.
.
.
الهوا البارد يلامس بشرته الي كانت تحب هالشعور ، تفاجئ من الي قاله الرجال الغريب ذا ، سيدك ؟
متى و كيف ؟ اهو ما شافه ابد ، مو معقول كذا اختاره بدون ليشوفه عالاقل مرة وحدة ، رفع حاجبه تيم و قال بنبرة استفهام
- سيدي و انت اول مرة تشوفني ؟
- اي
- و انا مو موافق اني اجي معاك
- ليه الخدم من متى نحتاج موافقتهم ؟
اجابة مختصرة قالها و هو يولع سيجارته و يدخنها ، ضحك تيم بخفة و لف وجهه متجه للباب ، يبي يبعد عن هالشخص الي كرهه بدون سبب ، يمكن لانه يبي يسرق حريته ، حريته المحدودة الي بتنعدم بمجرد انه اشتراه
- لا تفكر اني بغير قراري ، اشتريتك و انتهيت ، باخذك بكرة بنفس الموعد ، جهز نفسك
قال و اهو يمشي و يدفه بكتفه تاركه يناظره بكره من ورى ، وقف تيم بمكانه يفكر بلي قاله ، بكرة ؟ حلو ، سجن جديد
لعن بنفسه مليون مرة و نزل للغرفة المشتركة مع خمس ولاد غيره ، و لقى عند الباب نايف الي اول ما شافه مسكه من يده و سحبه للحمام تحت صدمة تيم الي كان يحاول يسحب يده منه .
- نايف ! وخر عني شفيك !
ثبته نايف عالحيط و لصق فيه ، ناظره بعيون باردة و هو يتفحص وجهه
- لا توافق تروح
قال بهدوء و هو يناظر عيون تيم الي عاقد حواجبه باستغراب من نايف الي لاصق فيه مثل الصمغ و نظراته لا تفسر ، حاول يدفه لكن نايف ثبته اقوى
- تيم ... تعال نهرب من هنا
- نايف مجنون انت ؟
- مجنون فيك و احبك
ضحك تيم بقوة و هالشي خلى نايف يستغرب منه و يحس بالاحراج شوي كونه حس انه تيم يستهزء بلي قاله
- وخر نايف وخر ، ضحكتني والله
- انت ما تحس !!
بصراخ مفاجئ صرخ نايف على تيم الي انتفض و ناظره ، عيون نايف كانت محمرة ، تختلف عن الي كانت تناظره قبل شوي ، قبل كانت هادية ولامعة ، الحين تيم يحس انها بتحرقه باي لحظة
- لمتى بتعاملني كذا ! غلطت و ادري و اسف على هالشي ، اعتذرت و اعتذرت ، حفيت وراك و انت حتى ما تطالعني ، حس فيني يخي تراني ميت فيك ، اراقبك و اتطمن عليك من يوسف ، ادري كسرت قلبك مرة--
- اخرس ولا تكمل
لف وجهه تيم و مشى للباب يحاول يهرب من نايف و كلامه الي يدري انه بيوجعه ، ماضي نساه و ما يبي يرجع يفتح جراحه مرة ثانية
يد نايف وقفته و لصق بظهره ، يحاول يحفظ ريحته ، يخلدها بعقله ، ياسمين...
- ارجوك ، عالاقل خلنا مع بعض الليلة ذي ...
شد على يده بقوة ، يحاول يهدي قلبه الي نبض بقوة بشكل مفاجئ ، اهدى تيم ، اهدى ، نايف قحبة و بيلعب فيك بس ،سحب يده منه و اتجه للباب و قال قبل ليطلع
- ابعد عني نايف ، انساني خلاص ، ما عاد بكون بحياتك ، الي كان بينا فترة و راحت ، و انا ندمان ندم عمري عليها
- تيم لا تخليني ..
بنبرة مكسورة همس نايف و كان تيم سامعه ، جزء من تيم يبي يسامحه و يعطيه فرصة ، لكن الي يعرف تيم ، يعرف انه ما يسامح...
فتح الباب و طلع من الحمام و رجع لغرفته ، انسدح بسريره و دفن نفسه تحت اللحاف ، و بكى ...
بكى على كلشي ، اهو يكتم و يكتم لين يوصل لمرحلة خلاص ما يقدر يتحمل .
- ل..ليشش ... ل..ليشش ااحين حبني
بحسرة همس و اهو يشهق ، حط يده عفمه كاتم شهقاته ، بعمره ما كان فيه شي مكتمل بحياته ...
.
.
.
واقف و شنطته معاه ، يراقب المكان من فوق ، اخر مرة بيتواجد هنا ، اخذ نفس و زفره بضيق ، خلاص تيم ، انت بتبدى حياة جديدة ، لو كانت غصب عنك ، حاول تتأقلم ...
احد اسباب انه يبي يروح الحين هي انه يبي يهرب من نايف و مشاعره الي اعترف فيها امس ، ما كان مستعد ابد انه يسمعها منه
سيارة سودا دخلت الميتم و عيون تيم كانت تراقبها ، وقفت بمنتصف الساحة و نزل منها ذاك الرجال ، قبض تيم عيده بقوة لما شافه يرفع راسه و يناظره بابتسامة هادية ، تنهد و حمل شنطته و نزل من على السطح و اتجه لخارج الميتم ، وقف قدامه و ناظره ببرود
- يلا مشينا
تكلم بعد فترة و ركب السيارة بعد ما فتحله حارسه الباب و انتظر تيم يركب ، تنفس تيم بثقل و لف وجهه يناظر حوله ، لمح نايف يراقبه من خلف الحيط و عيونه تلمع ، اسف نايف ، لكنك تأخرت
ركب السيارة و سكر الحارس الباب ، عيونه كانت على الشباك ، هادي ، صوت انفاسه تنسمع بس ، و ذا الشي احبه الي قاعد جنبه و يناظره بتمعن
" واضح انه هادي حيل و الكلام بصعوبة يطلع منه "
" ممتاز ، ذا الي ابيه "
.
.
.
هاااي
اتمنى يكون عجبكم البارت :(
- نايف ؟
- تيم ؟
- تتوقعو تيم شلون بيتصرف مع سيده ؟
اشوفكم ببارت جديد
احبكم ❤❤
أنت تقرأ
يتيم ~ 18+
Romanceوجدت مسكني بين يداك وجدت وطنا ... روحا وجدت نفسي معك | الفاظ جريئة | 18+ | قيز |
