اسفه ع التاخير 💔
# نصابه ومعاي عصابه
ج الحلقه 7
وبدي الوقت يقوت ووصل اياد لي مناطق الحوايز قربو من مزرعة فؤاد وبوووم توقف بيهم السياره . . .
مآب : شنو ؟
اياد : افف . . . ونزل من السياره
مآب : نزلت معاه . . خيرها السياره
اياد : العجله نطبقت
مآب : اوكي غيرها
اياد : المشكله متع الاحتياط عاطيها لي صاحبي
مآب : شنو يعني 😨شوووف المنطقه يلي واقفين فيها حتا السيارات معاد يفوتو من هنايا اياد : شنو تبيني ندير يعني حسستيني انا يلي طبقتها
مآب : الحق فيا انا يلي ركبت معاك في خرداشه زي هادي
اياد : لا يافالحه الخرداشه هادي اغلى منك غير انتي وجهك زي البومه من يوم شفت وجهك معاد شفت خير
مآب : متقعدش تتفلسف عليا توا شنو بنديرو اياد : بنشدوها ع الرئيسي لين نحصلو سياره مآب : انا بنكلم حد يجي ياخدنا
اياد : اتكا ع السياره وربع ايديه . . . اوكي كلمي هي
مآب : مفيش تغطيه😨
اياد : ع اساس لو فيه يعني كنت رح نستناك لينتجيني بلفكره العبقريه هادي يا دكستر انتي مآب : بااااارد صبرني ياربي . . . وفتحت باب السياره خذت شنطتها
اياد : وين ماشيه
مآب : بنمشي ع الطريق لين نلقه سيارات اياد : تعالي بري من هنايا غلط الطريق يلي ماشيه فيها
مآب : مدخلكش بيا . . .
اياد : راهو في كلاب وهلبا حجات تخوف والطريق هادي اطلعك علي الغابه
مآب : مدخلكش قتلك
اياد : ع راحتك . . . صكر السياره ومشي من جيها تانيه وكانت خطواته بطيئه هلبا لان عارف مآب رح تجيه بعد دقيقه :
مآب : هي انت
اياد : يبتسم ومردش كمل مشي
مآب : مشتله بسرعه . . نكلم فيك
اياد : عندي اسم
مآب : به يا اياد😊
اياد : عيونه
مآب : قداش نقعدو نمشو باش نلقو سيارات اياد : نص ساعه تقريبا
مآب : اففف هلباا😨
اياد : انا ماشي
مآب : ياربي شنو ها الحصله . . قعدت واقفه
اياد : يمشي
مآب : مش ع اساس فؤاد موصيك عليا وامانه عندك انا كيف تمشي وتخليني
اياد : انتي متبيش تجي حره شنو بنجيبك من شعرك
مآب : افف . . استسلمت ومشت مع اياد
✨ روايات بنووتة الشيخ ✨
تعالو نكملكم شنو صار مع ماريا : ۔
ماريا : معليشي بكم هاذا ؟
الشاب : تسعه ونص
ماريا : اووف امس بس بي 6
الشاب : مش عاجبك متشريش
معتصم : وانت خيرك تكشخ بشويه عليك بابا ماريا : 😳
الشاب : اي اي الزبون متعجباش سعر الحاجه يفوتها
معتصم : به مليح استرجل ع يلي زيك مش تكشخ ع بنت وادير في روحك واعر وتوا برا شوف خدمتك خير متاخد بضاعتها بلبلاش وانت مش قادر تتكلم
الشاب : لاكن
موضف تاني : خير يازوء شنو فيه
معتصم : تعالا بالله ضمو الشكلات هادي معش ترخوها ع الناس خير منرخي روحي عليه الموضف : لالا مدور شي يامعتصم نزبطك واخذ الموضف الشاب وتباعدو
معتصم : تلفت لي ماريا
ماريا : شكرا واسفه ع الموقف يلي حطيتك فيه
معتصم : ولا يهمك مصار شي بس كأن نعرفك ماريا : اي خبطتني بسياره مره
معتصم :احلا حادث درته في حياتي 😍
ماريا :😅٠
معتصم : انتي اخت مآب صح
ماريا : اها اي من وين تعرف اسمها
معتصم : انا صاحب اياد هلبا وقالي انه رافعها اليوم المحل موصيه فؤاد ودوشه هلبا
ماريا : اي صح
معتصم : اي يلا نخليك تكملي ع راحتك
ماريا : بارك الله فيك 😊❤
معتصم : ولوو
