ကျွန်တော့်စာမျက်နှာမှာအချိုးအကွေ့တစ်ခုကဝင်ရောက်တိုးဝှေ့သည်။ ခေါင်းစဉ်တပ်ပြရရင် သူက ကျွန်တော့်ကို ပြန်နမ်းခဲ့သည်တဲ့။
အဟေးဟေး အဟိုးဟိုး။
မကြာခဏနားထောင်ဖြစ်တဲ့ Anne Marie သီချင်းထဲမှာတော့ ဆယ်တစ်နှစ့်သားအရွယ်ထဲက ပလတ်စတစ်ခွက်လေးတွေကိုင်ကာ နှစ်ကိုယ်တူကြည်ဖြူ လာထားအာဘွားလုပ်နေကြောင်းပါသည်။ ဆိုတော့ကား Merv ကိုနမ်းပြီးတာတော်တော်ကြာတဲ့အထိ ခြေမကိုင်မိလက်မကိုင်မိ ဖြစ်နေတဲ့ ကိုယ့်အဖြစ်ကိုယ်ပြန်တွေးမိတော့ သနားသွားသည်။ အားတော့မငယ်ပါ။ အသက် ၂၀ ရောက်တဲ့အထိ တစ်ခါမှမနမ်းဖူးတဲ့သူတွေရှိဦးမှာပါဆို ပြန်လည်အားမွေးလိုက်သည်။
ကျွန်တော့်ပတ်ဝန်းကျင်ကိုဘာတွေလွှမ်းခြုံထားသလဲ ကောင်းကောင်းမှတ်သားထားလိုက်သည်။ ဝါ၊စိမ်း၊နီ၊ပြာ ဖျော်ရည်စက်ကြီးကအနီးကပ်သက်သေဖြစ်ပြီး အဖြူအမည်းကွက်ကျားခင်းထားတဲ့ ကြမ်းပြင်ကပံ့ပိုးကူညီသူဖြစ်သည်။ တစ်ဖက်တစ်ချက်ဆီမှာရှိတဲ့ ရောင်စုံဂျယ်လီတွေ၊ ရောင်စုံပီကေတွေကတော့ ပရိတ်သတ်တွေပါ။ ဒီအချိုးအကွေ့လေးက ကာလာကိုစုံနေပါရောလား။
Merv နောက်,ဆိုဒါစိမ်းတစ်ခွက်ဖျော်ရည်စက်ထဲက ထပ်ဖြည့်သည်။ ကျွန်တော်လည်းပလတ်စတစ်ခွက်တစ်ခုယူလိုက်ပြီး အနီရောင်ဆိုဒါကိုဖြည့်သည်။ တော်တော်ကြာတဲ့အထိ နှစ်ယောက်လုံး ကြမ်းပြင်မှာဖင်ထိုင်ချ ငြိမ်သက်စွာဆိုဒါကို သောက်နေကြသည်။ ဒီသောက်ပုံသောက်နည်းက ကလေးဘဝကိုပြန်သတိရစေသည်။ လူကြီးတွေနဲ့မုန့်ဆိုင်လာလို့ အအေးဖျော်စက်ထဲကအအေးဖြည့်ပေးပြီးတဲ့အခါ လျှောက်သွားရင်းသောက်ရင် အအေးတွေဖိတ်စင်ကုန်မှာမို့ ငြိမ်ငြိမ်အရင်ထိုင်သောက်ခိုင်းတာမျိုးလေ။
YOU ARE READING
Dear, Relationship
Romance" Relationship " means the way in which two or more people or things are connected, or the state of being connected. then, add " Dear " in front of " Relationship " This is the story want to talk about.