ابكي لو تقدر

الهايبر

كنت شغال مره في هايبر كبير انا وخمسه اصحابي وطول النهار نهزر سوا لحد وقفه رمضان كنا بنشتغل من ٥ل٢بالليل  المهم المفروض اليوم ده نتسحر علشان تاني يوم هنصوم فضلنا في الشغل لحد الساعه ١ونص بالليل جه واحد مننا قال احنا مش هنروح علشان نتسحر ولا ايه لقي صاحب الهايبر كان واقف وراه حط ايده علي كتفه وقاله شايف الهايبر ده قاله اه قاله خد اللي انت عايزه واتسحر بيه طبعا استنينا عشر دقايق وقفلنا باب الهايبر علينا ودخلت انا واصحابي وانتشرنا في المكان  علي قسم الجبن واحد يشيل اللانشون الرخيص من مكنه قطع اللانشون ويحط اغلي نوع ويقطع ويعبي وياخد واللي ياخد قطعه حلاوه كبيره واللي ياخد طبق ويعبي قشطه وطبعا اكياس شبسي بقي وتونه  اللي كان نفسه في حاجه كالها في اليوم ده المهم اتسحرنا وانا باكل عطشت فعلشان ادخل اشرب محتاج عشر دقايق روحت علي التلاجه فتحت مياه معدنيه وجه وقت التحليه روحت علي تلاجه الساقع قولنا نجرب بقي جربت ازازه زبادو صغيره لقيت طعمها حلو روحت فاتح واحده كبيره وشارب وبعدين نفسي راحت لراني روحت فاتح واحده وشارب
طبعا صاحب الهايبر حبس نفسه في مكتبه وقعد يتفرج علي كاميرات المراقبه  وهو ندمان علي اللي قاله
وانا ماشي خدت باكو مناديل بقول للكاشير ده احاسب عليه ولا ايه قالي مهو ده مش اكل روحت مديله نص جنيه
وروحنا بعد مااتسحرنا بس كان يوم عالمي