#أخطأ_مراهقه
.
البارت الاول 1.
.
حنين : وحيدة اهلي وعندي 3 اخوان كولهم اكبر مني اني مواليد 98 تركت الدراسة بسبب ظروف حتعرفونها اثناء الاحداث الصارت وياي وضعي النفسي ممستقر لان وحيده واحس محتاجه اهتمام عاطفي اخواني كلمن محتار بروحه محد يفكر بيه ولايسألني ولاابالهم بس بوقت اللبس او المكياج يكمزون يحاسبوني بغير شي مالهم وجود بحياتي لا اهتمام ولا كلمه حلوة ولا نصيحه ماما محتاره ابابا و بيهم وبالشغل . . . . . .
صح ممقصره وياي بس متتقربتلي اصلا . . . .
يعني لو اني اسولفلها لو متسألني شصار مصار وياي وامشي ويا منو واحجي ويا منو محد مهتم . بابا هو ماله علاقه بأحد لا بأخواني ولابيه محتار بالشغل ويواصل بأقاربه وكذا بس مادياً ممقصر ويانا ابن خالتي اسمه رائد مواليد 90 من وعيت للدنيا وكمت افتهم يعني تقريبا عمري 14 اسمع خالاتي وبنات خالاتي يكولن رائد يحب حنين ويريد يتزوجها لحد ما صار عمري 18 هو يحاول يبين حبه ويدزلي هدايا بيد خالتي ومهتم لامري كولش ومن نروحلهم الفرحه مواسعته بس اني مجنت احبه احسه سهل واحسه معنده شخصيه لان كولش يحبني ومهتم بية كل بنيه تتخيل فد مواصفات ابالها تتمناها اني احب الرجال الصعب الكوه اوصله او الرجال العنده كبرياء وميتنازل لهذا محبيت رائد
رائد : ألو حنين مو
حنين : أي حنين منو انت
رائد : اني رائد ابن خالتج
حنين : اهوووو شيريد هذا . . . . . هلو بيك رائد خما اكو شي ؟
رائد : لا بس حبيت اسلم واسمع صوتج
حنين : الله يسلمك ويا ريت متتصل بعد عفيه خاف اخواني ميقبلون ماريد تسببلي مشكله
رائد : اهاا . . . اني كلش اسف ومتنعاد بعد . . . . . باي
حنين : والله يالله . . . الي خلكه حتى جاي يسلم
نور : الو حنين لج اتصل بيج مشغول هاااا هااا مكبله ومتكولين مو
حنين : انجبي خابرني رائد اللزكه
نور : اشمري الي خرب بحضي الله ينطي الجوز للماعنده سنون
حنين : دخذي وخلصيني
رائد : احس ابنت خالتي مراغبتني بس اكول صغيره ولازم اني ابينلها حبي حتى تحبني
اخت رائد ( مها ) : شبيك انت رائد دختولي ام خشم اليابس شعايزك انت الف بنيه تتمناك ع شنو شالع كلبك ومقهور
رائد : لج احبها والله هي حبابه واليعجبني بيها ثكلها ومن هي وصغيره عقلها جبير وبنت خالتي مو غريبه يمكن تدلل لان وحيده
مها : والله بعد براحتك
حنين : بداية الموسم الدراسي للصف السادس علمي كنت بمدرسة نموذجية وبعيده عن بيتنه سوينه خط جديد اروح وارجع بس بيتنه ابعد من باقي البنات وابو الخط ينزلني يم الكراج وأبقه أمشي مسافه طويله الا اوصل لبيتنه
حنين : بابا احجيلي ويا ابو الخط ينزلني يم بيتنه والله شمس وحاره وادكها مشي
ابو حنين : جيبيلي رقمه واني احجي ويا جبت رقمه وحجه ويا بابا وكاله اظيفلك ع الكروه 25 بس تنزلها بالباب ابو الخط اتعذر لبابا وكله عندي خط ثاني لازم الحك عليهم ماكدر حنين قررنه اني وصديقاتي نغير ابو الخطع راس الشهر حتى نلكه واحد يوصلني للبيت هبه ويانا بالخط كالت اخويا يكيف اذا اكوله
امير : اجتي اختي كالت اكو خط بنات ثانوية ال . . . النموذجية تاخذنه كيفت حتى ارضي ابويا اني طايش كلش وضارب الدنيا بعرض الحايط عايش مونس روحي ممفكر بأحد وميبقه فلس بجيبي لان مخلصهن ع الملاهي والشرب (وبنات الليل )
