(18)
فى الصباح دخلت عليها لمياء الغرفه لتجدها انتهت من إرتداء ثيابها
لتقول باستفسار إنت خارجه رايحه فين
لترد سلمى انا رايحه اقابل عابد
لتقول لمياء وهتقدرى توجيهه
لتقول سلمى لازم أواجهه علشان انتهى من الارتباط
بيه علشان افوق لنفسى
لتقول لمياء باستعلام وأما تنهى ارتباطك بيه هتفوقى لنفسك
لترد سلمى معرفش بس أكيد إن بعده عنى ممكن مع الوقت الاقى نفسى
لتقول لمياء إنت بتكدبى عليا ولا على نفسك أنا متأكده أن عابد هو نفسك إلى عايشه جواكى بس أنا مقدرش اقولك ارجعى فى قرارك
***
خرجت هى ولمياء من الغرفة لتجداوالدها وامها يجلسان معا
لتقول سلمى صباح الخير
ليرد الاثنين عليها صباح النور
لينظر بها والدها ويقول إنت خارجه علشان مقابلة عابد
لترد سلمى بتأكيد ايوا أنا اتفقت أنا والمحامى وهروح معاه اقابله فى مكتبه بالشركه
ليقول مهدى بترقب وأنت لسه عند قرارك بإنهاء ارتباطك بيه
لتقول سلمى ايوا أنا مش هرجع عن قرارى
ليقول مهدى بسؤال بس هو متمسك بيكى بقوه هتعملى ايه لو رفض الانفصال بهدوء
لترد سلمى وقتها أكيد هلجأ للحل القانوني معاه لأن مبقاش عندى وقت لازم انتهى من الارتباط بيه بسرعة
لتقول صفاء باستخبار وليه مبقاش عندك وقت
لترد سلمى علشان أن بلغتهم فى السفاره إنى عايزه اقطع الإجازة وأرجع اشتغل تانى والسفير قالى أن فى حركة تنقلات قريبه وهيرشحنى لبلد مناسبه لتخصصي كملحق اقتصادى
لترد صفاء بدعاء وتقول ربنا يوفقك فى الى فيه الخير ليكى وبداخلها حزين عليها فهى لن تبتعد عنه فقط بل ستبتعد عن الجميع تداوى جروحها بعيدا
💥💨💥💨💥💨💥💨💫
بالفيلا كانت غاده سعيدة فهى علمت من مصادرها أن سلمى تريد إنهاء ارتباطهم
لتجد نوران تدخل عليها لتستقبلها بترحاب وتجلس برفقتها يتحدثان فى بعض الأمور إلى أن جائت سيره عابد لتخبرها غاده إنه فى طريقه لإنهاء ارتباطه بسلمى وان هذا هو الوقت المناسب لتقربها منه والوصول إلى الزواج به
لتقول نوران بحزن بس عابد بيحبها ومش سهل ينساها
لترد غاده بنصح بس أنا متأكده إنك تقدري تكونى الدواء إلى ينساها بيه
لتقول نوران أنا مش فاهمه قصدك أيه
لترد غاده يعنى هو هيبقى مجروح وانت تدخلى حياته من تانى وتظهرى له حبك وهو هيشوف الفرق بين إلى كانت بتلعب بقلبه وبين إلى بتحبه من قلبها وأكيد وقتها هينساها ويختار يكمل حياته معاكى انت
ليرن هاتف غاده لتقول لنوران هرد على التليفون وأرجع لك نكمل كلامنا
لتذهب غاده وتتركها لتدخل عليها أختها نورين وتقول لها بنصح متسمعيش كلام غاده عابد مش هيقدر يحب غير سلمى متبقيش زيى وتعيشى فى عذاب إنه يحبك انا بقالى عشر سنين متجوزه من منتصر وعمري ما حسيت أنه بيحبنى لأن قلبه مع أم بنته إلى عمره ما حب غيرها رغم موتها
كانت لمار قريبه منهم وسمعت حديثهم وتمنت أن يذهب كيدهم فى نحرهم ويظل عابد وسلمى معا ويعيشان بسعاده
