(موضة الباد جيرل)
موقف رقم ٢
(مواقف من الشارع المصري)
- يااااااه اخيرا ارتبط ببنت حلوه و هصحى علي مورننيج مسدج و انام علي نايت مسدج...... يااااه اخيرا يارب هحب و اتحب...
ترن ترن...... ترن ترن....التلفون بيرن....
بيبص الولد لموبيله و قلبه بيدق بسرعه.....
- الو يا حبي و ياروحي و يا عمري
=روحك!!!! عمرك!!!! اي ياسطا دا
-ياسطا!!!!
= ايوه يسطا اي الكلام الخرع بتاع الناس التوتو دا....
-خرع!!! توتو!!!!
=ايوه..... تصدق انت شكلك جود بوي و مؤدب بقه و هتزهقني...
-لا والله انا باد بوي و اعجبك اوي....
=لما نشوف..... ها يا ابن قلبي شفت الصورة اللي بعتهالك...
-ابن قلبك؟؟؟..... ااااه..... ااااه شفتها..... صحيح يا قلبي هو انتي مشمره البنطلون ليه من تحت كدا.....
=قلبك؟؟؟.... قلبك تاني؟؟؟..... عاتشي.... ما كل البنات كدا..... دي موضه و بعدين انا مش هبقه حلوة غير كدا.....
- اااااه...... طيب هو انتي مش محجبة ليه عمله قصه كبيره اوي كدا.... دا تقريبا نص شعرك برا الطرحه و كمان رقبتك باينه....
=دا اسمه تربون يا جاهل..... اشعرفك انت في الموضه.....
-تربون؟؟؟؟..... اه صح معلش مختش بالي....طيب و البلوزة ليه علي البطن و شفافه اوي.....
=اوف..... انت هتفضل بقه تقولي دا قصير و دا شفاف..... هو انا ضربتك علي ايدك و قولتلك كلمني..... عندك البنات اللي بيعملوا نفسهم محترمين كتير......
-بيعملوا نفسهم محترمين!!!!!!......
=طبعا......علي الاقل انا صريحة و اللي عايز تقبلني زي ما انا هو شايف بيعنه مش مضطره اخبي......
-اااها طبعا امال..... كلام منطقي.....
=انت بتتريق!!!!
-حاشا لله.... هو كلامك في حاجه غلط🙂😒
=طيب يا حب عمري..... تحب نسهر فين النهارده....
-تيت تيت تيت تيت.....
=الو..... الو.....
#عواطف_العطار
*ملحوظة انا مش بصور الشارع المصري بشكل وحش او بستهزء بظاهره بشعة في المجتمع لا انا بس تقريبا بسخر من حال البنات اللي اتغير و الاسوء انها بقت موضه و الكل بيشجعها علي كدا و شطورة حبيبتي انتي باد جيرل... و اغلب البنات نسيت معنى العفه و الحياء و ان جمال البنت في ادبها مش قله ادبها*
*ملحوظه تانيه.... ليكي مطلق الحرية انك تعملي اللي انتي عيزاه... انا مش بحكم عليكي تعملي اي..... بس علي الاقل متطلعيش نفسك صح علي اساس ناس تانيه..... او تقاوحي في الغلط و انتي عارفه انه غلط..... لا انتي غلط خلاص يبقه اسكتي و خليكي في غلطك.... لكن اوعي تجهري بمعصيه بكل بجاحه.... لانك كدا بجد موقفك هيبقه اسوء.... لانك ممكن ترجعي عن غلطك دا بعدين.... بس في واخده تانيه تقتنع بكلامك و تشيلي ذنبها..... احذروا من الفتنه*
