💔ثوره الاسود💔

4

*بسم الله الرحمن الرحيم*
السلام عليگم متابعيني 😍هواي فگرت انهيها لكن تتكلم عن واقعنا الي جاي نعيشه بهذه الفترة
وشلون شبابنه وبناتنه واكفين سويه وجاي يتعاونون ماكدر اوقفها لأن هذا الي اگدر اقدمه
للمتظاهرين اصلا ضايجه لأن بس گتبت هلقصه اتمنى بنصهم انطيهم مي والخ.. لكن اني بنت الجنوب
وعدنه البنت متطلع لمكان فقط دوام بيت وبيوت الاقارب لاغير شگد انقهرت على الشهداء والجرحى احس گلبي يتفطر عليهم متشفوني مستمره بگتابه القصه رغم قله التفاعل لكن هذا الي اكدر اقدمه الهم ولشجاعتهم امنيتي شعبي وبلادي يعيش بسلام والفرحه متفارق وجهم #zoza_20
#ثوره_الأسود💔
البارت الرابع
بقلمي #زهراء_حسناوي
#جبل_احد (المطعم الترگي)
سند..ايسر صدگ شلونهم الشباب
ايسر..تبهدلو بسبب القنابل لكن جاي يتفادوها مسوينها طوبه
هيثم..يي والله تجيهم يرجعوها عليهم شجعان
ياسر..ايسر تعال عالج وياي
ايسر..جايگ يلا شباب عينكم على مطعمنه ههه
سند..ههه دلل شتريد نطبخلك
ايسر..طبخولي تمن عادس
ياسر..شرگ بلمي ولگ ايسر متخاف جماعته يگتلوگ
ايسر..ايبااخ ميخوفون جلبي هههه
ياسر..دمشي امشي
هيثم..تعال ساعدني بلطبخ
سند..لا يابه اروح استقبل الضيوف
هيثم..شفت الضرف شلون جمعنه
سند..واحلى جمعه بس گون ايسر يفگ من مكافحه الشغب
هيثم..شبيه
سند..يگلي طلعت اعالج بلجرحى وهم يأشرولي بعلامه الذبح واني اهزلهم رگبه
هيثم..ياا ياا ولا يخاف
سند..شفت هذا البوبجي شلون رگص
هيثم..يي جيل البوبجي الي يحجي عليهم خل يطلع مو گاعد بلبيت ويغرد
سند..شجعان رغم صغر سنهم
هيثم..ي يابه شفت هذا الي رگص گدام الجيش ونوب وجها لوجه
ايسر..ها حجيه شلونج هسه
الحجيه..تسلم يمه تعبتك وياي
ايسر..لا حجيه تعبج راحه بس عوفيهم لتغلطين عليهم
الحجيه..وليدي گتلو حفيدي وجابوه الي راسه مفلش
ايسر..حجيه دموعج غاليه علينه يجي يوم ويسقطون
الحجيه..الله يسمع منگ وليدي
ياسر..اباوع لأيسر من شاف الحجيه وگعت من الدخانه شلون رگضلها وعالجها هي حجت عليهم
تگول گافي جلبتو بلگراسي عوفهن لكن ردو عليها بلقنله المسيله لولا تدخل ايسر جان اجت براسها وگتلتها خطيه شلون شمر روحه عليها همزين مراح بيها گعدها علرصيف غسل وجهها ومسحه الها
وحطلها الاوكسجين وضل يمسد على راسها شهلطيبه الشايلها هلشاب سند اگبرنه نعتبره اخونه الجبير
ايسر..ياسر الحجيه راح اوصلها لهديج التكتك
ياسر..ماشي انتبه على نفسگ
ايسر..اوگ يلا حجيه تعاي اوصلچ للتكتك
الحجيه..تسلم يمه تعتبگ وياي
ايسر..وصلت الحجيه ماحس اله 8 اشخاص من مكافحه الشغب وراي اني شفتهم وطگيتها رگضه وهم وراي ضليت اگوم واطيح لأن يرمون عليه هاي ليش سويت شي خطأ بس من شمرو الدخانيه علحجيه غميتهم ترى ممسوي شي والله يالله ضليت ارگض وهم وراي حتى من حصروني دخلت من جوة رجليهم
وگملت شفت حاويه لبدت وراها واحس گلبي يريد يطلع من ضلوعي يمااا 😨حطيت ايدي على گلبي وگعدت ولفيت رجليه وحطيت راسي بوسطهن حسيتهم قريبين يمي يرب گون اطلع منها اسمعهم يحجون بينهم هذا يگول نشمر عليه داخنيات 2 ان گان هنا يفطس بمكانه اووف ياارب فعلا شمرو دخانيات 2
بس طلع بخارهن اختنگت ضليت گوة اجر النفس وعيوني ضلن يدمعن سمعت حرگه اقدامهم تبتعد يعني راحو الله ياخدگم دگ موبايلي رديت عليه بدون ان انتبه ايسر الحگني راح اموت سمعت شهگته عرفته صديقي مهدي هذا ال2001 بس متعود عليه يگلي انت ضلعي مأگدر افارگگ بس سمع هاي گلمتي (الحگني راح اموت)انجن ضل يسأل انت وين فدوة جاوبني بس الضلام عتم عليه وبعد محسيت بشي
ياسر..من راح ايسر يوصل الحجيه شفت الشغب وراه لو عقل مضل براسي اتصلت بلشله وضلينه نراقبهم من بعيد شفناهم حصرو لو ردنه نموت سند انجن ضل يضرب على راسه لكن تفاداهم وگمل طريقه وصل يم حاويه وختل وراها لكن متركوه شمرو عليه دخانيات 2 ردنه نموت بهلگم دقيقه علما ولو رحنه نرگض من راحو سمعت احد يحجي وي ايسر غلقت موبايله وحطيته بجيبي ونقلناه للمطعم بلتكتك ضليت اعالج بيه
گتلوه لأن يعالج بلجرحى وينقذ حياتهم مر اليوم وهو بعده فاقد الوعي بس حييل مضل بينه صديقنه وصل الموت گدام عيونه ومگدرنه ندخل لأن هم ننقتل وياه منو الي يسعفه مر اليوم الثاني وهو بعده فاقد الوعي بس حالته تحسنت ضليت امسد على راسه ااخ يخوي همزين مرحت من ايدنه غير نموت وراگ
بهل گم يوم الي عشناهن سوة حييل تعودنه على بعض خاصه دوم نوگف وي بعض سند يساعدنه من نجيب جريح هو الي نقله ووياه هيثم واني وايسر نهتم بلجريح لكن بدون ايسر شلتنه گلها حزينه عليه
من طاح گدامنه ضلينه نبجي عليه وواحد يواسي الخ گلشي ولا صديقنه يروح من ايدنه
اليوم الثالث من حادثه ايسر..........تتبع
اريد انشره گبل لاعدوسي يگطع النت باشرت بيه ب2 وهستوتي خلصته
تفاعل تفاعل ماماتي 😍😋
اوقات ممتعه😍😍
الگلمات 734