#نبي_نجوز_ياعالم😂😂

#نبي-نجوز-ياعالم

الحلقة الثالثة

هاجر: لا خلاص جاك عريس

بلطت عيوني فيها

احلفي

هاجر: صبي يامتخلفه ماعندي عليش نحلف امبدري سلفتي حنان كلمتني قالتلي تبيك لخوها

-اه ياحنااان 😍❤

باهي مقلتلكش ايش شكله عنده لحيه ولا عضلات ولا قالتلك ايش عمره ولا ايش شغله

هاجر: عليك الخفيفه زفت😒
لا بكره جايك في العمل يبي يشوفك

نعالياااا نا نحكيلكمش على قلبي لطاير من الفرحه
ولا على عقلي الي طلع الفرح وزفه وسافر شهر عسل وخلف توؤم 💞💞💕

تي قريب نفتح الفيس ونكتب مختوبة عادي نشرب ميه 😂😂😂😂

....

ثاني يوم في العمل

لبست وفتلكت روحي مانكنش غبيات في عد مكياج فووول أوبشن والبشت ياحنه وشنطه ماركه وأشيييي على طرحات لي كلهن بشحته وعطاب نهار حتى كيف درت راتب ماتهنيت بيه من هلي😤

مهم ياحناتي نخشلكن انتمختر للمصرف ياارض تهدي ماحدا أدي مش عارفه ليش اصبعي ياكل في شكله حس انه يبي يلبس دبله💍💞😍

محمد صفر

وووين وين تي هذا منو هذا شنووو صاروخ أرض جو نعليا شكلي بنقلب على دباديب 😍😇😘

-😳😳
ياسايع انت مع كل ورده عطشانه خلاص حول من قدامي ختيبي جايني توا يفهنا غلط

محمد:خطيبك 😲 من امتا يابت

-من اليوم

ومشيت نفشك لاقتني عجوز كبيره تاعبه من تصباي

-كنك ياعمتي تريحي هنا وقولي ايش تبي

الحاجه::: يابنيتي ريقي نشف وسكر هبط علي ونا نرجا وبنت صفره هذي ماتابه شي تعطيني راتب قالت مزال شيك مطلعش

"هذي ريم وحده متكبره وتافه وشايفه روحه عد دروحني سمحه

خلاص ياعمتي خلك هنا توا ننهيلك

مشيت جبتلها عصير وسندوتش من المطبخ
لاقاني محمد

محمد: يابت خفي وكال قريب تهدي مصرف علينا😑

- يابارد ياحانط بكل 😒
هذي مش لي للحاجه لقاعده هناك ست ريم ماتحترم حتى في لكبار في العمر الحاجه هبط عندها سكر وهي ترجا في شيكها

الله يربحك يامحمد ساعدها والله كان معي فلوس را عطيتهن لها ونقولها سحبتلك

محمد: خلاص عديلها توا خلها تفطر وانا ننهيلها

-خيتي سلمه نجيه وعلمه البطل😍

طلعت للحاجه وفطرت وروقت وجاها راتبها وريم حصلت هزيبه سمحه من مدير ومعه تحذير😂😂