حچيلي عنك:
كلهن ارد اسمعهن
طابن الحدر الظلوع
لوبعد تشتاڰ واظمدهن
شلونه وكتك هم مثل وكتي طويل
مثل صفناتي الحته وي جرت النفس اشهڰهن
انه وني عليك مثل ام فاڰده
وشعظمها اتصير ونة الوالده
مثل طوفان الدمع لوذبهن
خافيه جروحك بشيلة مستحاي
بس اخبرك دمعي الفاضحهن
لابستني هدومي غفله
مستحه من الناس ماذبتهن
اشتهي الحسره التجيني بتالي ليل
وازحف زحوف الطفل عبالي حيل
مادريت سنيني خلصن كلهن
اشبگ الدمعه بطرف جفني الرچيچ
واحسب ارسومك انه شابگهن
واشتم سوالف ڰبل يلكلها بيك
واحظن اظلوعي اليردن خاليات
الچنت اگلك هد ابد متهدهن
حچيلي عنك:
احسدعيون الدمع عدالزغار
عيوني طول ابعادك النشفهن
وابچي حدما تنڰظي العبره بونين
لان كـل طـور الحـزن لاگ الـهن
واخجل من الصوت بالذكرى يصيح
وين راح الچان بصبيهن ضوه وظي الهن
حچيلي عنك:
شعري فاگد من زمن لمسات الحنان
الچـنت بالغفـله تـجي تلاعـبهن
شفافي الچانت تخلص مشتهاك
يـلچنت صـبح ومــسه تقــبلهن
يـابعـدذني وهــذني وكــلهن
وانه گلي يصيح وينك
زغار الاشواڰ ومو وكتها مو وكت تفطمهن
-بقلمـي ✍
أنت تقرأ
اقـتـبـاسـات ♥،بقـلـمــي
Poesíaهزني الشوگ گوه و اشتهيت انحب ( انه امرتب عشگ و اسهر للمرتب ) سولفلي عشگ حتى استلذ بـ الليل اسولفلك غزل مآ يعتگ و يخرب !♥ (ما احلل اي شخص ياخذ من هنا وميكولي)،🔇
