نصابه ومعاي عصابه
الحلقه 4
حسناء : هي بسلامه ومتجينيش تو نروح مع سعاد
اياد : به . . . . وجي بيدور يسمع في صوت بنت
مآب : شنو تسحابني انت بعد من عليا
اياد : كان الصوت قوي هلبا والواضح أن بنت وولد يتعاركو درس السياره ونزل ...
ش
حمزه : شنو يعني بتضحكي عليا ونمشيها بي البلاش ياحلواا
اياد : وقف يشوف فيهم
مآب : انت اكتر واحد عارف انا منو وشنو نقدر ندير فيك يمين بالله مزال تفكر تقرب مني ولا نشم ريحتك بس انت عارف شنو ممكن يصيرلك
اياد : فيه شي ؟
مآب : شافاته نصدمت 😨 . . . . لا ياقلبي مفي شي تعالا ايوب وفنصت فيه
اياد : خيرها هاذي
حمزه : دف اياد بي يده . . . هادا يلي شاده ضهرك بيه بو عيون الخضر
اياد : شد يد حمزه ولواها . . . خيره مش عاجبك بو عيون خضر
حمزه : ااااااه
مآب : خلاص ايوب اطلقه ياسر
حمزه : طاح ع الارض بعدها ناض ركب سيارته وطوووول مشي
مآب : حطت يدها ع قلبها ...
اوووه اخيراا
اياد : نقدر نعرف منو ايوب ومنو انتي ومنو اناا
مآب : شافت لي اياد درت هكي باش نتخلص منه وبعدين منو انت كل شويه طالع في خليقتي
اياد : لا والله ... حسستيني ميت عليك وانتي خشمك اكبر من سيمافرو التضامن
مآب : 😡ونبي و قولها لي خشمك اطول من يوم الجمعه
اياد : اي زيدي لعلعي خلي ننفضحو في ها الشارع المغبر ياشينك خطبه غبره ولد خالتي مسكين
مآب : ع شنو تحكي
اياد : سلامتك هي زيدي غادي خليني نمشي مآب : شبحتله وخشت للحوش
اياد : زعما هيا نفسها يلي بيخطبها ولد خالتي ؟😨
ترن ترن ترن
اياد : الووو
معتصم : ها وينك
اياد : قاعد كيف وصلت امي
معتصم : به نجيك ولا تجيني
اياد : نجوهم 😂
معتصم غير جديات ندوي
اياد : عندي موضوع توا خلي ندير دورتي ونكلمك
معتصم : به تمام
✨ روايات بنووتة الشيخ ✨
سعاد : مشاء الله ربي يبارك
وعد : متحشمه 😊
سعادة :الحق انا وليدي نبيه يتزوج اول مايتخرج وهوا توا يدير في المشروع متاعه انيسه : مشاء الله ربي يوفقه
سعاد : وطبعا هادا البكر وبعده ولد وزوز بنات والعريس الغزال فيهم
انيسه : ربي يحفضه
مآب : بصوت واطي ...وبعدين يطلع راسه مربع واحول
ماريا : صكري فمك ياكلبه 😂😂
حسناء : مشاء الله هادم بناتك ؟
انيسه : اي هادي ماريا وبعدين مآب وميسون حسناء : ربي يحفضكم انشاء الله
ماريا : تسلمي 😊
ترن ترن ترن
اياد : ها حبي
حسناء : تحشمت لان صوت التالفون عالي البنات : 😂😂
حسناء : ها يافرخ
اياد : انا برا قاعد تو نروح بيكم معنديش خدمه
حسناء : به انشاء الله
اياد : خيرك تتكلمي بي ادبي😂
حسناء : احمم به بسلامه
اياد : بسليمه سلمينا عليهم ياغزاله
حسناء : صكرت وهيا تضحك ... احم هادا اياد هي شنو تنوضي
سعاد : اي هي وقت
انيسه اخليكم تعشو
سعاد : لا حبيبتي صحيتي انشاء الجايات اكتر وربي يقدم يلي فيه الخير
انيسه : انشاء الله ياربي تشرفونا
مآب : مشت بسرررعه لي روشن المطبخ لانها سمعت صوت إياد لما يكلم في امه وتبي تشوف نفسه او
اياد : واقف علي السياره وفاتح تالفونه
مآب : ياربي شنو ها الحصله طالع في حياتي وين منمشي
اياد : قام راسه وشاف مآب . . . غمزلها 😉مآب : افففف 🤦🏻♀️ انشاء الله غير ميفضحنيش بس الخرا هوا
ماريا : شنو صار معاك مبكري
مآب : تعالي الجاي المرا يلي تتكلم في التالفون مبكري ولدها يبي وعد ؟ |
ماريا : لالا هديه خالت العريس
مآب : يعني العريس بيكون ولد خالته 🤦🏻♀️
ماريا : ليش شنو فيه
مآب : بدت تحكي ....
