ابكي لو تقدر

بودي جارد

ومن وسط الاماكن ده مطعم اسمه البيك وكنت بشتغل من ٥المغرب لحد ٢صباحا في مره واحنا خارجين من الشغل انا وزميلي مشينا شويه ووقفنا نتكلم عدي من قدامنا سياره ميكروباص اصدر صوت باله التنبيه قولتله اتفضل وكملت كلامي مع صديقي  مشيت تلاته متر تقريبا ووقفت ولقيت السياره وقفت وانفتحت ابهاتهم بقي دول تخيلي دراع الواحد فيهم  قد وسطي خمسه نزلوا من السياره ووقفوا صف وجايين علينا صديقي مسك ايدي وبيقولي يسري قولتله ايه قالي شايف اللي انا شايفه قولتله اه قالي وهنعمل ايه قولتله مش عارف قالي طب نجري قولتله لا نجري ايه ده لو واحد فرد دراعه قالي طيب والحل قولتلهم كابتن كابتن انا بقولك اتفضل حد يتفضل في الشارع برضو انا اسكندراني وده عزومه مراكبيه اصلا اقولك انا ولسه مستمرين في المشي ناحيتنا قالي طيب هنعمل ايه قولتله اعمل زي ما هعمل بصلي روحت مغمض عيني وناطق الشهاده وانتظرت لحظات مروا عليا كانهم سنين وحسيت بخطبطه في كتفي ومحستش بضرب استنيت شويه ملقتش فيه ضرب ففتحت بالراحه وببص لقيتهم مشيوا اتاريهم كانوا رايحين قاصدين المطعم اللي ورانا علشان يتعشوا وبعدين قولت  لصديقي ولا قالي ايه قولتله مش عايز اعرفك تاني وطرت علي البيت