مساء الخير شلونكم شخباركم حبايب قلبي ❤عساكم بخير يارب اليوم نزلتلكم قصه حلوة وحقيقه وشويه حزينه اتمنى تنال اعجابكم يارب وقبل ماانبدا لاتنسون التصويت والتعليق احبكم
love you 😍😍
قصه حب حزينه جدا❤
فهد طالب في الصف الثاني متوسط ولد لعاب يحب اللعب وخاصه مع بنت عمه سارة وكانوا ما يحسون بالونسه وسعه الصدر الااذا كانوا مع بعض برغم انهم صغار فانهم مافهموا ايش
قصه هذا الشعور
كان فهد دائما في بيت عمه وكانوا اهله مايزعلون اذا راح لبيت عمه ولايهتمون هو يلعب مع من يعني الدعوه كانت فري جدا وكانت سارة تحب موبس تحبه الا تموت فيه وفهد يبادلها الشعور وكانوا يقولون لبعض هالمشاعر ويسطرونها لبعضهم لكن ببرائه الاطفال ماكانوا يهتمون بهالكلام همهم اللعب والوناسة كانوا دائما يضحكون من بعض اذا تعورت سوسو بكى فهد وضاق صدره واذا تعور فهودي بكت سارة وتقطع قلبها من البكاء عليه
واستمر على هالحال حتى وصلوا سن 18سنه يعني صاروا بصف ثالث ثانوي وهم لحد الان ماينفصلون عن بعضهم لكن طبعا بحكم كبر سنهم ما كانوا دائم مع بعض يعني بين الحزه والحزه يشوف فهد ساره
لكن في هالوقت صاروا كبار وفاهمين حقيقه هالمشاعر اللي بنفسهم لذا كانت سارة تخجل انها تقول لفهد احبك كذا بوجهه كانت تستخدم الرسائل علشان تقول لفهد هالكلام وتعوض هالمشاعر بالهدايا والرسائل الرومانسية جدا اللي منها هالرساله: بسم الله الرحمن الرحيم حبيبي فهد كم حسبت هذه الكلمه في داخلي الى ان جاء هذا الوقت وهذه الاوراق التي استطعت عن طريقها تسطير هذه الكلمه لك يااغلى حبيب في الدنيا محبتك سارة
وكان فهد يرد على رسائلها برشائل احلى منها مالياانه بالحب والرومانسية حتى جاء ذاك اليوم اللي كان فهد في بيت عمه ابو سارة وكان فهد في الصاله الرئيسية للبيت ومثل مالكل عارف دائم الناس بتحط الصور على الجدار وكان فيه صور لساره ومعها قرايبها لما كانوا بأول ثانوي وفيه احد الصور فيها ساره لمياء نوف
لمياء بنت خالت ساره ونوف بنت خالها فهد لما شاف لمياء انبهر بجمالها وتوقفت عنده قدرة التعبير عن هذا الجمال ودخل حب لمياء بقلب فهد وهنا المشكله فهد دارت برأسه الاسئلة ياربي كيف اوصل للمياء واقولها عن الحقيقه مشاعري نحوها؟؟ كيف
اكلمها او اشوفها؟؟
تذكر ان الطريقه الوحيدة هي سارة وش الحل يافهيد؟
قرر يصارح ساره ويقولها عن حبه للمياء ولما جائته الرساله الاولى بكذا كأنه راح يقتل بنت عمه بيده وخاصه ان ساره محبوبته السابقه بعد لمياء
قرر فهد يكتب لها واللي يصير يصير فكتب لها: بسم الله الرحمن الرحيم عزيزتي ساره بعد ماكان يكتب لها حبيبتي ساره كنت لاانوي ان اوصل هذا الكلام لك ولكن لم احب ان اتترك تعيشين نار الحب من طرل واحد ساره لقظ رأيت صورة لمياء في بيتكم وحبيتها من كل قلبي ❤ رغم اني مااعرفها ولاقد شفتها الا بالصور لكن الله اراد كذا حبيت اقولك ياساره عن هالكلام لأني اعرفك ماتخيبين رجاي فيك علشان كذا ياسوسو حابك تقولين للمياء عن كلامي هذا وتبينين لها عن هالحب اللي بقلبي الله يخليك ياساره ماابغاكي تزعلين لكن مابيدي شيء اخوك بعد ان كان يكتب محبك فهد
وصلت هالرساله لساره اللي كانت متشوقه تفتحها وتقرى كلام فهد لها وحبه اللي يخليها ملكه الدنيا لكنها ماكانت تدري ان هالرساله بتقطع قلبها ❤ وتفتت حبها وتكرها في لمياء بنت خالتها
ولما فتحت ساره الرساله قرئتها زعلت وحز في نفسها اللي سواه ولد عمها فهظ فيها لكن من محبتها له حاولت جاهدة مساعدته للوصول للمياء فكلمت لمياء عن فهد ومدحته مدت حتى امتلى راس لمياء عن فهد قالت لها لمياء كليمة وقولي له اني حابة اتعرف عليه اول فوصلت ساره الكلام لفهد وفي قلبها حرقه وقهر عن اللي يسوي فيها فهد ومن زود ثقل دم فهد كان يجلس مع ساره ويقعد في جمال لمياء وسارة المسكينه تغلي من داخلها نار الغيره والحقد لكن المحبه والوفاء لابن عمها اكبر من الغيره وصارت ساره مرسال بين لمياء وفهد لمده سنتين وهم على ذا الحال
وفهد كان ياخذ رأي ساره في كل شيء يكتبه للمياء وهالشيء يزيد القهر والغيره والحقد بقلب ساره الي بدت تجف دموعها من القهر والغيره من كثر ماذرفت الدمع على فهد حبيبها كانت ساره تصلح أخطاء فهد اللي كانت من الممكن انها تنهي حب لمياء وفهد ففي بعض الرسائل جمل يحسبها فهد جمل حب واخلاص لكنها بالنسبه للمياء جمل الخيانه فكانت سارة تنبهه وتراجع رسائله حتى تنقذ هالحب اللي هي الضحيه الوحيده فيه وكانت تسوي هالشيء عن طيبه قلب واخلاص لفهد حبيبها لانها ماتبغي اي شيء يزعجه ففهد يترك الرساله عن ساره يوم او يومين قبل ما يرسلها للمياء وكانت سارة تعدلهم بدمع العين ودم القلب الجريح باكيه وهي تعدلها دامعه العين جريحه القلب دخل سن الزواج للمياء وساره وفهد ابتدئ يفكر يخطب لمياء زوجه له وبالفعل خطبها وملك عليها وكل هذا من فضائل ساره الي طرحت الفكره لخالتها ومدمت فهد عندها حتى وافقو عليه وسمعت في اختيار شبكتهم والسبب طبعا في الاول حبها لفهد
وثانيا ان فهد ماعنده اخوات ويعتبرها اخت له بعد ان كانت حبيبه عمره تزوج فهد لمياء وانجبوا اول طفل لهم وعاشت ساره ترفض الخطاب الواحد تلو الاخر حتى فاتها القطار الزواج وعنست ساره في بيت اهلها وهي باكيه حزينه مكسوره القلب
وبعد 15سنه صار عند لمياء وفهد 4اطفال 2شباب و2بنات وصاب ساره مرض خطيرر تقدر ساره تتعالج منه باذن الله لكن لابد من تحسن حالتها النفسيه طبعا نكران فهد لجمايلها وجحده لها ونسبانها وفي يوم من الايام اشتد المرض وانتشر بشكل مخيف في جسم ساره ونقلتها امها بسرعه للمستشفى التخصيصي بالرياض حاولو الاطباء انهم يلحقوا على سارة لكن المرض قضى عليها والتهم جسدها النحيل وبقيت سارة الورده النتفتحه سابقا مجرد غصن متيبس لااكثر وانتهت احلامها الى سرير ابيض في المستشفى
التخصصي بالرياض وهي تنتظر حبيب القلب فهد يزورها او يسأل على الأقل عنها ومتأكده انه لو سال كان تحسنت حالتها لو قليل لكن فهد نسى ان عنده بنت عم اسمها ساره حتى جاء يومها وفضبها وتوفيت ساره على سرير ابيض برجود اخوانها عندها حيث انهم اكدوا ان اخر كلمه قالتها هي فهد هذه الكلمه اللي ماوفى صاحبها بوفاء
ساره له وماقدر حبها له وتوفيت ساره ووجدوا وصيتها هذا الكلام
بسم الله الرحمن الرحيم
ابن عمي العزيز فهد اعرف انك لن تذرف دمعه واحده برحيلي لكني والله ذرفت الدمع الغزير بحياتك فهد لقد مزقتني يافهد قتلتني يافهد سكنت روحي وقلبي لكنك ماقدرت اللي سويته لك كله فهد انا ماابغى اخرب عليك عيشتك لكن
انتبه لبيتك وانتبه لزوجتك وهذي تحتها خطين يافهد رب ابنائك على التقوى والاصلاح
بأذن الله لانهم ابنائي واعتبرهم ابنائي لانهم ابناء فهد محبتك ٠٠٠سارة
قرأ فهد وصيه ساره وقعد يفكر في كلمتها انتبه لزوجتك يافهد وهذي تحتها خطين؟!
ايش فيها لمياء
اكتشف فهد في الاخير خيانه لمياء له ايام شبابهم وانها كانت تتسلى به وما وافقت عليه الا بعد الحاح ساره وتراغيبها بفهد
فهد طلق لمياء ولكن بعد ايش بعد خساره لمياء وساره كلهم؟
وامضى حياته يدعى لساره ويبكي على قبرها
اتمنى القصه نالت اعجابكم يارب
ولاتنسون التصويت والتعليق احبكم
تحياتي لكم زينب الموسوي
دمتم بحفظ الرحمن الرحيم
💚💚💚💚💚💚💚💚💚💚
❤❤❤❤❤❤❤❤❤❤
