عناد عاشق ،،،وكبرياء انثي

زوجتي ،،،طفله

ترجل سامر الي البيت يشعر بالتشتت والحيره لايدري تحديدا ماذا اصاب بيجاد ليعتزل الدنيا بهذا الشكل ،،،، انه حتي لايريد مقابلته ،،،مهره قلقه بشده وقلقها اصابه بالعدوي ،،،، جلس علي المقعد في الصاله ليريح راسه للاعلي ،،،
# انت اجيت ياسامر
فتح عيناه ليرمقها لثواني وعاد لوضعه السابق
#لاء مأجتش ياشوق انا لسه في الشغل
اقتربت منه وقالت #اباي بتتمقلت عليا اياك
اعتدل في مواجهتها وقال بحده
#انتي ايه حكايتك بالظبط ،،، عاوزه تتخنقي ياشوق
مطت شفتيها ودمعت عيناها زفر بقوه ليسحبها ويجلسها علي ساقيه
#حقك عليا مقصدش ،،،انا جاي مضغوط اوووي وتعبان ياشوق
احتضنته بيدها
#اني مش زعلانه منيك ،،، بس عاوزه اعرف مالك بس ،،،
#زعلان عشان بيجاد بقاله كام يوم قاعد في البيت قافل علي نفسه ومحدش فاهم ايه الحكايه
#عشان اكده ابله مبتجيش ومبتردش علي التلفون
#ربنا يكون في عونها انتي مشوفتيش بقي شكلها عامل ازاي
قطبت مفكره #هو انت روحت البيت هناك
تنهد بقوه #اه لسه جاي من عندها  ليه
قالت بعصبيه #ورحت ليه بجي ،،، عشان تشوف البت الملزقه اللي اسمها ينسون دي مش اكده
حدقها للحظه وقال بحنق
#ينسون ايه وزفت ايه بقولك بيجاد تعبااااااااان
قالت بحده #بس متروحش هناك لوحدك
زفر بقوه #شوق انا مش قادر اتخانق ماشي اجلي العصبيه اللي بقت مسكاكي اليومين دول شويه
سقطت دموعها وقالت باختناق
#عنديك حق ،،،دانا معنتش طيقه نفسي
ضمها الي صدره وقال بضيق .
#لااله الاالله ،،، ممكن افهم انتي بتعيطي ليه
#عشان انت معنتش بتحبني
تنهد بقوه #لا ياحبيبتي بحبك والله بس انتي بقتي بتتعصبي وتعيطي علي حجات هيفه ياشوق انا مش فاهم ايه اللي عامل فيكي كده
اعتدلت #مش عارفه يمكن الحمل مأثر عليا
#يمكن اااانتي قلتي ايه حمل ،،، هوانتي حامل
حدقته ببلاهه #هو انا مخبرتكش
قال بغيض #لاء يااختي متهببتيش
سقطت دموعها #شوفت اديك زعلت اهه
طفله تتلاعب بعقله وينساق ورأها كيف ظنته سيغضب لانها تنشأ له عائله
#انتي عارفه من امتي
هزت كتفيها #من ياجي يومين اكده تعبت في الشغل فرحت للدكتور وهو قالي ،،، انت زعلان مش اكده ،،،، انت علي طول بتقول مش عاوز عيال دلوقيت
احتضن وجهها وقال بعشق
#انتي عبيطه ،،، انا كنت بقول كده بس عشان عارف انك لسه صغيره ووجود اولاد دلوقتي هيتعبوكي ،،،اوعي بعد كده تخبي عليا حاجه مفهوم
#يعني انت مش زعلان مني
قبل جبينها #ازعل دا ايه داانا قلبي بيتطنط بس خدي بالك بقي معدش شغل ،،، بكره اخدك ونروح للدكتور عشان نطمن علي صحتك ماشي
#ربنا ميحرمنيش منيك ،،،، انا بس خفت تزعل مني ،،،، وانا ملييش غيرك ،،،
رفعها بين ذراعيه ليتحرك بها لغرفه النوم اراحها علي الفراش وقال باسما
#مفيش حاجه في الدنيا تخليني ابعد ،،،،داانتي قلبي يامجنونه ،،، قوليلي بقي نفسك في ولد ولابنت
قالت بسرعه #واد طبعا
#وليه طبعا
#اباي الواد عزوه وسند
وكز راسها وقال باسما #انا سندك وايه رأيك بقي انا عاوز بنت وهسميها عشق ،،،،عشان يبقي عندي عشق وشوق
قالت بعناد #لاء هو واد وهسميه محمد علي اسم ابواي الله يرحمه وبعدين عشق ايييه هتحبها اكتر مني وتدلعها ،،، وعشق سامر لشوق وبس
حبيبته طفلته التي اكتشف ان غيرتها نيران مشتعله ،،،، يمكنها ان تقيم الدنيا وتقعدها اذا رد السلام علي احدهن ،،،،نعم احيانا يحتد ولكنه يعشق غيرتها ،،،، حبيبته قادره علي اخراجه من همه وحزنه وزرع فقط رياحين فواحه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،