كرووونيك حقيقية*💙💖عشقت استاذي💖💙**

من4⃣الى6⃣

📗 الحلقة 4 📗
الغدوة كان عندنا cours physique دخل البروف و قال قبل ما نبدا الدرس رايح نقول حاجة و لازم كامل تسمعوني و عيط باسمي و قالي اسف على واش قتلك هديك المرة مكانش علابالي مريضة اسمحيلي الطلبة كامل شافو فيا حمرت و هبطت راسي و قتلو معليش ماصرا والو خرجت من cours وانا مشوكية كيفاه عرف بلي مريضة وحايرة كيفاه هداك المغرور طلب مني السماح و مع الوقت بديت نعرف بلي مهوش انسان سيء وبلي هادي ماشي عقليتو و وليت نضل نشوف فيه ونتيه فيه بزاف وتاني تاقلمت مع اللي يقراو معايا و لقيتهم كامل ناس ملاح....وحد اليوم رحت عند الطبيب وكانت البشرى قالي راكي رتحتى 100/100 وعدت لي كانو معايا في le groupe نساكلهم غداء نهار كانو عندنا les td بروف math مجاش تفاهمنا نروحو كنا خارجين مع دخل البروف phy قلنا راح نعوضلكم نطقت وحدة و قاتو منقدروش رانا معروضين على غداء قالها هذا موش عذر قاتلو بصح رفيدة لي راهي عارضتنا كي رتاحت قالنا كي عاد هكذا خلاص منعوضلكمش خرجنا وهو عيطلي رفيدة و انا مانيش معروض حشمت و قتلو لالا معروض قالي روحو بصحتكم و الحمد لله علي سلامتك و تبسملي 🙂🙂🙂 وحدة التبسيمة 😌😌😌 تهبل و اسمي واش جا شباب من عندو.  

📗 الحلقة 5 📗
خرجت و انا نخمم في هدرتو و مين نتفكر ذيك التبسيمة 😌😌 نضحك وليت كل يوم لازم نشوفو صح هو واعر و شخصيتو قوية بصح انا كنت نشوفو فارس احلامي و حبيتو صح وحد النهار قالنا بابا بلي صاحبو هداك لي بدلني رايح يزوج ابنو ولازم نروحو وجدنا روحنا لبست مليح و ستيكيت روحي b1 رحنا وتم لقيت بنت صاحب بابا وسمها اميرة قعدت نحكي معاها ومن بعد قاتلى رفيدة هيا تروحي معايا ليطاج الفوق نهبطو حوايج الحنة رحت معاها و قاتلي بلي خوها العريس مرتو حبها من اللي كانو صغار شوية و نسمع واحد يعيط اميرة وين راكي يا ربي هذا الصوت مهوش غريب عليا..قاتلو وليد راني هنا دخل للشومبرة يا ربي هذا استاذي بصح هذي المرة حاجة اخري كان لابس كلاسيك جا يهبل بصح هو متولهش ليا و قالها هيا لينا الحنة رايحة تبدا وانت مهبطتيش الحوايج قاتلو انت هبط و متخممش و قاتلي رفيدة هيا وهو توله ليا وحار كي لقاني انا بقا غير يشوف فيا و انا حشمت وهبطت راسي و هو الهدرة تلفتلو وكي راح قاتلي اميرة هذا هو خويا البقوص حسيت روحي خرجت هذا هو خوها العريس اللي يحب مرتو و يموت عليها وانا الجايحة لي خليت روحي حبيتو وعينيا غرغرو اميرة تولهت و قاتلي واش بيك قلتلها والو المكياج موالمنيش برك هبطت وانا ،،،،

📗 الحلقة 6 📗
،،،،هبطت وانا مشوكية بدات الحنة تاع الرجال وانا و اميرة بقينا نتفرجو من البالكون و شنهي هذا لعريس تبدل ولا كيفاها قلتلتلها اميرة العريس تبدل قالتلي كيفاه قلتلها ياك لعريس اللي جا توالك قبيل ناضت تضحك و قاتلي خاطي هذام خويا لوخر كي سمعت كلامها الروح رجعتلي و بقيت غير نشوف فيه كيفاهيشطح و كيفاه يضحك كان واحد اوخر خلاص وتاني عرفت اسمو وليد فات العرس و روحت لدرنا ليل كامل و انا نخمم قلت صح مهوش العريس بصح بلاك راهي كاينة وحدة في حياتو و انا راني نحبو حب من طرف واحد كيفاه ندير منيش حابة نتعذب....الغدوة رحت نقرا وصل الكور تاعو مجاش تحيرت عليه من بعد قلت باين تعب من العرس ورحت لهديك الجردة قعدت من بعد جا واحد قالي عرفت بلي تجي هنا علبيها مرحتش للافاك هزيت راسي لقيتو هو فرحت من بعد قالي معليش نقعد قتلو اتفضل قعد قتلو كيفاه عرفت بلي ممالفة نقعد هنا قالي مكيش مالفة تشوفيني هنا بصح انا مالف نشوفك و سمعتك كي شكيتي لصحبتك مني من بعد قالي رفيدة انا طلبت منك السماح و اليوم نزيد نطلبو منك رفيدة اسمحيلي على واش درتلك كامل هبطت راسي و قتلو وليد راك مسامح قالي اول مرة نعرف اسمي مليح بزاف ،،،،يتبع