احببتك انت فخذلتني (مكتملة)

بارت ١٨

شلون راح اتصل عليهم

مااعرف ولارقم واحد منهم

اتصلت ع سمر وجاي اسولف وحجينا ع فيرنا بصدفه سولفتلهة اريد اوصللهة خبر
كالت......

وين بيتهم انطيني عنوانهم واروح عليهم اني احجي وياهة.
همام.... والله تسوين فضل ادزلج العنوان بعد شوية وروحيلهة وخبريهة بكولشي حته ميبقون ميعرفون شي لازم يعرفون شنو ديصير

سمر.... ماشي هاهية باجر اروح الهم ويصير خير

همام.... اسف حبيبتي مااجيتج بس دشوفين الظروف.

سمر..... اني اصلا مااريد اجي هسة اجي ويه فيرنا وسلمان حته كول احنه سوة نفرح.

همام.... ان شاء الله

ورة شويه دزيت عنوان بيت فيرنا الهة وكالت الصبح اروح

فيرنا..... قل الخطار هليومين لان الكل اجه وابوية راد يروح للمحل بس مقبلت يطلع كلتله رتاح اليوم باجر روح

وكعدت انظف ورة شوية واندك الباب

بابا اطلع للباب يندك؟

اي بنتي هسة..

رجع ابوية.... فيرنا بنية بلباب تريدج بنتي اطلعي شوفيهة

فيرنا.... عليه منو بابا معرفتهة

لاوالله ماعرفهة

يله هسة اشوفهة منو؟

طلعت كتلهة تفضلي؟ منو حضرتج

اني سمر خطيبه همام صديق خطيبج سلمان

فيرنا.... اهلا وسهلا تعالي تفضلي
ادخلي

دخلتهة للبيت وجبتلهة عصير

سمر.... اكيد متعجبة من جيتي هاي

ودكولين وليش جايه عليج مو؟

فيرنا.... ليش اجذب عليج اي والله متعجبه وماعرف شكو وصاير.

سمر.... همام دزني الج...

فيرنا.....لحظة يعني انتي همام يتواصل وياج؟

سمر... اي كل شويه نتراسل ونتصل

فيرنا.... اها لعد ليش سلمان ميتصل بيه؟

سمر..... باعي فيرنا سلمان صار بلشهرين ماكوا ومحد يندلة همام مرجع ياخذني وباقي هناك يدور علي وماكوا لحد هسة

فيرنا.... شنو يعني ماكوا طفل هو وضاع شنو

سمر.... اني ماعرف شي صدكي بس هو جان طالع ومرجع دوروا علي ماكوا وليهسة ماكوا وهمام ميقبل يرجع الة يلكى

فيرنا..... معرفت شسوي بقيت متجمدة بمكاني

سمر.... فيرنا شبيج؟
فيرنا؟
باوعت عليهة بس مجاي اسمعهة شدكول وراهة وكعت