#حب_جنسي (over18)
.
البارت السابع 7
.
.
محضرين صينية الحنه والكيكه والعصير بس قطرة فرح مابكلبي كعدت ع الكرسي وصاحو رائد
رائد : سويت بعنادهن لأن سمعت بنات خالاتي وبنات عماتي يحجن عليها اول مطبيت صحت اللهم صلى ع محمد وال محمد ولكم شوفو مرتي شكد حلوة شوفو الجمال ( بس اني صدك اتعجبت بيها وبجمالها بس كلبي مجوي منها ) كعدت بصفها واخذنا صور ولبستها الذهب والحلقه طلعت جبيره حرامات ههههه
حنين : اكلك شوكت جبتو الذهب والله انصدمت بي
رائد : ماعرف غير امي جابته ويا الجهاز
حنين : كلش فرحت بيكم
تبارك ( بنت عمه لرائد ) : اشو هنا طالعه احلى من الصورة الانتشرت هههه
رائد : استفزتني حيييل اني صح مشيت عليها بس ممقتنع بيها وادري بسوالفها وهي رادت تنتقم فردت افشلها واخذ بحيف مرتي .
رائد : قصدج من انتي بكتي الرام ونشرتهن مولج زباله اني اعلمج عليها
حنين : كمت صعدت فوك وبجيت وكسرت المكياجات الجابتهم خالتي
رائد : طردت بنات عمي من الحنه وصعدت ع حنين لكيتها منهاره ومكسره مكياجها
حنونتي كافي عاد مو شفتي شلون رديتهم
حنين : انت شكو تتزوجني اني وحده عار حيبقون يعيرون بيك
رائد : طبهم مرض . . . . تعالي ابجي بحضني وانتي ترتاحين
حننين : بحياتي محد حاضني لا امي ولاغيرها ومتتعوده احد يحتويني هيج وبحب وبلا مقابل حضنته وبجيت صدك ارتاحيت راحه نفسيه مو طبيعيه
رائد : ردت اضحكها . . . . . لج بس لا امي مجايبتلج ملابس ليل .
حنين : ههههه شنو ملابس ليل عود تستحي تكول ملابس نوم .
رائد : ضربتها ع حلكها ما استحي اريد اشوفج مستعده لباجر لو عوبه وفاهيه ومدبرينها
حنين : ههه خجلت ودنكت
رائد : عود تخجل ام اللبخ روحي شوفي وجهج جنج سحاره الكحله سالت هذا كحل لو صبغ احذيه
حنين : اسمع رائد ممنوع تعيب هيج وتفشلني ماشي
رائد : اهده عيني ابو الشباب أعصابك
حنين : ههههه عابتلك اي والله صارت تفاصيل عاديه متستوجب الذكر بس البيت كلهم عبالهم صدك تبارك بنت عمه النشرت الصور اليوم العرس وموعد الصالون
رائد : حنانو بسبس حنااان حنين حنونه واهمسلها يم آذانها اريد اكعدها بس تنبل ولاتحس
نعالووووو
حنين : اكو واحد يكعد بنت خالته هيج انت شكد ماعندك ذوق
رائد : انتي بلغه النعل الا تكعدين صارلي ساعه اتغزل نعلتي ام الرومانسيه وشنو بنت خالتك انتي مرتي كبر مستحسفه تكولين رجلي
حنين : هستوني نمت شتريد .
رائد : كومي الساعه ب 6 خلي نتوضه ونصلي
حنين : كول والله بس نصلي حتى اامن واكوم وياك
رائد : اصير رومانسي لايفيد اصير مؤمن لايفيد بابا انتي شيفيد وياج
حنين : هو مكنبص يم راسي و يدردم واني نايمه بالكاع امدده دفعته وكعته وكمت داتوضه واصلي
رائد : توضينه سوه وصلينه سوه وبالسجده الاخيره بجيت من الفرح يعني شكد صبرت وانتظرت ماصارت حنين برمشه عين اجتني ع طبق من فضة صدك اليصبر ينول
حنين : حمدت الله وشكرته رزقني برائد بيني وبين نفسي اكول الله ظلمني وميسمع دعائي و . . . . و . . ، و . . . بس الخير فيما اختاره الله وحشه لله أن يظلم بشر كل الصار حتى اجي بين ايدين رائد . . . . كملت صلاه اباوع ؏ رائد ديبجي . . . . . . انكسر كلبي . . . خليت ايدي ع جتفه . . . . سلم وكمل صلاته وبلا وعي حضني كل قوته مثل الحاضن طفل ويبجي واني ابجي
ابو رائد : احمممممممم احمممممممممم احممم اح اح اني سامع ساعه الكلبي وساعه لربي بس انتو بيت رائد سويتها لكلبي وولربي سوه
حنين : خجلت . . . . وردت اضحك رائد . . . . لا خالو شفت ابنك يبجي وردت اكسب بي اجر
ابو رائد : خالي تره فاهمه الاجر غلط وين اكو اجر بالحضن
رائد : حجي هو كل الاجر بالحضن انت الفاهم غلط ههههههه
صارت ب 8 ووصلت البنات للصالون ومناك لازم اوصل حنين لبيت اهلها ولو بيدي ما اوديها الهم
ابو رائد : الووو . . . خويه ابو حنين نجيبلك البنيه ب 12 والزفه ب 4
ابو حنين : جيب وياكم سيارات هواي اريد العالم والجوارين يعرفون بنتي تزوجت
ابو رائد : اكيد اجيب زفه تليق ابنتي حنين ( متقصد كتله تليق لحنين مو تليق بيكم لان هيج اب زفت مشايف عمي اني مو عندي بنيه وعندي 4 ولد عندي البنيه أعز من الولد )
رائد : يابه ما ائمن ع حنين تروح يم اهلها اخوانها مستهترين خاف يأذونها
ابو رائد : ادز اختك ومرت اخوك وياها
رائد : ياربي بس تممها عليه
حنين : ب 2 ونص الا كملنه ام الصالون ضربتنه بوري طلع عدها هواي زبونات وكل شويه رائد يتصل ع فون مها لان فوني يمه ومقفول .
رائد : لج بابا هي كحله وحمره وين اكو ام صالون هيج تتاخر
حنين : ووووووين لاكيها كحله وحمره حتى بزمن الزفه من جانت ركض هم يخلص احمر واخضر
رائد : خو باللسان محد يلحكج عندج مسابقه بالحجي
حنين : انت تدري ام الصالون حطردني بالشارع من وراك
رائد : حبيبي من ترحين لاهلج صيري سباعيه مينخاف عليج
حنين : تخاف عليه من اهلي ؟ لهدرجه تحبني ؟
رائد : احبج لدرجه اخاف عليج منج مو بس من اهلج
. حنين : الله يديمك الى حبيبي
رائد : كلللللووووووووووووووووشششش كالت حبيبي .
حنين : باااااي بااااي
رائد : بعد روحي الباي اني هم باي رايح اللبس القاط .
حنين : وره مكملنه اجه رائد طلعنه للمصور اخذنه صور وكملنه وصلنه للكراج مال اهلي ومخليه ايدي ع كلبي ابويه الفتح الباب احسه رجال غريب بوجهنه ماباوع . . . اجتي وياي مرت رأفت ( مرت حماي الجبير ) و مها حماتي اول مدخلت السياره للبيت كمت ابجي وكلبي كام يوجعني شكد خنكوني شكد ظلموني رائد لزم ايدي وكالي شوصيتج اني يروح يسيل صبغ الأحذية البعينج يريد يضحكني بعد هستوني نزلت من السياره بابا يكول لرائد يلاااا انت اطلع بسرعه كلش انغثيت هستوني دخلت للاستقبال امي تروح وترجع بالصاله كدامي ومتجي تسلم ولاتباوع عليه ! ! ! صرت هلكدوتني كدام مرت حماي وكدام مها راحن سلمن عليها ورجعن يمي
حمودي : اني فوك اباوع بس منتظر رائد يطلع حتى انزل اربيها انعل ابوها لابو حتى البدله خوش ختلت ختله يمهم عبالها متوكع بيدي بعد
حنين : بعد ساعه ونص الا يجون شيخلصهن وكلبي ممرتاح ابد
مها : اجه حمودي وبيده توثية شكبرها وشكدها حيلي كام يرجف اباوع ل ايه مرت رأفت وجهه اصفر وتباوع بوجهي وحنين رادت تتخبل جمدت وفاتحه عيونها منتظرته يضربها .
حنيين : وكف حمودى اباب الاستقبال جمدت شكدر اسوي يعني
حمودي : هاااا عار ختلتي يمهم وكسرتي وجهي خليتيني استحي اطلع بالمنطقه كمت من أتعارك يعيروني بيج تردين هيج افوتها بجيسج شنو اني كواد لو مكرن
مها : اخذ توثيتك واصعد لاااخابرلك رائد عود انت رجال موووو
حمودي : اسكتي لج ظلن بس الساقطات يهددن بيه واذا حجيتي اطبكج وياها .
حنين : مثل الحيوان الهايج ضربني بالتوثيه ع ايدي بس كالعاده اني لاحول ولاقوه عرووووس وتنضرب وانتو حكمو بأحساسي
مها : خااااله خاااااله لحكيلنه محد . . . . . . محد يكدرله ابو واحد يصيح يكوله عوفها وامه تجي ويدفعها أني ركضت ع طابوكه مسوينها بقماش ودانتيل مخلينها بالباب
.
.
.
.
يتبع...🥀💭. البارت الاخير كلش حلو وشيق. انتضروني باجر انزله لان مشغول كومه
