف المطعم ويركصون ركصه ببجي رغم احزانه نضحك
ايسر..شلون تطلع ورجلك مجروحه
سند..ياب شعليه المهم اطلع وي اخوتي
هيثم..بس خل تتعافه واطلع براحتك
ايسر..اذا طلعت جرحك يلتهب
سند..مخلوني اطلع كعدت وي الشباب تعرفت على الدكتور والشاب الي كلي رجلك تلتهب طلعو من المحافظات بس هيثم من بغداد لمتهم حلوة بعدها ضلينه نتساعد بيناتنه ايسر وي ياسر واني وي هيثم
وتستمر التظاهرات.........تتبع
تفاعل يمه اريد تفاعلكم علقصه علمود استمر بيها
هيج واهسي ايصفر وابطل اكتبها💔
وداعتكم راسي مسطور سطر وكتبتها مردت اتاخر عليكم مينطيني كلبي🙂
عدوسي شكرا علنت😁لج عاصيه نعيل ليش تكطعين النت جا بيمن اقرا كيمياء😒
عاااا لا تكتلوني خطيه اني😌