عذاب طفله يتيمه💔😥

البارت36💛

هلاووو..
.....ّ.....
ساجد.. دكيت الباب عليها ماكو تخبلت هاي شبيها ليش متفتح دكيت عليها من تلفون مجاوب مدري شسوي نزلت ركض عل اداره مال فندق ..
....
ساجد.. خيي بله زحمه الغرفه رقم** ماعندك مفتاح احتياطي الها
ابو الفندق .. اي طبعا بس شنو سوي بيه
ساجد.. هاي البارحه جينه اني واختي مذكرتنه
ابو الفندق.. هااا اي شبيهه
ساجد.. بس اريد المفتاح مدتفتح الباب ومتجاوب عل فون 
ابو الفندق..تفضل اخوي
ساجد.. اشكرررگ
.....
ساجد.. صعدت ركض عل غرفه ضليت اركض بلممر حته تيهت لمكان وين رجعت عل غرفتها فتحتها واشوف ..

....
ريان..اني بيه حاله من ابجي واتهستر لو يصير عندي خفقان لو اتخربط من رحت لمقبره اهلي دخلني ساجد للغرفه وراها ضليت ابجي لل6الفجر..حسيت بخنكه شوي ردت اكوم اغسل دخت وبعد محسيت بشي ..
.....
ساجد.. شفت ريان مدده بلكع تخبللللت رحتتت عليها ركض ..خليت راسها عل رجلي وادك عل وجهها تهسترت شلتها ونزلت بيها ركض صعدتها بسيارتي وطريق كله اسوق وابوع عليها وصلت للمستشفى تلكوني ممرضين نطيتها الهم واني بس افتر منا ومنا مثل سمجه لمزهوره ..طلع الدكتور كلي هاي هابط ضغطها عادي ومن تفكير هم هيج صار اني ضليت صافن دخلتها رسن نامت شوكت لحكت تبجي ويهبط ضغطها 😂..دخلت عل ريان كاعده
...
ريان.. هلوو اسفه قلقتك اليوم
ساجد.. هههه لا عادي بس خفت عليج
ريان.. لا عادي دائما تصير بيه اكلك طلعني كاافي
ساجد.. يخلص لمغذي واطلعج
ريان.. ساعه بيش
ساجد.. ساعه 9ونص
ريان.. هااا
....
ريان.. اني داحجي ويه ساجد ودك عليه عمي .. صحت عزززااا 😮
ساجد.. شكوو
ريان.. عمي ديدك
ساجد.. جاوبي بشكل طبيعي وكوليله اني هس اطلع من نجف
ريان.. اوك وجريت نفس
....
محمد... الووو هلو ريان
ريان.. هلو عيني شونك
محمد..هلووو الحمدالله ونتي
ريان.. بخير
محمد.. شوكت تطلعين من نجف
ريان.. هسه داتحضر رح اطلع
محمد.. ماشي توصلين بسلامه ودربالج من طريق
ريان.. ماشي تسلم
محمد.. ماشي بيباي
ريان.. بايات حمد💜
....
ريان.. ههههه شكد جذابه اني
ساجد.. ليش هههههه
ريان.. اكله هسه اطلع.. كوم كوم لازم اروح وشلعت المغذي. من ايدي
ساجد.. هاااي شدسوووييين😡
ريان.. خلص دشوفه كوم اريد اروووح
ساجد.. يلا امشي
...
رجعنه للفندق بسياره ساجد.. صعدت ركض لغرفتي حضرت ملابسي وبدلت لبست بنطرون ابيض وبلوز وردي فاتح وحذاء اسود رياضي نزلت اركض اني وجنطتي نطيت الاجره مل غرفه عسريع كبل لينزل ساجد هههه ونتضرته يم سياره تاخر دكيت عليه
...
ريان.. الووو وينك دنزل عاد
ساجد.. وجع اصبري جنت اسبح
ريان.. ماشييي انتضرك بسيارتي
ساجد.. ماشي
...
ضليت كاعده بسيارتي وانتضره يطلع طلع العريس ردت اهلهل
طلعت راسي من جامه كتله يرادلك مزيقه دطلع جلبت
...
ساجد.. وج ادبسز اسكتي اكلج شون حتروحين وحدج
ريان.. عادي يمعود
ساجد.. شوفي حالتج وطريق خطر
ريان.. عادي عاديي
ساجد.. ماكو عادي اوصلج لتكريت اتطمن وارجع لناصريه باجر يلا بدون معارضه
ريان.. لك لاا صدك تحجي
ساجد.. اي قابل اجذب عليج
ريان.. لك لا ميصير
ساجد.. دنجبي ونلصمي صعدي سياره وحطلع كدامج ونتي ورايه
ريان.. وك يله
....
طلع ساجد كدامي واني وراه ههههه والله تعجبت عل هل خلك ضلينه نمشي سوه ومشغله اغاني كلساع وادوس بانزين واطلع كباله وهوه يكوم يكمز لان امشي سريع وبعدين يطلع كبالي وكلساع وماشرلي اوكف ويرزلني هههه كضينه طريق رزايل ورزايل هههههه لمهم وصلنه لسامراء لسد سامراء ساعه بل3العصر عبرنا ةضلينه نمشي سوه واني اسوي عناد بيه اضل اركص واغني وهوه يخزر ويعد ويصف عليه 😂 شكد حلو من يصير عصبي كصته تصعد لفوك ويضل يفرك بوجهه 😂😂😂 طلعت راسي من جامه وطبكت يمه صحت يمه فدووه للعبصي مال انيييي وشخطت سياره ومشيت سريع عبرته كوومه دك عليه خفت اجاوب هههههه دك مره ثانيه جاوبته جان لتلفون مسجل عل بلوتوث وصوت كووولش عالي
.....
ساجد بصياح.. الووووووو ويييننننج 😡
ريان لزمت اذني.. ووجع شبيييك
ساجد بصياااح.. ولجج شبيييج تخبلتيييي اطبكي عل صفحه خل اجي واني اعلمج
ريان.. هاا ولك ماطبك والله اعرفك لمن تتعصب تطبك عندك حار وبارد اخاف تشمرني من رصيف 😆
ساجد بهدوء غاااضب  .. اطبكي داكلج
ريان.. اوك طبكت انتضرك
ساجد . ماشي
....
ضليت انتضره فوك العشر دقايق شفت سيارته اجت كلت اجاك لموت ياتارك صلاه 💔
طبك سياره شفته ركع لباب قوي وسووه الخطوه خطوتين يكمز 😂😆
...
ساجد.. انيييي شكتللللج
ريان.. شبيك بس هدي ولتتنفس سريع
ساجد .. انيييي شكتلللللللج
ريان.. بس اوكف حمبي اخويه لقالي الاحبه
ساجد.. جاوبييينييي اني شكتلج
ريان.. كتلي لتمشين سريع وتركصين
ساجد.. بضببببط وليييش تعانديييين
ريان.. اوك بيباي .. داصعد بسياره جرني من ايدي
ساجد.. ولج شنو هل عناد ولاستهزاااء
ريان.. يول تخوف من تعصب دهديي موووو قصدي داكلك ونزلت دمعتي 😒خانني التعبير
ساجد بصدمه.. لج دتبجين
ريان بخنكه.. لا مدابجي عووفني
ساجد.. لا حياتي خلص اسفف بس نرفزتيني واضوج احد يعاندنتي ويكسر كلمتي
ريان بدمعه.. واني اضوج من لعصبي
ساجد.. خلص اسف يلا مسحي دمعتج وراح اطلع كبالج
ريان.. ماشي
.......
طلع كدامي واني امشي وراه بس مهتميتله ياشرلي يحجي مهتمت ضلليت امشي عل كيفي عل 60وهوه كدامي واني وراه .. دخلنه تكريت وصلني بلفرع لورانه نزل من سياره ديودعني ديصالحني
.......
ساجد.. ريوون ريونتي كلبي
ريان.. ها ساجد.
ساجد.  مو كتلج اسف شبييج لتزعلين يهون عليج 😞
ريان..ماا مزاعلتك
ساجد.. هااا يعني بعد متحجين ويايه
ريان.. لا زاعلتك
ساجد.. ماشي رايح باي (مشه مسافه قليله عني )
ريان بركضه.. لااااا اوووكف وبجت ... كمزت عل ضهره وهوه طويل. طوله 188
ساجد.. هههههههههههه ادري متكدرين تزعلين
ريان.. هففف شسوي كلبي طيب مو بيدي😭
ساجد.. ديلا كلبي دربالج عل نفسج باي
ريان.. اوك وانته هم باييييي 😍
ساجد.. يلا للبيت كدامي رح امشي وراج مشي لان قريب وعود ارجع للسياره
ريان.. خوب اصعد ويايه
ساجد.. لا ميصير عيب انتي بنيه ومعروفه سمعتج هنا ميكولون هاذ منو
ريان.. اووف اوك تعبتك
ساجد.. تعبج راحه يلا صعدي
ريان.. ماشي
... 
مشيت عل كيفي حته ليتعب وصلت للبيت لولحتله بايدي وراح رجع للسياره دخلت للبيت محد اكو صعدت لبيت محمد كبل لكيت محمد كاعد ويه مصطفى
....
محمد ... هلا ريون شونج
ريان.. هلا حبي انته شونك
محمد.. الحمدالله شونها صديقتج 😅
ريان.. زوينه
مصطفى.. شونج ريان
ريان.. هلو عيني تمام ونته
مصطفى.. تمام دومج 🌸
ريان.. شكرا يلا اترخص منكم
ثنينهم.. براحتج
.....
دخلت للغرفه بدلت ورسن نمت كعدت ساعه 9بليل
دكيت عل ساجد مشغول دكيت مره ثانيه جاوبني
......
ريان.. الووو هلووو وين انتته
ساجد.. بلفندق توه كعدت من نوم تعبان
ريان.. اووف تعبتك
ساجد.. امووتج اذا حجيتي هيج بعد اني اخوج وسندج وانتي امانتي
ريان.. دتخجلني بهاذ حجيك
ساجد.. دنجبي وبلا رسميات
ريان.. اوك ههههههه
ساجد.. اكولج امي دتخابر خطيه خل اطمنها
ريان.. ماشي براحتك
ساجد.  ماشي باي 💛
ريان.. بايات 😅
.......
راح ساجد نزلت لكيت الكل متجمع صاحني جدي كلي تعالي بابه جايج خطابه كلت ياستار منو هاذ لجايني
......
محمد بنرفزه.. تعالي ريان كعدي نطينه رئيج
ريان.  بس اوكفو شبييكم مترفزين جدو شبيك
جد.. بابه جايج خطابه وناس خوش ناس
محمد.. بس يابه اني خالها يمي امانه اخويه وهيه لا مصاريفها منكم ولا كاعده يمكم
الجد.  يابه البنيه اولها وتاليها زواج لا دراسه تفيد ولا اي شي
محمد.. لا متزوج ريان وتبقه تكمل دراسه يمي زين لو لا
الجد... خل نشوف رئيها شنو
ريان.. اول شي جدو اني بعدني صغيره عمري 17 وثاني شي اريد اكمل دراستي وثالث شي اني مكاعده عل كلبكم ولا عايشه يمكم ومصروفي مو من احد الحمدالله الورث كله الي وثلث بيوت الي وسياره وتقاعد بابا كله مني ومصروفي مني لا محتاجه احد ولا شي اذااا تريدون اطلع من لبيت ومتشوفون جهرتي بعد
الجد.. بابه شنو هل حجي احنه نريد مصلحتج
ريان.. لامصلحه ولا بطيخ بله منو لجايني
الجد..............
... . 
منوو تتوقعوون ؟؟؟
لتوقعه صح انشر حسابه 😅😑
...... 
1177كلمه
...........

وهاي صوره ساجد😍💜
......
بيباييييي تفاعلوووووو😍💜