#اسيرة ذكرياتي 2
طبعا نعرفكم بمالك
( مالك م 92 طرررف لكن عصبي هلبا والكل يخاف منه ملامحه ع البني الفاتح جسمه معضل شوي
عنده ضحكه مستفززززه لين خلاص )
كانت ملاك شاده شنطه وتمشي وتشبح لوطه وانخبطت بي ولد
ملاك : متشوفش قدامك انت اعمى شن هدا
مالك : اااوه ملاك صعبة الامتلاك شنجو
ملاك : رفعت راسها وشافته
... ااءء ما مالك 😳
مالك : ههههه غير بشويه عليك وجهك ولا اصفر 😏
ملاك : ااء وين خالتي
مالك : هههه داخل.. منورين
ملاك : النور وجهك ااء قصدي انتا اااء قصدي خالتي ااء لالا قصد..
مالك: ههههههههههههه متعبيش متعبيش اعصابك خشي خالتك داخل
ملاك: خشت وهيا اتمتم "من يسحاب روحه هدا التافه اااف موقف بيخ اني زي الحماره لما انشوفه معش نعرف شن انقول "
نورهان: وين سارحه ليا ساعه انكلم فيك
ملاك: نوران شنجو حبيبتي ليك وحشه
نورهان : ااااف اني نورهان مش نوران قاعده تتلخبطي فينا انتي 😒
ملاك : قاعده مطوله السانك معش تبي اتقصيه شكلك
نورهان : اااف وعلاش منقصه اصلا الشعب ميمشيش معه الا العين الحمرا
ملاك : باه باه المهم شكله مجاكم حد لتوا
نورهان: تي مزال اسبوع ونص ع العرس غير انتم جيتوا بكري
ملاك : لزه هدي 🙂
نورهان : ههههه نبصر تفضلي وين العيلة
ملاك : داخل من انبكري غير اني قاعده ننبح معك
وخشيت
للكاتبة نمارق عبد الرحمن ❤🔥✔
خشيت سلمت ع خالتي وركبت فوق طول ل دار خالد
ملاك " فتحت الباب متع الدار : بوووم شديتك شدير
خالد : اوووو مختشا شنجو
ملاك : هوا يلي يشوف مالك مزال عنده جو 🙂
خالد: هههههه لالا كلا انتي يلي تخافي منه
ملاك : المهم احكيلي شن صار في مروة يلي تكلم فها
خالد : تي اما مروة تي حصلت طرف تاني
وكملنا هدرزه
منعرفكم ع عيلة خالتي
" طبعآ اكبر واحد مالك م 92
وبعده خالد م 94 جوها اطلع طول من بنت لا بنت يلي ايمل منها يدير حضر وياخد غيرها و ولا على باله مشعرهم المهم هوا اني وهوا من كنا صغيرن متعلقين بي بعض و نديرو في المشاكل زي الخوت ملامحه ع الاسود وهوا ابيض طرررف
وبعده وجدان يلي هيا العروسه م 95 طبعا بتتزوج عن حب يحبوا بعض من كلنوا في الاعدادي وهوا كان راجل معها وجي خطبها اسمه محمد
وبعدها اخر العنقود م 98 التؤام
نورهان ونوران يبهوا بعض في الشكل فقط ديما يتعركوا نورهان لسانها طويل وديما كالمتها واتيه اما نوران طيبه القطوس ياكل عشها 😂
رح تتعرفوا عليهم اكتر في الرواية وفيا هليا شخصية ح تتطلع تعرفوا عليهم في الحلقات الجاية منبيش نلخبطكم
🥀________________🥀
في المغرب
" في الصالة كانت امي وخالتي وبنات خالتي واخواتي يهدرزو
امي : املا وين جوجو العروسه
صفاء " خالتي " : هههه والله طالعه من صبح ربي معا بنات عمها يشرو في الدبش مزال مكملوش
امي : باهي كويس
ملاك : السلام
خالتي : عاش من شافك
ملاك : مكسده مع خالد
خالتي : ياه هدا خالد يلي واخد عقلك
( طبعا اني وخالد زي الخوات و متفهمين والكل يعرف انا خالد وي خوي الا مالك مش مقتنع بي الموضوع اني نخش الدار ونهدرز عليه بدون وشح المهم طز فيه )
خالد " من فوق ": ياااام
صفاء : نعممم
خالد : جعاااان
صفاء : نوضي سلم بنيتي ديري لخوك حاجه يكلاها يا نورهان
نورهان : ديما نورهان ديما كرهته اسمي رهوا كلمي نوران اني مدخلنيش
نوران : والهي دير روحك المضلومه
تي نوضي امي قالت نورهان مسمعتش اسمي اني
نورهان : والله ماني نايضه اقعدو فيها اصلا ولدك ديما جعان امتى شبع هوا
صفاء : مطول السانك انتي وياها
ملاك : خلاص توا انوض اني
نورهان : قعمز توا انصيم وخلاص ديما اني الهم وووه
ومشت وهيا تتعيط مسكتتش بكل
امي : وووه راسي صداع
صفاء : سالم بنيتي نوضي لدار مالك تلقي عنده في الدولاب بندول
ملاك : باهي
للكاتبه نمارق عبد الرحمن ❤🔥✔
ركبت للدار افتحت الباب طول توصلني ريحته يلي اتجنان مغرقه الدار كلها والدار يلي مختلفه عن الحوش كانت تهبببل ع الاسود خشت وهوا طبعا مكانش،في الحوش فتحت الدولاب وقعدت ندور في الدولايب لين فتحت الدولاب يلي في نهايت الدار انصدمت وطالعت مني عيطه وحسيت بحد سكر فمي
يتبع
