وفي ظل تلك المحاولات لتذكر من قائل تلك العبارات الأليمة التي لمست قلبها من الداخل.. يأخذها نوم عميق..
سليم:تعالي يا سمر
سمر:أجي فين
سليم :جه الوقت اللي هتعرفي فيه كل حاجة ونهاية كل اللي أنتي فيه.. جه الوقت اللي أقولك خلاص تقدري تيجي معايا وعشان تكوني عارفة أنا ضحكت عليكي يوم ماقولتلك أن انا روحت مكان أحسن من الدنيا
سمر:يعني أيه..
سليم:يعني أنا مدخلتش الجنة لأن أنا معملتش أي حاجة ولو صغيرة تدخلني الجنة.. أنا عشت الدنيا كما يجب وخدت حقي وزيادة في كل حاجة..
سمر :طب تقدر تقولي انا ايه اللي خلاني أنسى كل حاجة؟
سليم :أنا وانتي عملنا حادثة بالعربية بس مش حادثة قضاء وقدر.. دي كانت مدبرة وأنا اللي دبرتها عشان أنتقم منك
سمر:تنتقم مني؟
سليم :أيوة انتقم منك وأخلص الناس منك..
سمر:ليه هو انا عملت ايه؟
سليم :قولي معملتيش أيه.. إنتي دمرتيلي حياتي.. بعد ما خطبتك وكنت بحبك وكل حياتي كنت واهبها لأجلك أنتي وبس.. في الاخر عرفت انك كنتي متجوزة ومخلفة وعشان معرفش خدتي ابنك و وديتي لدار الايتام.. كسرتيني و قلبي مات بعدها مبقتش شايف حبي ليكي.. كل حبي اتحول لكره.. عاوز انتقم منك بأي طريقة..
سمر:أبني ودار ايتام..... تقصد فادي
سليم :ايوة فادي..
سمر:طب وفين أبوه..؟
سليم:ابوه انتي قتلتيه لما قالك انه هيفضحك وهيقولي على كل حاجة وانتي كملتي حياتك معايا خداع وانا ضيعت عمري في وهم
سمر:....
سليم:سكتي ليه مستغربة انك قتلتي؟!.. لا ما هي مكانتش اول مرة.. انتي قاتلة كتير في المستشفى بتاعتك وسرقتي اعضائهم وبعتيها
سمر:......
سليم :حلو السكوت ده.. بيبقا سيد المواقف اللي زي دي.. عارف صدمتك.. المهم بقا انا اتفقت مع محمد ابن عمك اللي انتي كنت قاتلة اخته اللي برضو بنت عمك عشان تسرقي اعضائها.. ف أنا وهو اتفقنا اننا هنشيل الفرامل من العربية وانا هركب معاكي وهنط قبل ما العربية تبدأ تسرع وتموتي لوحدك .. بس القدر خلاني انا اللي اموت وانتي اللي تعيشي زي الميتة.. حاجة كده اصعب من الموت
سمر:لا... ماهو انا اللي كان قصدي انك تموت..
سليم :تقصدي ايه..
سمر :قبلها انت كنت عندنا.. وكنت طالب مني شاى.. انا كنت جايبة نوع سم بديه للمرضى عندي عشان يموتوا واسرق اعضائهم ف لما نزلنا وركبنا العربية وبدأت العربية تسرع انت كنت خلاص مت
سليم:"ينظر إليها بكل دهشة "
سمر:وعشان تكمل اندهاش انا عرفت من محمد ابن عمي انك بتخطط معاه لقتلي.. حبيت انتقم منك وكنت حاسة انك خلاص عرفت كل حاجة عني.. خوفت تقول لحد.. مخوفتش على زعلك ولا حاجة
سليم:......
سمر:وعلى فكرة انا فاكرة كل حاجة.. بس مثلت طول الوقت اني ناسية وان دماغي فاضية واني بحاول افتكر اي حاجة.. عشان كنت عارفة انك حواليا وعارفة انك سامعني.. خوفت تكمل اذية لما تعرف ان انا لسة بعقلي ولسة فاكرة كل حاجة
سليم :يعني انتي فاكرة كل حاجة
سمر:ايوة فاكرة..
سليم :طب انتي ليه عملتي كل ده.. ليه قتلتي كل الناس دي.. ليه اتجوزتي وخلفتي واحنا مخطوبين
سمر:معنديش اجابات.. انا لما كنت بعمل كده وبقتل الناس كنت ببقا بتقطع من جوايا.. بس كنت متهددة من ناس تجار اعضاء اني لو معملتش كده وساعدتهم هيخلوني مكان الناس دي .. خوفت من الموت.. خوفت..
سليم:خوفتي من الموت ومخوفتيش من ربنا
سمر :بلاش الكلام ده يجيي منك انت.. انت واحد مقضي معظم عمرك في كباريهات.. شرب خمرة وغيره كتير.. ف بلاش انت تتكلم عن الخوف من ربنا
سليم:عندك حق.. وأديني اهو كل يوم بشوف عقابه
.. عقاب صعب اوي
سمر :زي زيك..
سليم :كنتي دايما بتسأليني امتى هتيجي عندي
سمر:اه
سليم :وكان كل مرة ربنا بيبعتلك فرصة تانية وترجعي للحياة تاني وتصحي من النوم وحتى متفكريش ترضي ربنا بعد كل الرسايل اللي كانت بتجيلك.. محاولتيش تقربي من ربنا او حتى تعملي حاجة تشفعلك
سمر:.... هرجع وهعمل كل اللي يرضيه وهتوب وهروح احج... هغسل ذنوبي
سليم:كل دي حاجات حلوة.. بس ميعادك جه يا سمر
سمر: لا لا انت بتهزر.. سيبني ارجع
سليم :اول مرة تقولي سيبني ارجع.. كنتي دايما تقوليلي خدني معاك
سمر:مش عاوزة اروح دلوقتي
سليم :دي اعمار وبتخلص.. واحنا مستغلناش عمرنا .. ياريت كان ينفع نرجع ونعبد ربنا ونعمل كل اللي يرضيه.. بس النهاية مبتسناش حد
سمر :....
سليم :تعالي يا سمر....
***************************
" ويمر العمر ونظن ان الدنيا باقية.. ولكن الدنيا فانية .. نظن اننا نستطيع اعادتها مرة اخرى لإصلاح ما أفسدناه.. لكن الموت لا ينتظرنا.. افعل كل الذي يرضي الله.. ولا تضيع عمرك في إنتظار أحدهم فالإنتظار يقتل.. "
"تمت"
