امرأه تواجهه العادات

- ولاده منبوذه -

فجر يوم الثلاثاء || ١٩٨٥/١٠/٩
ام سالم القابله : گولي يالله ام صياح هسه تولدين بأذن الله وتصير سوالف
ام صياح : اخ بويه راح اموت بسرعه يام سالم
ام سالم : فضت انشاءالله ماضل شيء بس گولي يالله
ام صباح :يالله يالله
ام سالم: الحمد الله الجاهل بچي او ماطلع
ام صياح:الحمد الله اجا محمد للدنيا
ام سالم : خيه بنيه هالمره مو ولد
ام صياح :شني شتگولين بت
ام سالم : اي خيه بنيه بس تكبر تصير تخبل
ام صياح: طلعيها من الغرفه ماريدها
ام سالم : عود صدك؟؟تعوذي من الشيطان ...رضعيها
ام صياح: كتلج ماريدها طلعيها
وضلت تصيح بس طلعيها طلعيها
طلعت ام سالم برا الغرفه وهم شايله الطفله وصادف محد موجود غير الخال سِراج لأن چان يدرس طب ببغداد وماچان دائما يجي الا بالمناسبات الخاصه
سِراج :بشري ام سالم شلونها اختي وشلون الطفل ؟
ام سالم : بخير بس ياخويه اختك ما ترضى ترضع البنيه تكول ماارضعها
سِراج :استغفر الله ، ربي لاتگليلي لأن بنيه ما تقبل !؟
ام سالم : اي خويه
سِراج :اختي بعد ركبت رأسا ادري بيها ماتتنازل ام سالم بلا امر عليج خويه بس اروح للمدينه اجيب حليب جاهز واجي ضلي يم الطفله لحد مااجي .

وفي ذلك اليوم ذهب خالي سِراج للمدينه اما بابا وصياح كانا يعملا في الحقل يزرعون ويعملون

سِراج :اعتذر يام سالم تأخرت عليج خويه
ام سالم : لاخويه ماعندي شي والچناين بالبين موجودات يتكلفن بالشغل بس البنيه ماتت من البجي
سِراج :اوكفي خويه هسه اجي .........
هذا جزات تعبج اليوم
ام سالم : لاخويه لاتگول هيج احنا اهل
سِراج :سلمينا عل ابو سالم وعل الولد
ام سالم :انشاءالله
دخل سِراج غرفه اخته
سِراج : الحمدالله عل سلامتج يام صياح
ردت من وره خشمهاا :الله يسلمك
سِراج : گولي يالله وتعالي رضعي بنتج وجبت حليب من المدينه حته لاتكولين انا جاي ارضع جليل ومااكدر ارضعها
ام صياح :هاي البنت مو مسؤليتي انا عندي ثلاث اولاد بس
سِراج :خافي ربج بعدين يجازيج
ام صياح: هل كعد جلال من ورا صوتك العالي وبجي هاي

اخذني خالي الى خارج غرفه امي وقام بارضاعي حليب صناعي لايقرب لحليب امي وكانت هذهِ البدايه فقط ..

ابو صياح :الله يساعدهم
سرِاج :الله يساعدك خويه .. اجتك بت تتربه بعزك
ابو صياح :الحمدالله والشكر ،ام صياح شلونها
سرِاج : زينه ياخويه بس ماترضى ترضع الطفله
ابوصياح:والله ياسرِاج تدري باختك من تركب راسها محد يكدر يثنيها
سرِاج:اي يا خويه تعال اذن باذنها وسميها
ابو صياح :هلمره انتَ ياسرِاج اذن باذنها وكبر وسميها وانا رايح اصلي
سرِاج :يبدو يا اميرتي الصغيره من هسه اهلج مايردوج ، بس اريدج تكبرين وتشوفين هايه العشاير شنو معنى تكوني امرأه

خالو سرِاج كبر باذني وسماني رياح الجنوب وجان سلام يباوع عليه من ورا شباك المطبخ
سرِاج :تعالى بابا سلام تعال
سلام : صار خالو
سرِاج:ياسلام هاي اختك لازم تحبها
سلام:اي خالو بس ليش امي ماقبلت ترضعها وابوي ما رضا يسميها وليش هيج اسمها مادري شلونه
سرِاج : ياخالو امك وابوك ما يردوها لان بنيه وهنا بالعشاير ما يحبون خلفه البنات وابوك جانو يسمونه ابو الولد لان خلفته بس ولد بماان اجت بنيه ماراح يسمونه هيج بعد وامك حسبالها خلفه الولد راح تكبر اسمها وترفعها بين العاشير
سميتها رياح الجنوب لأنها مثل نسمه رياح الجنوب الدافيه بايام البرد تشبهه رياح الجنوب بهدوئها ودفوها يلا خالو خلي نسوي عشا امك خليها مرتاحه اليوم
سلام:خالي انته مدلل امي هواي اوعدك راح احمي اختي بكل قوتي
سِراج :عفيه عليك ابني

خالي صنع العشاء تلك الليله وتناولو الطعام معا ثم نامو وخالي سراج وضع فراشه قربي ونام ليلتها معي وكان يقول لي انكِ فتاه هادئه ولم تبكي كثيراً وفي صباح اليوم التالي :

سِراج :ياهلا بهل الحلوه كاعده؟ضلي عاقله راح اغسل وارجعلج
ام صياح:صباح الخير خويه
سِراج : صباح الخير ام صياح ......لوشايفه رياح الجنوب امس ولا بچت
ام صياح :رياح الجنوب ؟؟ هاي ياهيي نوب؟؟؟ حجت بعصبيه وغطرسه
سِراج :رياح الجنوب بنتج بنتج
ام صياح :هااااا عود هذا هم اسم ؟
سِراج: استغفر الله

ذهبت امي لغرفه الضيوف التي نمت فيها ليله امس

ام صياح: اليوم موتچ عل ايدي لان انتي بنت والبنت عار وتجيب العار ولازم تموت

وضعت امي يديها الكبيرتين على عُنقي لتقوم بخنقي ...

النهايه

——————————
هاي هلاو هلاو 🌚

عجبتكم البدايه ؟!🌟

اقتراح ؟

انتقاد؟

سرِاج؟

رياح الجنوب؟

🌼دمتم في حفظ الله 🌼