رحت أركض
انصدمت من ردت فعله
يعني هو ليش يسوي وياي هيج والله ما جاي أفهم شيريد مني ومن أحاجي يصير عصبي ليش يكرهني
لهاي الدرجه
نزلت يم فاطمه وإني كلش ضايجه
هااا غزوله شراد فقار
مكروه حقير والله أكرهه
هوب هوب تره اخوي
واذا اخوج بس يرزل بيه
تستاهلين شسويتي
والله ما مسويه شي بس هوه هوايته الغلط والئهانه
كافي يله اكلج نريد نروح للزيارة ما ترحين ويانه
ولج علوه بس منو يقبل حسن حتى أخاف احاجي
مالاج دخل انه اخلي امي تكله
أي حبابه والله طالعه روحي بس منو ياخذنه
أكون غير فقار
اهوووو بطلت بعد ما اروح
شبيج ولج
والله يطلعهه من خشمي
لا ولج مو كلنه رايحين بنات عمي بسيارتهم واحنه تضيعين يروح يدقق شبيج
هااا اذا هيج لعد اروح بس خلي حسن يقتنع
شبيج تره حسن حباب
عيني بس يمج حباب
يله خلي ننزل جوه يم امي
نزلنه وشفت فقار يشرب جاي
شافني خزرني
كالت فاطمه
يمه خلي ناخذ غزل ويانه للزيارة
أي يمه ليش لا
بس حسن ما يقبل
جان يكول
هوه بكيفة
كتله
لعد بكيفمن غير هوه اخوي
انه احاجي حضري نفسج بإجر نطلع
بس وحسن
كافيي خره وخره كتلج انه احاجي
وشبيك عصبي
خزرني 😞
يله عمه اني رايحه للبيت خطيه امي وحدهه وحته الأم ملابسي
أي يمه روحي
هوب هوب وين موليه
لهلي
اعرف لخراج وترحين وحدج
اكلك انته ليش ما تحترم
إكلي خره وتعاي ورأي خلي اوصلج
ما اروح ويأك
تريدني إكسر رجليهه
اكلك انته شبيك وياي
يمه شبيك خطيه هم اهلهه رأس الشارع
بعد خلي نشد كرون ونطلع النسوان وحدهن
انه كمت ابجي مو على شي
بس ما أتحمل واحد يكلي خطيه كبل ابجي
وانتي الثانيه مسحي دموعج تره ادفنج هنا
إهى إهى
كافي بويه وخلي اوصلج لا تطلعينهه من خشمي
والله انه ما مسويه شي ليش كلكم هيج تعاملوني تذكرو اني انسانه والله تره عندي إحساس ومشاعر
انته بس ترزل وحسن بس يضرب وعلي ملييييت
إكسر أيده ليمدهه عليج والله ادفنه برضه
حاسب نفسك بالبداية وبعدين حاسب الناس
استغفرالله العظيم شلون بالسانج اله اكصه
لبست عباتي وطلعت
يمشي وياي
أي عيني مساعه شكلتي
شكلت
عندج مشاعر وإحساس
أي واكو انسان ما عنده مشاعر وإحساس
أي انتي
ليش
ما اتحسين بينه
منو انتو
اكلج انتي غبية لو تستغبين
ليش تغلط انته ساعه زين وساعه لا عندك انفصام بالشخصية
والله كون مو شارع جا عرفت شصرف وياج
سكتت ما أريد اجادله واترزل
بإجر بالخمسه الصبح كون جاهزه
