من نسل فرعون (الأسيرة 2) للكاتبة/ندى محسن ♕Noody♕

الحلقة الحادية عشر"من نسل فرعون"

♡من نسل فرعون♡ الأسيرة2

الحلقة11
للكاتبه/ندى محسن♕Noody♕
#من_نسل_فرعون

نهلة دخلت القاعه مع عمر اللي جابها من الكوافير عمر فرحته كانت ظاهره عليه بيضحك وبيتكلم معاها لدرجه انها نسيت زعلها وضحكت معاه وسفيان بيستعد لأي حاجه وعينه منزلتش من على بنته
نينا بتبص لرانيا وهي قاعده جمب داني
رانيا: يعني ايه بردو!!
داني: ايه يعني تعبان
رانيا: تعبان هتفضل قاعد كدا انت جايبني تقعدني جمبك
داني: هو انا جبتك اصلا  انتي الي اصريتي تيجي
رانيا: متعصبنيش يا داني انا مالي بقاا هاا انا ماالي
داني: مالك ايه؟ افهم بس يعني اعملك ايه اتشليت يا ستي
رانيا نفخت: انت بتأفور اووي اتك على نفسك وقوم نرقص
نينا بإنفعال: هو في ايه هو تعبان مش شايفه انك هتموتي لو مرقصتيش يعني مش حياه او موت هو تعبان بما انك هتكوني خطيبته فألمفروض يبقى قلبك عليه
رانيا بتريقه: واني تبقي ايه يا حجه محاميه بقولك ايه انا بتكلم معاه ومش نقصاكي طبيعي هتيجي تجري ف شكلي الف مين يتمنى يرقص معايا انتي بقاا ايه محدش هيقبل يبص ف وشك هه
داني: رانيا
لسه داني هيتجنن ونينا قاطعته وهي باصه لرانيا: صح انتي صح الدبان بيتلم على اللحمه المكشوفه عمر متلاقي دبان على حاجه نضيفه بعد اذنك
مشيت ورانيا هتفرقع: عاجبك كدا البني ادمه الغبيه دي بتشبهني بأيه قصدها اني مش محترمه ولا عشان لبسي
داني كتم ابتسامه بتحارب وتظهر على شفته
اياد هيقرب من ياسر وسفيان وقفه كلام ياسر
ياسر: بس يا سيدي بقاا وميرا رفضاه تماما
سفيان: رفضاه ليه مش بتقول كويس ومحترم ويعرف ربنا حاول كلمها واقنعها وسيبها ف الأخر تختار
ياسر: ايوا انا قولت هعمل كدا بس ميرا مبحبش اضايقها وفي نفس الوقت حاتم شاب كويس وشاريها واتقدملي كذا مره عشان يتجوزها
سفيان: انا هتكلم معاها واعرف ليه مش  عايزه تقابله ولا اقولك انا عازمكو على الغدا بكرا وقوله يجي
ياسر ابتسم: اتفقنا
اياد كان هيتجنن مين دي اللي اتقدملها عريس مين دي اللي هتتجوز ومين اللي هيجوزها ابوويا نهاار اسود
راح على ميرا اللي كانت واقفه جمب عمر عند الكوشه وقرب همسلها: تعالي ورايا احسن وربنا اسحبك قدام الناس دي كلها وشوفي ردت فعلهم
ميرا بصتله وهمست: اكيد اتجننت وبعدين  انت مالك بيا الله لو عايز حاجه قولها هنا
عمر: في حاجه  اياد!
اياد ابتسم بأصطناع: لا ولا حاجة  كنت بقولها سيبي العرسان لوحدهم يتكلموا
نهلة ارسلان ابتسمت هي حاسه بقلق وعنيها بتدور على سفيان هو ليه مش جمبها واياد لاحظ دا وراح لنهلة امه
نهلة: حبيبي خير
اياد: خير يا ست الكل... نهلة فرحتها ناقصه يا ماما خليه يروحلها على الأقل يبقى جمبها زي مهي بتتمنى
نهلة: قصدك مين
اياد: سفيان
نهلة: اسمه بابا يا اياد مهما كان هو ابووك ملكش دعوة باللي بينا وبعدين  احنا صدرنا حكم ومن غير منسمع
اياد: مش عايز اسمع اللي شوفته كان كافي اوووي لا حقيقي كان كافي... قوليله ميكسرش بفرحتها انا مشوفتهاش مبسوطه مش عارف اصلا  الجواز اللي بسرعه دا في مصلحتها ولا لا
نهلة بشرود: والله يبني معرف ليه السرعه انا هروح اقوله والفت نظره هو اكيد دماغه ف دنيا تانيه... ربنا يستر.....
راحت وقالت لسفيان يبقى معاها وسفيان باس خد مراته: زي القمر بس الروچ دا يتمسح
نهلة بصتله وبرقت: يتمسح سفيان دا فرح بنتي وبعدين يا سفيان مش تقيل وانت معايا فعادي
سفيان بيقرب هيبوسها: همسحهولك انا
نهلة بعدت: سفيان احنا مش  لوحدنا روح بقاا لبنتك
سفيان قرب همسلها: اجوز بنتك بس واعاقبك
مشي وغصب عنها ضحكت
نهلة ارسلان مش عايزة تبصله
سفيان وقف قدامها مد ايده ليها وهي بصتله بأستغراب وعمر استغرب
سفيان بص لعمر: مش هستأذن منك عشان مهما كبرت وحتى لو اتجوزت وخلفت هتبقى بنتي وقلبي (بص لنهلة) الجميل يسمحلي بالرقصه دي
نهلة بصتله اووي وابتسمت بتلقائيه ووقفت معاه فستانها كان منفوش وطويل وطرحته زادتها حلاوه وسفيان كان حاسس احساس مختلف مش مصدق هي بنته هتتجوز بجد خدها وقعد يرقص معاها وفجأه بقى يغنيلها بصوته المميز اللي خلى الكل ساكت بيسمعه بأعجاب(الفرحه اللي انا حاسس بيها لنا قادر اقولها ولا احكيها بنتي حبيبتي وضي عيوني لعريسها بأيدي هوديها من يوم موعيت على الدنيا مفرقناش بعضنا لو ثانيه على عيني انك تبعدي عني دمعتي مش قادر اخبيها.. ااااه واوعي تنسي ان انا حضنك سرك ابوكي سندك ضهرك واوعي تخافي من اي حاجه وهجبلك حقك لو ضايقك... واوعي تنسي ان انا حضنك سرك ابوكي سندك ضهرك واوعي تخافي من اي حاجه وهجبلك حقك لو ضيقك.... دا الفرحه اللي انا حاسس بيها لا نا قادر اقولها ولا احكيها بنتي حبيبتي وضي عيوني لعريسها بأيدي هوديها)
نهلة ارسلان بصتله ولأول مره تشوف الدموع ف عينه وهي كانت الدموع نازله من عنيها ومسحت دموعه
سفيان ابتسم وهمسلها: انا مش مجرد ربيتك او انتي مش مجرد بنت انتي حاجه غاليه اوووي ف قلبي انتي اللي خدتي قلبي حافظي على بيتك على حياتك  حافظي على قلبي واوعي تسيبيه اووعي تنسيه حتى لو بقالك بيتك عيلتك اوعي تنسي ان في قلب محدش هيحبك اده فاهمه
نهلة ارسلان اتشعلقت ف حضنه وبدموع: انا بحبك اووي انا بجد بحبك اووي انا عمري مهسيبك انا مش همشي من البيت انا على طول هبقى عندك عشان مقدرش افضل بعيده انا مستحيل هحب حد قدك حتى لو كان الحد دا عمر فاهم
سفيان ابتسم وباس جبينها: فاهم يا قلب ونن عين ابوكي
عمر رقص معاها وعنيها متعلقه بسفيان وسفيان بيمنع دموعه عايز ياخدها ويمشي مش متخيل انها تبعد عنه
نهلة مسكت ايده
سفيان:معقول هتسيبنا
نهلة:حبيبي هما خدو شقه قريبه اووي مننا فمش هتبعد واحنا دايمآ هنروحلها وتجيلنا
سفيان:عايز لو اضربه مش عارف بس مبقتش طايقه
نهلة ضحكت:يا نهار يا سفيان حرام عليك دا جوز بنتك طيب وبيحبها
سفيان:انا مش عدائي بس عندي احساس قوي لو كسرت رقبته وهو ماسكها قريب منها كدا هتجنن
نهلة هزت راسها بعدم تصديق:لا دا انت اتجننت
سفيان ملاحظ حاجه غريبه الحراس فيهم حاجه مش طبيعيه عمالين يتكلمو ويتجمعو ويتفرقو وهو راح لعندهم:في ايه في مشكله ولا ايه
:في واحد دخل ممعهوش بطاقه دعوة هرب بين الموجودين ومحبناش نعمل شوشره
سفيان:محسسني بشغل خرفان انا هتصرف خلي بالكوا وفتحو عنيكو كويس
صهيب:سفيان متخفش اهدى
سفيان:خد بالك بس ربنا يستر انا هبقى ورا نهلة
صهيب هز راسه بإيجاب
سفيان مشي ووقف واخد باله من كل حركه وف ثواني انتبه مع نهلة مراته حد سحب نهلة ارسلان وهي اتخضن وف لحظه سفيان كان مطلع سلاحه وموجهه على اللي ماسك نهلة وواقف مدي ضهره لسفيان:سيبها
نهلة ارسلان لفت بصتله وابتسمت بتلقائيه واترمت في حضنه وسفيان استغرب وشاف چوليا عيونها متعلقه على الشخص دا بلهفة وعنيها بتلمع
مرتضى لف بص لسفيان:نزل السلاح ليطول يخربيتك ايييه يوم متتعصب تقتلني
سفيان شال السلاح بضيق:وانت يوم متيجي تهرب من الحراسه يخربيتك
صهيب ضحك:مش قولتلك اهدى
سفيان:مهي حركاتكوا انتو الاتنين الزباله دي هتجيب اجلي استنو بس
مرتضى:مكنتش هعرف مجيش فرحك
نهلة ارسلان كانت مبتسمه وهي ف حضنه وعمر هيتجنن وسحبها وهو مكشر:لو سمحت عايزها ثواني
مرتضى رفع حاجبه وبص لسفيان:ماله دا يا اخ
صهيب:بيغير
مرتضى:نععم وهو يوم ميغير يغير مني انا
نهلة ارسلان:ايه يا عمر مش عيب تاخدني من وسطهم كدا
عمر بضيق:تسيبيه يحضنك بتاع ايه يا نهلة واحد غريب تسمحيله يحط ايده عليكي ليه
نهلة:اكيد اتجننت دا زي بابا وجه عشاني اقوله لا ابعد اصل عمر متخلف
عمر بصلها:متخلف؟لا اظاهر انك متعرفيش اي حاجة متعرفيش الصح من الغلط دا غريب عنك ولا ابوكي ولا اخوكي ولاعمك ولا خالك يبقى ميلمسكيش يبقى تعامليه بأحترام مش تترمي ف حضنه
نهلة: انت مزودها اووي يا عمر انا مليش مزاج اتخانق معاك
عمر: انا عندي حق
نهلة: لا معندكش حق انت مش عارف دا زيه زي بابا دا اكتر من عمي حتى وهو اللي مربيني
عمر مسكها بيحاول مينفعلش: انا مش عايز اتعصب بدل مش محرم ليكي يبقى ميحطش ايده عليكي
نهلة: انت اكيد اتجننت
سفيان: نهلة في ايه عمر عنده حق...
نهلة: بابا انت كمان دا من امتى دا
سفيان: جوزك مش المفروض يفهم نوع العلاقات هو بدل مغريب ميصحش يلمسك مش لازم تناقشيه هو عنده حق
نهلة بصت لعمر
عمر هز راسه: انا مش هتقبل حاجة  زي كدا احترمت الكل وخدتك بهدوأ بس لو اتكررت مره تانيه موعدكيش ان ردت فعلي هتكون بارده
سفيان: خلااص يا عم الحمقي انت وله هتضايقها من اولها انا بتلكك وربنا اخدها وامشي
عمر ضحك ومسك ايدها: اعمل فيا معروف وخلينا نخلع
سفيان بصله ورفع حاجبه: نخلع... اومال لو اتكلمت مع مرتضى ربنا يستر ومتتصاحبش عليه
هنا اياد خد المايك ومعاه ادهم اللي ماسك ايد اسماء ونينا وبص لنهلة ارسلان: النهاردا فرح احلا واحده ف الكون كله نهلة اختي وتوأمي ااه صحيح مش تبكل شبه بعض بس هي احن اخت ف العالم اااه رغم انها كانت بتفتري عليها وايدها تهد جبل
نهلة ارسلان ضحكت: هيفضحني دا نزلوه
اياد ضحك: كل سنه وانتي معايا
نهلة: كل سنه ايه يبني دا مش عيد ميلاد والله بتجوز
الكل ضحك
اياد ضحك مع اخواته: يا ستي بقاا منتي عارفه مبعرفش اجمع كلمتين حلوين على بعض
ادهم خد منه المايك: ربنا يسعدك يا رب يا احلا اخت احنا دايمآ جمبك وف ضهرك على طول اوعي تحسي ف يوم انك وحيدة لأني دايما معاكي ويوم متحتاجيني هتلقيني قبل متطلبيني مش هنتكلم كتير بس احنا ناويين الليله دي نحييها ويلا يا قمري هاتي الواد اللي هياخدك منا دا وتعالو هنا
عمر همس:مفيهاش مرواح يعني
سفيان:الكوره مبقتش ف ملعبي اتصرف معاهم واحب اقولك ان فرعون بذات نفسه معرفش يسلك معاهم
اسماء همست لأدهم:لا بتعرف تتكلم
ادهم ضحك بأستفزاز:طبيعي اومال كنت بشقط ازاي
اسماء كشرت وجت تمشي مسكها وابتدو يرقصوا مع بعض ف جنون واياد سحب نهلة امه وطلعها معاهم وهو بيرقص معاها بفرح نسيوا همومهم ونسيو كل حاجة هما بس بيفرحو وسفيان هيتجنن وهي بترقص قدام الكل وجه يمشي مرتضى مسكه وهو بيضحك:لا متنكدش اعقل كدا
سفيان:انا هتجنن وهطلع عينهم كمان سيبتهم قولت اختهم لا لا دول زودوها
صهيب:يبني اهدى فرح بنتها
سفيان:ولا بنتها ولا ابنها اوعو بقاا
طلع مسكها وهمس:انتي عارفه اني مش عايز اهدها فوق دماغكو لمي الدووور يا نهلة
نهلة:ايه يا سفيان سحبوني ومش هكسفهم
سفيان:مش لدرجه تزوديها
مرتضى:شايف المتعصب دا خلي الديچيه يشغل نشيد العاشقين وتعالي
بالفعل صهيب راح وشغلها وسفيان ابتسم غصب عنه وهي مكشره:اغنيه فرحنا
نهلة:اه كويس انك فاكر
سفيان حاوط خصرها:فكرك ممكن انسى
نهلة بصت لأيده نعم
سفيان:تسمحيلي بالرقصه دي
نهلة برقت:اوماال كنت بتتخانق معايا ليه افهم!!
سفيان بجديه:ترقصي معايا انا وبس وبحدود غير كدا لا والف لا
نهلة:ااه حتى الرقص معاك هيبقى بحدود
سفيان:بالظبط يعني انا احركك بهدوأ عشان الناس دي اللي مش فاهم بيتفرجو على ايه اما بقاا وانا معاكي لوحدنا ف بيتنا اعملي اللي تعمليه لأنك هتبقي ف مملكتك
نهلة ابتسمت وهزت راسها بإيجاب والكل بيرقص
داني كان قاعد وحس بالوجع عشان مش مشاركهم ونينا جتله
نينا:ايه
داني ابتسم:ايه
نينا:مش عايز ترقص
داني:امم وبعدين
نينا:قوم وارقص معايا
داني:اقوم فين بتهرجي
نينا شدته بهدوأ وقفته بس هيقع وساند عليها
داني:نينا قعديني انتي بتهببي ايه لو ابوكي شافك
نينا:مش هتفضل قاعد كدا
داني:ايه يعني هتفضلي سنداني انتي شويه وهتقعي
نينا:ملكش دعوة انت
داني:سيبتي اياد ليه وجيتي
نينا:عشان مينفعش ارقص مع واحد والتاني قاعد وبس
داني ضحك:ااه شفقه يعني...انتي كويسه!
نينا:اه انت مش محمل عليا اووي يعني
داني:اقصد عشان عمر والنهاردا فرحهم
نينا:الموضوع دا انتهي لما قررت انه ينتهي يا داني انت عارف وفاهم كويس داني انا مبفكرش ف عمر خلااص انت كان عندك حق كنت محتاجه حد معايا يمكن اتعودت انه يساعدني بس مش حب لا
داني ابتسم:دي حاجه كويسه
رانيا:انت شكلك بتحب الرمرمه
داني:اييه!!
رانيا واقف معاها وماسكها بص ازاي ولا كأني هنا انا اللي غلطانه اني جيت اصلا بعد اذنك
مشيت وداني غمض عينه بضيق
نينا:داني
داني:نينا سيبيني وامشي دلوقتي
اياد:نينا انتي بتعملي ايه
نينا:بساعده يقف معانا
اياد سنده:تعالى يا عم المشلول
داني ضحك:مش عارف انت بتساعدني ولا بتذلني
اياد غمزله:الأتنين
مرتضى قرب وهمس لچوليا:المدام تحب ترقص
چوليا بصتله والدموع ف عنيها وهزت راسها بنفي
مرتضى باس عينها وعاد السؤال:تحبي ترقصي
جوليا هزت راسها بنفي:روح دور على اي واحده انا مش هرقص معاك انت  في غيري كتتتير تقدر تمشي معاهم
مرتضى:انا اسف انا جرحتك كتير وعارف ان اسفي دا ولا حاجة وانه مش هيصلح حاجه بس عارف ان لسه في حب في قلبك حتى لو صغير ليا
چوليا:انت مش بس دمرت علاقتنا انت دمرت عيالك دمرت ثقتهم فيك وف سفيان وفيا ف اختياري واختيار نهلة الراجل اللي شايل دايمآ الهم خليته ف نظر ولاده ايه خاين وكداب وتعبان ليه دا انت حتى متكلمتش مدفعتش عنه منظره وانا نفسي بتهمه وهو واقف مصدوم انا بفتكر بستحقر نفسي وبستحقرك
مرتضى:الأنسان بيغلط يا چوليا
چوليا:بيغلط مره اتنين بس انت عدت الغلط دا كام مرة فاكرني عبيطه يا مرتضى انا عارفه ومتجيبش الغلط على داني داني قالي لما لقاني بلوم نفسي اني مأثرة معاك هو مستحملش ابقى عماله اعاتب ف نفسي وانت ف حضن واحده تانيه
مرتضى بصلها مش لاقي كلام يقوله هي عندها حق ف كل كلمه اي سبب خيانته وهو بقى كل حياتها حتى شغلها كله صفته والشركه بتديرها من بعيد وهو عملها ايه خانها!!
چوليا:بلاش تتكلم يا مرتضى بيتهيقلي كل اللي بينا انتهى...ابعد عني دا فرح نهلة ومش عيزاها تضايق لأي سبب وانا لسه عند قراري...طلقني...
مرتضى:چوليا انتي لازم تسمعي
چوليا:هسمعك بس بشرط هسالك سؤالين تجاوب بصراحه
مرتضى:اسألي
چوليا:الخيانه او انك تعمل علاقه مع اي واحده او الست تعمل علاقه مع اي واحد حرام ولا حلال وبنفس المرتبه ولا لا
مرتضى بتلقائيه:حرام طبعآ ومفيش فرق
چوليا:طب انا خنتك وبطلب منك تسامحني
مرتضى بصلها وفهم قصدها
چوليا:ها لو انا خنتك ومش اول مره هتسامحني
مرتضى فضل ساكت باصصلها
چوليا:ها مش عايز تجاوب مش عايز.....وانا مش عايزة اسمعك
سابته ومشيت بألم في قلبها صعب تسامحه صعب بس ف نفس الوقت مش عارفه تبعد عنه
الفرح انتهى ونهلة اتنفست براحه وكلهم بيتكلموا ووصلوا قدام العماره
سفيان:مش هوصيك يا عمر عليها
نهلة بصت على صدرسفيان بصدمه شايفه ضوء احمر وراحت زأته والرصاصه اصابت العربيه والحراس جريو بأتجاه الشخص دا حاله صدمه سيطرت على الكل
نهلة مسكته:انت كويس فيك حاجه
سفيان بصلها وهز راسه بإيجاب واياد بتلقائيه لفه بيتفحصه وسفيان ابتسم:اكيد مش هبقى متصاب ومش هاخد بالي اهدى
اياد انتبه لنفسه:على فكرآ انا بس عايز اطمنها
سفيان:يلاا على شقتكم بقاا
نهلة ارسلان هتعترض بس سفيان مدهاش فرصه وبص لعمر:لو مش هتاخدها دلوقتي هاخدها انا وامشي وربنا
عمر سحبها:بس كله الا دا تعالي
طلعوا وسفيان بص لصهيب:مش عايز الحراسه تتحرك من هنا فاهم زودو الحراسه من كل الأتجاهات مش عايز مخلوق يدخل انت عارف كويس السكان اكتر من كدا لا
صهيب هز راسه بإيجاب:متخافش احنا فعلآ مأمنين الدنيا
سفيان:يا خوفي
مرتضى:اهدى انت عارف صهيب هيقعد بنفسه
سفيان:لا بيته قريب روح بات مع مراتك ملوش لازمه تفضل قاعد هنا يلا
صهيب:شويه كدا همشي متقلقش يلا روحو انتو بقاا
مرتضى:انا هستأذن انا
سفيان:هتروح معايا مش هتمشي بطل بقاا
مرتضى بص لجوليا:سفيان انا توبت فعلآ بس مش الكل بيسامح وحان الوقت اعمل حاجه صح
مرتضى حكالهم انه السبب وحكالهم اللي حصل وانها لعبه وسفيان شالها عشانه بس هو ميستحقش ومهما سفيان حاول يسكته مفيش خلص وبصلهم وبص لداني بأسف ومشي
داني كان مصدوم:يعني....يعني ايه انت معملتش حاجة......يعني انا انا غلطت ف حقك انا....
سفيان قعد قدامه على الأرض وداني على الكرسي المتحرك:انت لازم تبقى بخير وتقوم بالسلامه
داني الدموع اتجمعت ف عينه:انا اسف.....انا
سفيان مسك ايده وهز راسه بنفي:انسى انت عارف كويس الأسف مش هيغير حاجه لو فعلآ عايز ترضيني ترجع تقف وتمشي وترجع لجنونك (كمل بضحك)بس مش بالظبط
داني حضنه جامد تحت
ادهم بص لأياد اللي واقف بهدوأ
اياد بصله وسكت
ادهم قرب من سفيان بعد مبعد عن داني وباس ايده بأسف:احنا اسفين احنا غلطان...وحكمنا ومحكمناش عقلنا....احنا اسفين.....اسفين...
سفيان حط ايده على كتف ادهم وابتسم:انتو عندكو ثقه فيا بس صعب انكم تحسو فجأه اني مستحقهاش
اسماء اترمت ف حضنه وچوليا شارده بتفكر ف مرتضى صعب تسامحه صعب بس وحشها وبتتمنى لو تترمي ف حضنه بس لا هو غلط والغلطه دي صعب تغفر فيها
سفيان بص لأياد
اياد:انا هسبقكو للقصر...