"من نسل فرعون"(الأسيرة 2)
الحلقة الأولى
للكاتبه/ندى محسن♕Noody♕
سفيان خرج من اوضه العمليات وفي ايده الطفله اللي لما الكل شافها اتصدم وكارمن ضحكت
مرتضى:لا حد يفهمني ايه دا عايز افهم مين دي
چوليا:دي سمراا!!!
سفيان ابتسم وبص لكارمن بغموض:شبه مين يا عمتو
كارمن:ربنا عايزك تفتكر امك يا سفيان وتدعيلها وهداك بيها...هتسميها ايه
سفيان ابتسم بخفوت:على اسمها...نينا..هتبقى نينا سفيان ارسلان....
عملو حفله كبيرة بمناسبه ولاده نهلة وهنا اتجمعوا عيله نهلة كلها وهي كانت فرحانه علشان باباها ومامتها واخواتها معاها
سامر:احم
ريفال لفت لقته وراها
سامر ابتسم:ازيك يا...ريفو
ريفال بصت لتحت:ازي حضرتك يا ابيه
سامر حس ان الوضع متوتر وبدون مقدمات حضانها:انا خلاص مش هبقى ابيه انا عشت سنين بكذب الشعور دا بس انا اللي ربيتك انا اللي بعشقك وانا عايز اتجوزك ودلوقتي انتي في جامعه وقربتي تخلصي ومش هيبقى في مشكله
ريفال كانت بصاله بعدم تصديق
سامر:هااا بقااا
ريفال بصت لتحت بكسوف
سامر رفع وشها:ريفال بتحبيني ولا...
ريفال:انا مبعدتش غير لما حسيت اني بحبك...و...وقتها حسيت انك مبتحبنيش وحسيت اني لازم ابعد
سامر:والنصيب جمعنا علشان انتي بجد كل حاجة حلوة في حياتي..
نهلة كانت قاعده جنب سفيان بيتكلموا وبيضحكوا وكارمن شايله نينا اللي حبيتها وبتحس دايمآ سحر فيها وملامحها حلوة وسمارها محليها
الكل كان فرحان وفاتت سنين ورا سنين لحد مكبرو وبردو قلوبهم لسه متعلقة ببعض ودا معنى الحب الحقيقي مش مجرد فتره او لهفه مؤقته الحب دايما حياه......
فاقت نينا من النوم خدت هدومها ودخلت على الحمام خدت شاور وخرجت بتنشف شعرها ولقت الباب بيخبط فتحت لقت نهلة ارسلان قدامها بتاكل مصاصه ببرود
نينا:صباح الخير
(نينا بقاا مختلفة تمامآ عن عيله سفيان متدينه بتحب تقرب من ربنا جدآ هي سمرا بخلاف اخوتها وامها وابوها وبحكم مجتمعنا او البعض منه بيعلقو عليها بسخافه وبيضايقوها)
نهلة:فين الخير مش فاهمه بصي انجزي والبسي هدوم عدله علشان هتروحي معايا الجامعه اخر سنه واخلص منك
(نهلة بنت سفيان فعلآ هي تشبه نهلة مامتها في كل ملامحها بس فيها شقاوة مش عاديه حاجه كدا مختلفه واخده من مرتضى حركاته وهزاره ومن سفيان جموده وحنيته اللي محدش يحس بيها الا لو هو عايز وهي اقرب حد لسفيان)
نينا كشرت وقفلت الباب دايمآ بتضايق من تعامل نهلة معاها بس هي عارفه ان دا طبعها وبتضايق من الكلام اللي بتسمعه عن الفرق بينها وبين نهلة اختها وانها سمراا عكس عيلت ارسلان تماما لجدتها ومفيهاش حاجه مميزة بس نهلة بيضه وحلوة بزيادة بس بتتجاهل دا
سفيان كالعادة فاق وباصص لنهلته اللي لسه بتفوق واول مفتحت عينها جات في عينه وضحكت
نهلة:عمرك مهتتغير
سفيان باس ايدها:صباح الخير يا قلب فرعون
نهلة:عارف يا سفيان الحلو ان من 22 سنه انا بصحى على عيونك عمري مصحيت ملقتكش وان حبك دايمآ شيفاه في عينك وحبك كل مادا بيزيد
سفيان حضانها:عىشان حبي صادق
نهلة ابتسمت وهي بتتأمله
سفيان ابتسم:يلا قومي بقاا يا قلبي علشان اروح على الشغل لأدهم يستغلها فرصه ويخربها
نهلة:انا كنت عايزة اتكلم معاك صح
سفيان:اتكلمي بس كدا انا معاكي
نهلة:حبيبي انا شيفاك مبقتش تكلم اياد كتير واياد معظم الوقت لواحده ونهلة بتضايقه
سفيان:نهلة اياد انتي دلعتيه اووي انا كنت عايزه يبقى راجل مش كدا
نهلة:سفيان حبيبي ابنك راجل هو هادي ومحترم جدا بس هو ملوش في امور الشركه وكان نفسه يدخل طب وحقق حلمه المفروض انت تبقى معاه والحمد لله ادهم ساندك
سفيان:ايوا اووي ابنك ادهم دا مجنون مفيهوش ذره عقل مفيييش انتي عارفه انه في اجتماع في مره اديتله سيديه مهم ووقت الأجتماع طلبت منه يشغله تخيلي ايه اللي ظهر على الشاشه
نهلة:ايه
سفيان بضيق:صور سيادته وهو بيصيف ووهو مع بنات وحاجه مسخره لولا اني عارف انه زكي وربنا مكنت خليته في الشركه مهو تربيه مرتضى تربيه زباله زي داني اللي طول الليل والنهار يعاكسلي في المواظفين واجي اكلمه يمثل لا بيمثل بجد نهلة انا عايز اسئل سؤال وتجاوبي بصراحه
نهلة:ايه
سفيان:انا في شبابي كنت كدا بالهبل دا
نهلة ضحكت:اولا انت لسه شباب ميغركش العمر حبيبي انت لسه لبق وانيق ورياضي وبعدين انت كنت ومازلت راسي وتقيل وقمر ربنا يحرسك
سفيان ضحك:يا حلو انت يللي بتزيد شقاوه
نهلة ضحكت وهنا سمعو صوت الباب بيخبط
ادهم:يا عم الحبيب يا كابتن هنتأخر على الشغل يا نهولة قوليله ينجز
(ادهم ارسلان ابن سفيان الأوسط بعد نهلة واياد دا بقى كارثه تفكيره مختلف بيحب الهزار بيسهر بس عارف حدوده وبيحب اووي يناغش سفيان ويستفزه بس مبيحبش حد قد مرتضى وسفيان امه بيعتبرها الحلو اللي مدي لحياتهم معني )
سفيان بيجز على سنانه:شوفتي قله الأدب ونهولة وربنا هطين عيشته
نهلة:حبيبي اهدى قوم بس غير
فتحت وادهم ابتسم ولبس نضارته:ايه رأيك
نهلة ابتسمت:ايه الشياكه دي لا حلو
ادهم:احسن من جوزك
نهلة ضحكت
سفيان:شكلك فايق وعايز تضرب
ادهم كح:لا يا فرعون دا انا خلاص هموت الواحد عايز دوا مفاصل من دلوقتي
سفيان:على اساس انك روحت ولا جيت
ادهم:اااه دا انا بتعب اووي يا نهولة تعبني اووي في الشغل
سفيان:لم نفسك اسمها ماما ماما ماما
ادهم:ماما ايه يا عم دي لولا انها امي وربنا كنت اتجوزتها
سفيان اتعصب:وله لم نفسك
نهلة اتنهدت وهي بتكلم سفيان:حبيبي اهدى مش كدا
ادهم وهو بينكش سفيان:الله يا بابي هو اللي يقول الحق يبقى وحش مهي اللي قمرايه
سفيان جري وراه يضربه وادهم نزل جري على السلم وهو بيضحك:خلااااص بابا خلااص اسف
سفيان:اسف بعد ايه دا انا عدتلك كتير
ادهم استخبى ورا اياد:خلااص بقاا سماح يا فرعون
سفيان:تعالى هنا
اياد:هو في ايه!
سفيان:ابعد انت ملكش دعوة
اياد بص لسفيان شويه وشال ايد ادهم من على كتفه وبعد
(اياد هو چنتل اووي في نفسه هادي بيحب سفيان جدا وبيعتبره قدوه ليه بس هو وسفيان مش متفقين وبعيد كل البعد عن علاقة الاب بابنه... ودا بسبب تصرف سفيان معاه لأسباب هنعرفها سوا
)
سفيان بصله
اياد:انا ماشي علشان الجامعه بعد اذنكم
مشي
ادهم:الواد دا عاقل اووي بسم الله ما شاء الله ونعم التربيه
سفيان:اللي انت مشوفتهاش ولا عدت عليك
ادهم ضحك
نهلة ارسلان قربت من سفيان:بابي
سفيان ابتسم وخدها في حضنه:حبيبت قلب وروح بابي يا نهلتي
نهلة:بابا بقاا انا زهقت
سفيان:ليه
نهلة:انا عايزة اشتغل معاك امتى هتشغلني معاك طب دي اخر سنه ليا خدني دربني حتى
سفيان:تؤتؤ شغل لا حبيبتي انا عايزك تخلصي تعليمك وتقعدي بقاا في البيت ترتاحي
نهلة:لا يا بابا انا مستنيه الوقت المناسب وحضرتك مينفعش تحكم كدا
نينا:في ايه
نهلة:مش عايزني اشتغل معاه
سفيان ابتسم:مش هتصبحي على بابي
نينا ابتسمت وحضنته:دي احلا حاجه في اليوم كله يا احن اب
سفيان ابتسم وباس دماغها:ايه الحلاوة دي بس
نهلة:حلاوة ايه دي شبه البتنجانه المحروقه
سفيان بإنفعال:نهلة
نينا سكتت كالعاده بضيق
سفيان:انتي زي القمر متسمعيش حاجه تضايقك من واحدة مستفزة
نينا:بابا عادي نهلة بس متعصبه بعد اذنكوا
ادهم:انا مش قولتلك هتوصليها يا نهلة
نهلة:وصلها انت لو عايز انا مالي
ادهم:انا غلطان انا هروح اوصلها وخليكي انتي بقاا كدا ولو شوفتك في شركه ارسلان هنفخك
سفيان رفع حاجبه:يخربيت ملافظك انت وهي غور يلاا وخلي بالك منها
نينا باست خد سفيان ومشيت
نهلة نزلت:مالك
نهلة ارسلان:بابا مش عايزني معاه في الشركه اشمعنا ادهم
سفيان:نهلة انا مضايق منك انتي بقيتي تضايقي نينا ونينا مش وحشه هي سمرا دي شبه جدتك شبه امي وعلشان كدا سميتها على اسمها وانك تفضلي تضايقيها كدا هتخليني اتضايق منك بجد وتصرفاتك دي مش مقبولة
نهلة اتنهدت بضيق:انا كام مرة قولتلك ملكيش دعوة بيها علشان كدا مجتش سلمت عليا
نهلة ارسلان:والله انا مليش دعوه بيها بس يا بابا انا...
سفيان قاطعها بحزم:انتي سمعتي ولا لا عامليها كويس كأخت كبيرة
نهلة ارسلان:حاضر يا بابي بس والنبي خدني معاك
سفيان:تلبسي وتجهزي في ثواني
نهلة ارسلان حضنته واتعلقت في رقبته وطبعت بوسه طويله على خده:بحبك يا احلاا بااابي ثواني واكون جاهزه
جريت على فوق ونهلة ابتسمت:متقدرش تزعلها
سفيان:اعمل ايه روحي فيها
نهلة:من كتر تعلقك بيها انت اتجاهلت اياد والنتيجه نهلة شرسه وعنيفه اووي ومتدلعه كمان
سفيان:هي طالعه بتحب الملاكمه زيي والحلويات زي اي بنوته هي بنت قويه بنت من نسل فرعون
نهلة ضحكت:جايه على هواك اووي
سفيان:اللي يتخاف عليها نينا هي بريئه ورقيقه وحساسه جدآ....والله لو جيتي للحق الزمن دا الكل يتخاف عليه....
أنت تقرأ
من نسل فرعون (الأسيرة 2) للكاتبة/ندى محسن ♕Noody♕
Mystery / Thrillerلكل واحد سحره الخاص السحر اللي بيجذب ناس معينه بتدخل ف حياتنا وتعشقنا زي محنا احنا شوفنا قصه حب فريدة من نوعها قصه نهلة وسفيان او فرعونها واهتمامه بالتفاصيل وهنكمل قصتهم اللي استمتعنا بيها "من نسل فرعون".....
