أولاد عمران

جزء ١

الفصل الاول

رحم الله قلباً كان لي احب شئ ورحم الله روحاً كانت لي كل شئ 🙏🙏🙏

لينك صفحة الواباتد اتمنى تتابعوها

https://my.w.tt/bbwQI2KNB1

البدايه

بعد موت والدتى عشت مع خالتى كنت وقت الاجازة بقضيها مع بابا واخويا كانت أيام حلوه واتمنيت كتير أعيش معاهم لكن كان رد بابا عليار دايما ،،،،
أخلص دراستى وهروح أستقر معاهم واخيرا جيه اليوم ده كنت سعيده جدا صحيت وجهزت شنطة هدومى ونزلت علشان اودع خالتى وامشى مع السواق كانت قاعده فى الجنينة وزعلانه لانى هسيبها قربت منها وقعدت معاها ......
سوزان بحزن : برضه مصممه على قرارك .....
سميه : أنا هكلمك دايما وهشوفك باستمرار صدقينى مقدرش استغنى عنك إنتى اللى ليا بعد ماما ........
سوزان : و ايهم قرارك أيه فى طلبه منك ........
سميه : انتى عارفه رأيى بس محتاجه ابعد علشان افكر بهدوء ومن غير ضغط عاوزه أعوض الفتره اللى عشتها بعيد عن بابا و يونس محتاجه اعرف يعنى أيه عيله ،، خالتى انتى فضلك عليا كبير أوى من غيرك مش عارفه كنت هكمل حياتى ازاى بس كمان هما لهم حق عليا والطبيعى انه يكلم بابا وهو يقرر ........
سوزان بحذر : طيب لو والدك رفض ......
سميه بتفكير : ماعتقدش يا خالتى بابا بيحب ايهم بس محتاجه اقضى معاهم شوية وقت عاوزه اعيش جو العيله ......
سوزان : ماشى حبيبتى بس اتمنى متنسيش خالتك لما تروحى هناك ......
سميه : مستحيل هكلمك كل يوم وهنشوف بعض باستمرار .......
بعد فتره سميه مشيت وراحت وهى بتفكر فى حياتها الجديده ،، وصلت وكانت الداده فى استقبالها وفرحت بها جدا وسألت على يونس و والدها وقبل مترد عليها خرج والدها من مكتبه وراحت له بسرعه وفرحت انه منتظرها .......
سميه بحب وهى تقبل والدها : بابا أن تخيلت إنك هتكون فى الشركه .......
ناصر وهو يضمها : من أمتى كنت بروح الشركه وانتى جايه هنا ،، بعدين أنا هسلمها للشباب بقى وارتاح شويه ......
سميه بقلق : بابا أرجوك طمنى عليك الفتره اللى فاتت حسيت انك مخبى عنى حاجه مهمه فى أيه .......
ناصر : متقلقيش تعب عادى متكبريش الحكايه زى اخوكى اطلعى ارتاحى ونتكلم لما يونس يرجع .......
فى الشركه عند يونس كان فى اجتماع مع مندوب شركه اجنبيه بيمضوا عقد مشروع بناء مدينة على البحر ولاحظ أن ايهم مش مركز معاهم وابتسم لانه عارف انه بيحب سميه بعد انتهاء الاجتماع قعدوا فى مكتب يونس ........
ايهم : أنا هكلم ابوك النهارده وهنتجوز خلال أسبوع .......
ضحك يونس بقوه ليغضب ايهم اكثر ليقذفه بقلم أمامه على المكتب .......
ايهم : بتضحك تمام طلبك انت كمان مرفوض مقدما .......
ولاحظ عدم انتباه يونس له لينادى عليه بصوت مرتفع لينتبه له ......
ايهم : بتفكر فى أيه وليه التوتر المفروض هى اللى تتوتر مش انت .......
يونس : لانها هترفض ......
ايهم : ترفض ليه يعنى ،، انت عارف حاجه ومخبيها صح ........
يونس بكدب : لا مفيش أنا همشى نتقابل بالليل فى النادى .......
ايهم : لا انا جاى لك البيت وتقنع ابوك معايا .......
خرج يونس وايهم بيفكر فى اخته وكلام ايهم له ،، وايه السبب اللى يمنعها من الموافقه على الجواز من يونس بعد وقت رجع البيت وكانت فى انتظاره والدته ....
ايهم : مساء الخير يا ماما زعلانه ليه وفين يارا لسه مرجعتش ......
سوزان : أختك متغيره من فتره فى الاول قولت ضغط شغل لكن لأ حتى بعدت عن سميه اللى كانوا طول الوقت مع بعض لكن الفتره الاخيرة اتأكدت ولما اتكلمت معاها عن يونس حسيتها بتهرب أنا خايفه عليها من تهورها ........
ايهم : اهدى وهتكلم معاها لما ترجع المهم عاوز نروح النهارده علشان اخلص موضوعى أنا وسميه .......
سوزان بابتسامه : يا ابنى اهدى شويه بعدين ناصر هيرفض حقه يعيش يومين مع بنته انت عارف انه موافق بس عاوز يقضى وقت معاها متنساش إنها تقريبا عاشت بعيد عنه ........
ايهم : يعنى كلكم اتفقتوا عليا تمام هستنى شهر بس وبعدين مش هأجل اتفقنا .......
سوزان : هههههه اقنع عمك بس ووقتها مفيش اى مشكله .......
ايهم : هقنعه بكره تشوفوا هطلع أوضتى شويه ولما يارا ترجع هكلمها ........
سوزان : طيب اتغدى معايا ولا خلاص سميه مشيت بقى .......
قعدوا اتغدوا سوا وبعدها طلع أوضته واتذكر سميه و كلامهم سوا وابتسامتها اللى بتجننه ،،،،،
فى الشركه عند يارا خلصت تصاميم مطلوبه منها وخرجت وملاحظتش أن فيه حد مراقبها من بعيد وقفت وكأنها مستنيه حد وفعلا بعد فتره وقفت عربيه وابتسمت وهتركب فجأة شخص منعها وقفت مصدومه وخايفه ........
يارا : يونس لو سمحت ابعد وسيبنى امشى أرجوك .......
يونس : مين الاخ مش هتعرفينى عليه .......
يارا بغضب : ابعد عنى انت عاوز ايه هاه ليه متوقعين اننا نتجوز ولا علشان ايهم هيتجوز أختك أنا هتجوزك طلبك مرفوض متتعبش نفسك معايا ........
رفضها له صدمه لكن واجبه انه يحميها علشان صاحبه أخدها وركبوا عربيته وهى غضبانه وتصرخ عليه بعد فتره وصلها البيت وسط صراخها اتفاجئت سوزان من وجودهم سوا وقبل متتكلم نزل ايهم وهيرفع أيده يضربها يونس منعه وسط تعجب الكل من موقفه .......
يارا : إنتم عاوزين أيه مش هتجوز يونس لو أخر شخص فى العالم ،، حتى لو مش هتجوز نهائى انتم مش هتجبرونى .....
وفى لحظه سوزان ضربتها والكل وقف محدش نطق ولا اتكلم ،، يونس قرر ينسحب من معاهم ومشى طلع على النيل وقعد وقت طويل فاق على رنين تيلفونه ورد ورجع البيت بسرعه لأن كانت سميه بتبكى ........
عند ايهم طلع موبايله وفتح الصور وبغضب : هو ده اللى غيرك ووصلك انك تتحدى الكل علشانه هاه انطقى ......
سوزان اخدت الموبايل وقعدت على الكرسى ولاول مره تبكى بسبب صدمتها فى بنتها .......
يارا بدموع : أنا بحب شادى وقال انه هيطلب يقابلك علشان يطلب يتجوزنى ........
ايهم بغضب : هستناه بكره دى اخر فرصه له بعد كده متلوميش غير نفسك ........
راحت أوضتها بتبكى وحاولت تكلم شادى لكن رفض يرد عليها وتجاهل مكالمتها وقفل موبايله قعدت تعيط على السرير واتذكرت أول مقابله لهم /
كانت يومها فى النادى منتظره صاحبتها لكن إتأخرت عليها وقررت تمشى وخرجت بعربيتها وفجأة خبطت فى عربية شادى ونزلت تعتذر له ومن وقتها بدأت العلاقه بينهم وبدأوا يتقابلوا مع بعض حبته واتعلقت به جدا .........
تحت عند سوزان و ايهم قعد جنب والدته اللى مصدومه فى بنتها وحاول يهديها .........
ايهم : اهدى يا ماما أوعدك الموضوع هيخلص من غير قلق ......
سوزان بحزن : و يونس هتعمل معاه ايه أختك ضيعته منها بايدها قولى هتواجهه ازاى وازاى هتتعامل معاه هتخسر صاحبك بسبب أختك فهمنى ........
ايهم بتفكير : مش هخسر صاحبى يا أمى بنتك هى اللى خسرته وهتندم بكره تدفع تمن كلامها ........
يارا قعدت فى اوضه علشان متتواجهش معاهم خاصة بعد رفض شادى الرد على اتصالتها فى الاخر ارسلت له رساله أن اخوها منتظره بكره وضرورى يحضر لو بيحبها زى ما قال لها .........
عند سميه دخلت بسرعه أوضة ناصر وهى بتضحك .......
سميه : أنا أسفه بس ارجوك بلاش تقول ل يونس على مكانى ......
وراحت فى الدولاب وقفلت على نفسها فى الوقت ده وصل يونس ودخل عند والده واكتشف انها لعبه من سميه وقف يدور بعينه عليها وابوهم واقف بيضحك .......
يونس : هى فين يا بابا .......
ناصر : هى مين بتدور على مين ......
يونس : مش هتفضلى مختفيه اكيد هتظهرى بقى تضحكى عليا اخرجى لو مش خايفه .......
خرجت من الدولاب بطريقه تضحك رفعت أيدها على رأسها ومشيت بالراحه ووقفت ورا والدها .......
سميه : إنت إتأخرت ده اتفاقك معايا انك هتيجى بدرى ونقضى باقى اليوم سوا .......
يونس بحزن : معلش أنا راجع تعبان هرتاح شويه ونتكلم ........
خرج راح أوضته وهما متعجبين من حالته كانت هتروح وراه لكن ابوها منعها وبعد وقت راحت أوضته واتصدمت لما فتحت الباب .........

يتبع
#اولاد_عمران
بقلم آسيا

أيه توقعاتكم وياترى هيحصل ايه مع يارا
و يونس هل ممكن يرتبط ب يارا بعد رفضها الصريح له و هل اللى تم هياثر على علاقة ايهم وسميه
وياترى سميه شافت ايه فى أوضة يونس
منتظره ارائكم ومين الشخصية اللى عجبتكم النهارده !!!!