الموقف رقم ١
قصه قصيرة بعنوان (لك تؤبرني هي العيون الحلوين)
(مواقف من الشارع المصري)
احم احم..... احم.....
مجموعه من ٧ بنات خارجين من درس اللغة العربية ماشين فى الشارع في امان الله..... و اذ فجأةً واحد سوري بيغمز لوحدة فيهم.....
(في ظاهره منتشرة دلوقتي انك تلاقي مطعم جديد فتح و مطلع جيرله الكريب و السندوتشات السوري برا المحل... مع ان في مكان جوا و الله🤨😒 لكن ازاي!!!!..... المهم و تلاقي صاحب المحل اختار شاب عسول قمور عامل سبيكي في شعره زي شروخان كدا و حالق دقنه علي الشعره.... و عضلات و سكس باكس تقريبا نفس مبدا السكرتيرة الكيرفي..... هي مقبولة بس عشان كيرفي.... عمتا مش موضوعنا... و تلاقي الشاب العسول دا يا اما سوري..... يا اما مصري مستعبط وحافظ كلمتين من مسلسل تركي و يقف برا المحل.... و هووووب.... يا حركاته.... يا تكاتوا.... هوبا ايوه بقا يلا بقا.....تلاقي امه لا اله الا الله قدام المحل.... مش عشان الاكل..... ابسلوتلي.... عشان القمر اللي واقف....)
-بت يا منى الواد دا غمزلي....
=لا دا غمزلي انا يا ماما.
= *بنت تانية خالص* وربنا ابدا دا غمزلي انا
- طب تعالوا نشتري و نشوف.....
يخشوا السبع بنات المحل و كل واحده بتضحك زي الهطله....
= لو سمحت ممكن المنيووووو *بتهز رموشها*
=لك يؤبرني احلى منيو لاحلى حلويات.....
-اهيهيهي ميرسي....
مني بانتصار - كان بيغمزلي شفتوا
سها بغيظ - وسعي كدا انا هجيب افشخ حاجه في المنيو..... هاتي كريب فاهيتا ام ٤٥ج دي....
امنيه بتحدي - وسعي كدا انا هاخد ٣ سوري لحمه مشكلة ابو ٥٠ج....
منى - انتوا هضيعوا الواد من ايدي..... طب عليا الطلاق لهاخد واحد باستا من ام ١٥٠ج و ٣ فاهيتا من ام ٤٥ج و سوري من ابو ٥٠ج..... انتوا عايز تخطفوا مني يا شوية عرر... دا هيجي يتجوزني....انا بس لو جيت هنا كل يوم و شافني هيجيلي.....
-خدو الاكل من السوري او المصري المستعبط
=لك الف هنا على قلبك يا قمر...
كلهم بيضحكوا بهطل.....
(دفعوا الفلوس و خدوا الاكل و مشيو..... وتقريبا نص الاكل دا ان مكنش كله هيترمي)
بعد ربع ساعة بنات خارجه من درس الجغرافيا....
السوري او المصري المستعبط بيغمزلها....
=يالهوي الحقوني بالمنيو مش قادره اتنفس🐸🐸🐸🐸🐸
#عواطف_العطار
(ملحوظة:المشهد مش واقعي دا من وحي خيالي..... اتصورلي المشهد و انا راجعه من شغلي منهكه و بالصدفه شفت مجل سوري قدامه بنات فجيه في دماغي السناريو دا مش اكتر)
