♥الكاتب حسين الموسوي ♥
البارت الاول
لا سلطة لنا على قلوبنا... هي تنبض لمن أرادت
ومتى أرادت... وكيف ما أرادت... بعضهم ينبض القلب له .... وبعضهم ينبض القلب به، وبعضهم هم نبض القلوب ♥🌿🍃
وأنا قصة حبي تختلف عن الكل واني اول ماعرفت الحب .. عرفته طفله احتاجت حنان وام وامان اب اي حبيبت من طفولة .. وحتى المراهقة حالي حال اي بنت تحلم بفارس احلامها وهو راكب حصانه وياخذها بعيد .. جنت اتخيله هو هذا الفارس الي يترك الدنيا ويحاربه الخاطري ... كبرت وبقى حبه يكبر ماصغر لحظه .. بس الي ماحسبته هذا الحب يتحول مرض وهوس يخليني اقبل انكسر وتوجع انطعن وتحمل ولافكرت يم بنفسي كان كل همي بالدنيا رضاته ولافكرت يوم بنفسي بكد تفكيري بي .. وماخذت من حبه غير الوجع والالم ..
عشكت شيخ .. قاسي وبارد وكل همه بالدنيا يكسر الي يحبه .. ساعه احبه واتمنى يكون الي وساعه اكرهه وابعد عنه قصتنه غير كل الناس ..
اني شهاب عمري 31 سنه من العمارة عسكري بالجيش برتبة ملازم اول عايش بين ولايتي وبين دوامي وبين بغداد هجي حياتي .. من اول ماولدت واني ابن المضيف وابن شيوخ .. معروف عنه من زمن جدي مارد احد لو دك بابنا وناس كله تتعنه النا من كل مكان .. لو حجيت عن حياتي اول ابدي من بدايه حياتنا بالشيخه
احنه اب عن جد شيوخ من اول مااجينه وصرنه جان جدس معروف بطيبه واخلاقه صح شيخ لكن انسان حقاني وماياكل احد جان من الناس المعروف والله مغنيها بموال وحلال خير من الله .. فالي يكدر عليه يساعد بي
بوقته الي مثله ومثل صيته جان متزوج اكثر من واحده بس جدي جان يحب حبوبتي ام ابوي ويعشقها ماتزوج عليها لحد مامات بش ماقصر خلف هواي ابوي اول واحد .. وبعدها عندي 3 عمات ونوب عمي سالم وبعد هم اجني عمتي فاطمة واخر شي عمي حاتم هو اقرب واحد لابوي واصغر واحد بااخوانه وجان رابس ويانه من الصغر لحد ماتزوج وسافر .. الباقين كله تزوجت وبنفس الديره
بصف الناس حتى نسوان ابوي جانن من ولد عمه وعماته .. بس امي جانت غريب عنهم
ابوي يختلف عن جدي .. جان تفكيره غير جدي زوجه وهو صغير .. بس خلفته جانت كله جاب بتلاث سنين 3 بنات و قرر يتزوج من جديد وثانيه الله مارزقه منها اطفال وكته بطل وهس بندم وعقاب من ربه .. بس من شاف امي بغداد جانت من اهالي الكاظمية راح يشوف واحد من اقربه هناك شافها وعشكها وعشكته من اول لحضه .. وتزوجها بعد عناد وتعب و رفض من عمامها حتى ماتاخذ والدي
وجابتله اول طفب كان اخوي علي وبعدها هم الله رزقه بولد واجه مهند وبعده هم اجه زيدون وبعدها اجتي اختي فاتن فرحوا بيها اول بنيه واخر ولد اني
