♡من نسل فرعون♡ الأسيرة 2
الحلقة 8
للكاتبة/ندى محسن♕Noody♕
شاكر: وبعدهالك يعني
اسماء بدموع: مشيني
شاكر: فكرك اني هسمع كلامك وامشيكي!! انتي بجد فكرك كدا
اسماء بتبعد وماسكه الطفايه
ادهم عمال يحاول يتصل بيها
شاكر: الصوت دا مضايقني يا حلوة فين تيليفونك
اسماء بدموع وقفت عند السرير وطلعت الشنطه وهو ضحك بغيظ
شاكر: هاتيها
اسماء بسرعه خرجت التيليفون وفتحته: ادهم الحقنييييييي
ادهم جسمه اتسمر من صوتها
شاكر بيقرب: يا بنت ال..... هاتي التيليفون
لسه هيهجم عليها ضربته بالطفايه وبتعيط: ادهم ادهم هما كانو عايزين نهلة دا واحد قذر انا مش عارفه انا فين الحقني بالله عليك
ادهم: هششش اهدي انا انا هوصلك متخافيش اهدي
اسماء: دا عايز يقربلي دا واحد مرييييييض
شاكر سحبها وضربها بالألم ورمي التيليفون على طول دراعه وهي منهارة وهو بيتألم من راسه وبينزف
شاكل مسك رقبتها: انا هوريكي اااه
سابها وخرج: رااااامي
رامي طلع وبصله بصدمه: ايه دا
شاكر: انت شايف ايه بسرعه هات دكتور يخيطلي الزفت داا يلااا
#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen
ادهم هيتجنن عمال يتصل بكذا حد يعرفه يقدرو يساعدوه
مصطفى:العربيه ملهاش اثر خاالص
ادهم بعصبيه وانفعال:اززااااااي يعني اتصرفوا ان شا الله لو حكمت اقلبوا الدنيا نفتش كل بيت وكل مكان
سفيان:ادهم اهدى عمك مصطفى مش هيستنى تقوله احنا بنعمل اللي علينا
مرتضى بضيق:مصطفى اتصرف لازم نعرف مييين دا ولو تهديد مكلمناش ليه يطلب فدية ولا زفت
ادهم:نهلة هو كان عايز نهلة
سفيان بصدمه:اييه!!
ادهم:هما كانو جايين ياخدو نهلة وخدوها بالغلط فبالتالي مش هيطلبوا فيديا ولا زفت نهلة هاتوا نهلة
سفيان:انت اتجننت ولا ايه
ادهم:لا لا احنا لازم نخليه يجي يخطف نهلة ووقتها نعرف هو مين فاهمين
سفيان:كلامك في مخاطرا احنا هنستنى لبكرا لنهلة تيجي للشركه وافرض خدو نهلة فعلآ و...و...لا لا مش عايز مخاطره
مرتضى مسك ايد سفيان:سفياان بنتي دي احلا حاجه في حياتي بنتي.....ساعدني ساعدني يا سفيان
سفيان حضنه واتنهد بوجع ومصطفى خد الرقم بيحاول يتتبعه بس الرقم اتقفل
#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen
شاكر الدكتور عالجه
الدكتور:انت فقدت دم كتير لازم ترتاح
شاكر جه يقوم وقع:ااه
الدكتور:لازم ترتاح وتاكل كويس والأ هيحصلك مضاعفات
شاكر سكت بغيظ وبيتوعد لأسماء
اسماء كانت قاعده في الأوضه عماله تحط كراسي ورا الباب وكمودينو واي حاحه تقدر تشيلها وقعدت تعيط وانهارت في العياط وهي بتتمنى تخرج من هنا
النهار طلع ورامي فعلآ راح يخطف نهلة ارسلان اللي سفيان كان متفق معاها انها تفضل فاتحه تيليفونها وكان هيموت من الخوف عليها وهي قعدت تطمنه
رامي:انا اللي هاخدها بنفسي المره دي فاهمين مش عايز غلط
سفيان كان ف عربيته مع ادهم اللي اصر انه يسوق ورامي خد نهلة وسفيان قلبه خلاص مش قادر وكلم مصطفى يقوله ان تيليفون نهلة مفتوح وانه فهمها تخفيه ومصطفى بيتتبع مكانها وفي نفس الوقت سفيان وادهم ومرتضى وراهم بأقصى سرعه
سفيان:اهدى وركز ايااك تضيعهم
ادهم:كلم اياد انا مضمنش هي كويسه ولا لا
سفيان:اياد ورانا بقى اهدى واتنفس بهدوأ
ادهم:لو حصلها حاجه مش هسامح حد واولهم انا انا هحرق اي حد فاهم
سفيان اتنهد هو خايف على اسماء وخايف على نهلة الضعف ليحصلها حاجه
رامي لف دراعه حواليها بأعجاب
نهلة ارسلان ضربته بضهر ايدها خلته بينزف:دا اللي هيحصل واكتر فاااهمين اياكم تقربوا ولا تتخيلوا اني هقبل كلب فيكم يلمسني فااهمين
رامي مناخيره بتنزف وبيتألم
شاكر بيكسر الباب:افتححيييي فكرك هسيبك وربنا لو مفتحتيش انا مهرحمك
اسماء بتعيط ومنهارة في العياط:مش هفتح انت عايز مني ايه
شاكر كسر الباب وبقى يزأ اي حاجه بعنف ويكسر اي حاجه قدامه واسماء بتبعد بخوف من الحاله اللي كان شاكر فيها
اسماء بإنهيار:خرجني بالله عليك
شاكر شدها وزأها على السرير وفك حجابها بعنف:انا انا يا زباله تضربيني وتتجرأي تمدي ايدك هااا دا انا مش هرحمك وجوزك خلاااص من بعد النهاردا علاقتكوا هتنتهي عشان انتي ملكي انا وبس ابوه خد حبيبتي مني وانا انا هاخد مرات ابنه واحرق قلبهم هاا ايه رايك
بيقرب منها وبيقطع ف فستانها وهنا سمع سرينه البوليس وجري على البلكونه لقى رجالته اتمسكت وسفيان مع كذا حد بيجروا بأتجاه البيت
ادهم جري بينادى بجنون:اسمااااااء
اسماء هنا صوتت وهو جري بأتجاه الصويت لقاها واقعه في الأرض وراسها بتنزف جري عليها كتف فستانها متقطع خادها في حضنه وبيحاول يفوقها واخيرآ فتحت عينها وابتسمت بدموع:انت...جيت..في وقتك.....انت...انقذتني
ادهم بدموع:انا اتأخرت اووي اتأخرت انا اسف سامحيني سامحيني
اسماء غمضت عينها وغابت عن الوعي
سفيان:اياد شوفها
اياد قرب بيمسح الدم من على دماغها:الجرح مش عميق يلاا ننقلها على المستشفى حفظآ لأي ظروف بس ممكن متحتجش لخياطه يلا
نقلوها على المستشفى وسفيان ماسك ف ادهم بيواسيه
نهلة ارسلان كانت مستغربه:انا مش فاهمه اكيد مش صدفه صح هي مش صدفه....
اياد خرج:اسماء فاقت
مرتضى وادهم وسفيان دخلوا وادهم بسرعه جري حضانها وهي دفنت وشها فيه واخيرآ حست بالأمان
ادهم بيحضنها كانه عايز يخبيها جواه
اسماء بصتله وابتسمت
ادهم باس جبينها وخدها ودماغها وحضانها وهي مبتسمه مستغربه بس مش عايزة تتكلم اتمنت الوقت يقف بيهم
اياد:طب نسيبهم شويه يا جماعه دا راجل متجوز بردو
خرجوا وادهم ثابت بيستجمع قوته خلاص اعصابه بايظه وصوتها وهي بتصرخ حس انه كان عاجز مش عارف يوصلها ودا كان هيجننه
اسماء اخيرآ اتكلمك:انت كويس!؟
ادهم بصلها بدموع ف عينه وهي اتصدمت لأول مرة في حياتها كلها تشوف ادهم بيعيط ادهم اللي دايمآ بيهزر ووقت الجد جبل مبيتهزش هي شايفه دموعه مسحتها ودموعها سالت:انت مالك ادهم فيك ايه طمني انت تعبان انت كويس
ادهم:حاسس اني بموت انا كنت هموووت
اسماء:بعد الشر عنك يا حبيبي متقولش كدا طب انت تعبان
ادهم هز راسه بنفي وبيبوس ف ايدها:حسيت اني هفقدك اني عاجز عن انقاذك حسيت اني بموت خلاص بمووت وانتي بتستنجدي بيا وانا مش قادر مش قادر.....
اسماء قعدت وحضنته:انت اللي انقذتني وكفايه انك كنت مصدر امان ليا انا مش عايزة اكتر من كدا كفايه اني حسيت انك خايف عليا مش مجرد تمثيل ابدا يا ادهم مش مجرد تمثيل
ادهم:مش مجرد تمثيل يا قلب ادهم مش مجرد تمثيل ابدا يا روحي
اسماء ابتسمت
ادهم:انا بحبك....بحبك يا اسماء انا بمووت فيكي وبعشقك
اسماء بصتله بصدمه
ادهم:ايوا دي الحقيقه كنت هتجنن عليكي كنت بمووت وكنت
اسماء بصاله بصدمه وفرحه ودموع
ادهم باس خدها وقعد قدامها مسك ايدها:انا مش هتخلى عنك. وهوفي بأي وعد ليكي انا انا بوعدك مش هتخلى عنك وهفضل معاكي انتي انتي اول حب وهتبقى اخر حب خلاص انا مش قادر امنع مشاعري و..وكمان انا كان هيحصلي حاجه لو كنتي اضريتي يا اسماء انا كنت همووت معنديش طاقه اني اداري او احبس الحب دا في قلبي لا انا هعترفلك دايمآ وابدآ كل يوم كل ثانيه كل دقيقه يا اسماء يا سمسمتي
اسماء بدموع حضنته وهي فرحانه
ادهم:هاا بقى انتي لسه بتحبيني
اسماء ابتسمت:انا عمري مبطلت احبك من واحنا عيال كنت اول حب ليا اول اعجاب اول لهفة كنت بضايق سعات لما باجي ومش بلقيك تبقى ف المدرسه مع صحابك بحس ان البيت دايمآ مضلم من غيرك مناغشتك ليا وحتى تريقتك على رقتي كل حاجة انا بحبك اووي بحبك من سنين بحبك بطريقه غريبه بطريقه مختلفة وفريده من نوعها بتنمى لو كنت معايا لو ينفع اكلمك دايمآ لو اشوفك دايمآ تفتكر في حب اكتر من كدا انا يومي يومي لو مجبتش سيرتك فيه لو مشوفتكش لو ملمحتكش حتى انا يومي بيبوظ و وكمان انا بغير عليك وو بتمنى لو متشوفش غيري بتمنى لو متسهرش غير معايا و...انا في حجات كتيرة جوايا تتلخص ف اني عيزاك جمبي دايمآ
ادهم باس ايدها وهو بيضحك:مفيش حب اكتر من كدا انتي اتعديتي كل الحدود في الحب يا سمسمتي
اسماء بدموع ابتسمت وحضنته
ادهم:كفايه دموع بقاا
مرتضى:انا عايز اطمن على البت
مصطفى:الرجاله اعترفوا انهم تبع رامي بس رامي دا ساكت وادينا وراه
مرتضى جه يدخل اياد مسكه وضحك:يا راجل حملك واحد مع مراته
مرتضى:اللي هي بنتي دي
اياد ضحك:طب اهدى بس
نهلة بتضحك:اهدى يا مرضو مش كدا بالراحه على الواد بالراحه
مرتضى دخل كان ادهم بيبوسها وبعد واسماء وشها احمر واتحرجت
مرتضى:احم احم....يعني كنت عايز اطمن عليها
اياد كاتم ضحكته ونهلة انفجرت في الضحك
ادهم:طب ايه بقاا انا...اه...يعني هجيبلها حاجه تاكلها
اسماء:ادهم
ادهم بصلها بحب:عيونه
نهلة واياد ضحكوا اووي:انت قلبت قطه
مرتضى غصب عنه رغم قلقه ضحك عليهم وادهم اضايق وهيجري وراهم سفيان دخل:في ايه مالكوا
ادهم:عيالك لو مسكتوش وربنا هوريهم بالذات السوسه الكبير دا
سفيان بص لأياد:مالك بيه بس يااياد
اياد:وانا مالي يا بابا هو انا اللي كنت ببوس ولا هو
ادهم برق وبصلهم وسفيان فهم انهم بيضيقوه وقعد يضحك
ادهم:حتى انت يا حج
اسماء:ادهم خلاص سيبك منهم
نهلة:بقى كدا وانا اللي كنت هتخطف عشانك متشكرين يا ست عجبك بنتك يا مرضو
ادهم:اممم امممم ابتدينا
نهلة ضحكت
اسماء:انا مش عايزة افضل هنا مش عايزة ابقى هنا خلونا نروح اكيد ماما قلقانه اووي
مرتضى:طمنتها يا حبيبتي وقولتلها انك ممكن تخرجي
سفيان:حبيبتي هو حد كان معاكي قبل منيجي غير رامي ورجالته دول؟
اسماء:اه....اه كان...واحد باين عليه الكبير بتاعهم...
سفيان:اسمه ايه
اسماء:اسمه!!انا مش فاكره...
سفيان:طب شكله ايه
اسماء:هو طويل وعريض شويه عنده عضلات كدا وانا عورته هو عنده خياطه فوق حاجبه وشعره اسود في ابيض معندوش دقن
سفيان:مظنش هنعرفه كدا مصطفى الواد دا لازم يتكلم هو راح فين
اسماءبصت لأدهم
ادهم مسك ايدها:متقلقيش يا حبيبتي قولي لو في حاجه
اسماء:هو كان متعصب و هو...حاول يقربلي بس يا ادهم هو سمع العربيه وجري شافكم تقريبآ وانا كنت ههرب ضرب دماغي في الباب وهرب
ادهم:هرب ازاي واحنا مشوفنهوش وعمي مصطفى كان محاصر المكان
سفيان بشرود:مش فاهم بس مين دا اللي ظهرلنا فجأه
اسماء:هو كان بيقولي هياخدني من ادهم زي منت يا عمو سفيان خدت حبيبته منه زمان وان طنط نهلة بتاعته
سفيان:يعني ايه
مرتضى:كارم مات صح كارم وخاطر ماتوا انت متأكد
سفيان:اه متأكد كلهم ماتوا واخر واحد كان كارم من سنتين بعد مبقاش قادر يتحمل ومستحيل هيرجعوا من الموت مثلآ
اسماء:هو كان قاصد نهلة عشان بيقول كان هيحرق قلبك
سفيان عمال يفكر مين مين اللي مخلصش من انتقامه مين اللي راجع دلوقتي وليه!!!
أنت تقرأ
من نسل فرعون (الأسيرة 2) للكاتبة/ندى محسن ♕Noody♕
Mystery / Thrillerلكل واحد سحره الخاص السحر اللي بيجذب ناس معينه بتدخل ف حياتنا وتعشقنا زي محنا احنا شوفنا قصه حب فريدة من نوعها قصه نهلة وسفيان او فرعونها واهتمامه بالتفاصيل وهنكمل قصتهم اللي استمتعنا بيها "من نسل فرعون".....
