عذاب طفله يتيمه💔😥

البارت47

هلو 😜💔
........
19/8/2009
الاربعاء
الساعه 10:00صباحا
.......
سمعت صوت الا رج لبيت رج وجام تكسر كوله وصور كولها وكعت كومت ايه ونزلت اركض ضليت صافنه لبيت كووله تراب دموعي كامت تنزل مثل المي وايه ورايه طاكه بجي صعدت ركض عل غرفه علي عل ساجد ماكو مموجود لا هوه ولا زهرااء😭تخبلت خبال افتريت لبيت كوووله طلعت بشارع جنت لابسه كيمونه سوده وبجامه سبورت بيجي وشعري مفتوح ووجهي دم من لبجي ايه ضلت واكفه بلباب طلعت اركض بشارع اشوف لبيوت كولها مفلش جام مالتها.. وصلت يم لمحل لكيت ساجد بلمحل وواكف مبين قلق ويمه زهراء ميته بجي شافني ضليت متصنمه بمكاني اجاني يمشي سريع شفته مصدكت عبالي مات ياربي .. رحت كمزت عليه تعلكت بيه وتهسترت بلبجي وضليت ابجي واضرب بي .. بس لو باقي بلغرفه مالته .. جان تفلش وجهه بيها صالح لمن طلع لمهم رجعنه للبيت واني مجلبه بقميصه ماهده رجعنه وايه من شافته كمزت عليه وهم ضلت تبجي وهوه يضحك علينه الحقير .. ههههه
.....
ريان ببكاء.. وللكككك ليش تطلع لو صايرلك شي
ساجد.. ولج شبيج يكلبي مصارلي شي هياتني بشحمي وبلحمي
ريان.. ليش هيج المنطقه تفلشت اهءء البيت كوله تفلش تفليش شوف
ساجد.. فدوه بلمال ولا بلعيال الحمدالله عل سلامتكم
ريان.. معرفت شصاير
ساجد.. لا وثاني شي شون هييج طالعه ربع ردن وتركضين
ريان.  مخبله يلا خل اروح عل بيت ام مصطفى خل اشوف شصار
ساجد.. وين موليييه
ريان.. هاذ لبيت شبيك
ساجد.. لتتاخرين
ريان. وك.
....
رحت ركض ولشارع نمله ناس وعالم من الانفجار وطلعو كومه ناس من لبيوت مفشخين هاذ لبكصته وهاذ الي براسه وهاذ الي ببطنه الجام داخلل ويي متت قهرر .. المهم دكيت لباب عليهم طلعلتي ركض ام مصطفى.
....
ام مصطفى.. وج يمه الحمدالله عسلامه
ريان.. الله يسلمج خاله شصار شكو
ام مصطفى.. وج يمه وزاره الخارجيه داخل الها صهريج مفلشها تفلش وناس مطشره بلكع سوده عليه
ريان.. ياااااااا عزززه منو كلج
ام مصطفى.. مصطفى.. هستوني خابره صديقه يكولله الناس كلها بلكع
ريان.. يااا الله يرحمهم خاله اترخص جيت اتطمن عليج
ام مصطفى.. الله وياج يوم .
.....
رجعت للبيت ركض لكيتهم كاعدين بطرمه لان لبيت ميندخل اله من لتراب
كامو تلكوني
.....
ساجد.. ها شصاير اشو لمنطقه متدمره ولعماير كولها الجام مالها واكع شوفي
ريان.. اي ولك هاي الخارجيه داخل الها صهريج يكلك الناس بلكع مثل طيور💔
ساجد.. لا بدينج
ريان.. والله العضيم
ساجد.. خرب غيرتكم اكولج حطلع اتبرع دم اشو شنو جرحى ماكو
ريان.. لا ماكوووو اكعد استر علينا
ساجد.. دنجبي صدك تحجين
ريان.. عليك القران اذا تحبني ابقه
ساجد.. وج ناس دتموت ابقه هنا شنو مخنث
ريان.. لا حشاك والله زلمه وتعادل عشر زلم بس ابقه لوضع متوتر
ساجد.. ماشي هاي بخاطرج
ريان.. فدوه لكلبك☺😻
ساجد..☺😘
......
دخلنه عل بيت صعدت لغرفتي لزمت تلففون محرووك حرررك محمد ومصطفى وميار واخوان ميار تقريبا صايره. 200وشويه اتصالات خابرت عل محمد..
......
محمد.. الوووو ريان ريان شصاير يمج
ريان.  لالا مصار شي الحمدالله بس لبيت شوي تكسر جام
محمد بتنهيده.. اوف لحمدالله وشكر ياربي
ريان.. الحمدالله الحمدالله طمن مصطفى لان حارك تلقون
محمد.. انشالله باي
ريان.  هلو عيني بايات .🌸
.....
رديت خابرت عل ميار تبجي ..
.....
ميار ببكاء.. ريان ريان شونج زينه
ريان.. وج كولشي مابيه مصار شي بس جام تكسر والله
ميار.. اهئئء الحمدالله هسه اجي للبيت
ريان. ماشي. هلا بيج
ميار.. وك باي 😘
ريان.. بايات ..
......
طمنتهم ورحت نضفنه لبيت كوووله خلينا يلمع وجام مكسر رحت عل ابو جام جبنا وجينه سواها ونطينا لفلوس وراح رجع لبيت كما هوه ..
اجتنه ميار جتي حضنتني وتبجي قوووي
......
ريان.. عزه بعينج بعدني ممتتتت
ميار.. ولج والله وكف كلبي لمن كالو بصالحيه 😭💔
ريان.. صلي عل نبي يمعوده
فكيتها عني بلكوه 😂😂
سيف.. وج الحمدالله عسلامه عبالي متتي
ريان.. لا ماموت اضل كاعده عل كلبك ههاي😂
سيف.. يله مادخل
ريان.. تفضل استاذ
......
دخل سيف وريان وكعدنه مثل كل مره نسولف ونضحك سوينه شاميه وكعدنه ناكل ضلينه نسولف ونضحك للعصر وساجد تعود عليهم جان يكلي ليش تشاقين هسه هوه هم ربط فيشه كام يضحك ويشاقه خههه بس لمن اضحك قوي يخزرني 😂🙈
......
سيف.. ليش منطلع ضوجه هنا
رريان.. اي والله ضوجه
ساجد.. وين تطلع عمي هههه
سيف.. دباوع هاي وجه لبومه
ساجد.. لتحجي عليها لك هههههههه يله كومن بدلن
......
كولنه كمزنه ميار ماعدها ملابس طلعه جايه بلتراكسود من لخوف لمهم نطيتها ملابس ولبستهن واني لبست بلوز اسود وبنطرون ابيض ورفعت شعري ولبست شوز اسود وخليت مكياج خفيف كوووولش كووولش وطلعنه بسيارتي سياره ساجد وسيف متكفي مالتي سبع نفرات .. اني اسوق وساجد يمي وسيف وميار وزهراء ليوره وايه بخانه شواذي 😂😂
طلعنه رحنه عل مطعم طبكت يمه همه عبالهم نروح للمول 😂
......
ساجد.. هاي وين طبكتي
ريان.. ميته جوع نزلو عل حسابي معزومين
سيف.. منج من شيطان معزومين
ريان.. من وجهك لجنه بيضه عازمتكم 😂
سيف.. مو صوجج بس حنزل
ريان.. ديلا يلا تموت عل عزايم والله
سيف.. ايييي نجبي يلا
ساجد.. نزلو عاد
سيف.. اي يابه سجود نازلين
.....
نزلو ونزلت ايه من لخانه متت ضحك وجهها كالبته تكولي كوه كعدت عبالك كاعده بصندوك مال دجاج هيه مدبدبه شوي 😂.. نزلنه بلمطعم اجانه لولد يتلوك شاف بنات ويع
.....
الولد.. تفضلو شتريدون
ريان.. شوفهم شيريدون
الولد.. ادللي عيوني انتي
ساجد بهمس ..😠اي نريد نعل
ريان نغته.. يمعود اشش
ساجد.. شكد لوكي
سيف.. شكو شي غالي نزله الي
الولد.. مبين طاكين هههه
ريان.. لحضه اعتقد هل شي ميخصك مو صح انته شغلك تاخذ لطلبات توديهن ماكو داعي لشقاك وك عيني
الولد.. اسف والعتذر والله متتكرر
ريان.. وك خلص
راح لولد اخذ طلبات كل واحد طلبله شي
ساجد.. ووالله يستاهل شكد ملكلك
سيف.. ولج عيني علكيفج نزلتي بي ركبه ونص كعدتيله
ريان.. مو اتخبل من هيج ولد عل شنو ديشاقه عرفه ولفه
ساجد.. اي ولكعبه.. ايه اشو مداسمعلج صوت
ايه بخجل.. ها لا مو داشرب
ريان.. شتشربين ماكو شي هنا
ايه بخجل وخزره.. ولج مي مي
ريان بعناد.. هاااااااا مييييي بهمس.. ساجد اختك خجوله ماشالله
ساجد.. اي شعبالج يابه اختي خجول
سيف.. خيتي لتخجلين عادي سولفي شون اكوم اروح
ايه.. لا رد
ساجد.. لا خليها هي هيج طبعها تنلصم لمن تكعد ويه شباب😂عكس زهراء
زهراء.. شبيها زهراء متعجبك
ساجد.. اعصابج حبيبتي
زهراء.. لامتعجبك زهراء
ساجد.. يمه غير زهوره دلوعتي شنو متعجبني
زهراء.. ها همزين حسيت 😒
ساجد بهمس.. اعوذ بالله
ريان..😂😂😂😂😂😂
سيف..😂😂😂😂😂😂
ميار.. لج شنو لسان لو رشاشه😂😂
زهراء.. هههه لا بيكيسي😂
سيف.. لا وتحشش
ساجد.. اي عابت
ريان.. منو اخوها غير سجودي شون متطلع حشاشه 😂
زهراء.. شنو شبي سجودي
ريان.. مابي شي حياتي يخبش 😂😂
......
ضلينه عل هل رنه واحد يلاهد بلخ نزلو الاكل وكعدنه ناكل اممم شبعنه وكمنه طلعنه دفعت لحساب ورحنه اكلنه موطه وتوجهنه لحديقه كعدنه بيها نكرز وفرشت الهم بلكع لكيت لوصله بسياره لمهم وكعدنه نحشش ونضحك صارت ساعه10ونص..
رجنه للبيت وسيف وميار اخذو سياره ورجعو لبيتهم واحنه ضلينه كاعدين لل 12
اد كمنه كل واحد لمكانه مثل لعاده زهراء يم ساجد واني وايه نضل نسولف ونضحك عل ساجد وخباله وننام
........
كعدت صبح ساعه 10:30
جايتني رساله من****خلتني اتخبل رساله مثل صاعقه الي ضربت راسي
..........
ريان.. لاااا لااا مستحيل 😭💔💔💔💔💔💔
............1167كلمه
شونجن بنات اخبارجن
😍😜
طبعا البارت كتبته واني راسي يموتني من الوجع فاعذروني من تقصير .🌸
واكثر بنات متفاعلات هنه ذن
HelenAhman
walhnyn666
zoz_a4
.....
كلش كلش اشكركم 😘😍
..... بيباي انتضروني ببارت جديد😍