طبعـا القصـة من واقعـي انـي يعنـي مع الكاتـبة صارت ❤️ للكاتبة مرام
اسمـي منية مواليد 2003 اصغر وحدة فالحوش بالمختصر (اخر العنقود 😂) مواصفاتي طويلة وبيضا وشعري كستنائي ونحب نغني ، عندي اخت تانية اسمها مروة مواليد 95 واخ اسمه منذر مواليد 93
منية طبعا البنت المدلعة عند بوها وامها ♥️ وكان كل شي تبيه يكون عندها
احمد يكون اب منية وأمينة تكون امها ♥️
بوها مواليد 65 وامها مواليد ال 71
2017
احمد : منيوة هي نوضي وقت عالمدرسة
منية : هي بابا نضت
احمد : هيا يابنتي اغسلي وجهك وغيري وانزلي افطري
منية : حاضر
طبعا ناضت منية وبالسيف لان كان اول يوم مدرسة بعد عطلة طويييلة 🥺
ونزلت منية فطرت هي وبوها
احمد : تلقيني برا نراجي فيك
امينة : بالتوفيق ي بنيتي
منية : باي ماما
ركبت منية للسيارة ولقت بوها برا يستنى فيها
طبعا كانت مدرستها مش بعيدة واجد على حوشهم فما عطلوش في الطريق
وصلو قدام المدرسة
احمد : هاكي فلوس للفطور
منية:بابا مش ضروري تو نروح وناكل
احمد : تو مرات تجوعي ولا شي خودي
خدت الفلوس وخشت لمدرستها
خشت للمدرسة ولقت صاحباتها يلي كانت متوحشتهم ♥️
سلمت عليهم وهدرزو وفضفضو ع كلشي
رن الجرس وكانت اول حصة رياضيات
قعمزت
يمنى سجى (صاحبات منية )في الكرسي الاول
وقعمزت منية وفرح (صاحبة منية) في الكرسي التاني وبدو هدرزة وضحك وتقريم على الطلبة 😂
فات الوقت بسرعة وجي وقت المرواح روحت كل وحدة لحوشها
وكانت منية تستنى في بوها قدام المدرسة
احم : يبيب هيا منية ي بنتي
منية:هي اخيرا بابا جي
ركبت منية وخطم بوها على محل مواد غدائية وخدي شويه حاجات وروحو
وصلو للحوش ونزلت منية
ولقت امينة في المطبخ
امينة: جيتي ي بنتي ؟
منية : جيت ي ماما وجعانه بكل
امينة : خلاص امشي صلي وغيري وتعالي تغدي
منية:شن غدانا
امينة: محاشي
منية : اوووووه اليوم مدلعتنا امونة 😂😂♥️
امينة:اي بكل اجري قبل مايكملو عليك
منية : هي جري
ركبت منية وقعدت امينه تجهز في الغذي
كان منذر خو منية يقرا برا ليبيا لذالك هوا مش معاهم
اما مروة اختها فكانت عند خالتها وفاء بايتة
غيرت منية ملابسها ونظمت دارها
ونزلت
كانت امينة واحمد عالسفرة يتغدو
احمد : هيا بنكمل عليك ره
منية: والله مش حتلحق معاي فشي ي بابا
امنية: غير راكم تشرقو بس 😂😂
منية : ماتخافيش
تغدو العيلة
وبدت منية تلم في السفرة مع امها
وكملو كلشي وبخرت منية الحوش
واتصلت خالتها بامينة
ترن ترن ترن
امينه : سلم بنتي امشي شوفي تلفوني
منية : هي حاضر
وفاء : باهي لي رديتو
منية : اهلا خويلة والله مكناش بحداه
وفاء:هلا بالفصعونة شن الاخبار
منية : الحمد لله وانتم
وفاء: بخير وين امك ؟
منية : تغسل ماما
وفاء؛ اها به بيش تجو بعدين عيد ميلاد معتصم
معتصم هدا طبعا يكون ولد خالة منية عمره سنتين وهوا اخر العنقود
منية: تمام تو نسال ماما ونقولك ♥️
وفاء؛ اوكي تمام
كلمت منية امها وقررو انهم يمشو
لبست منية سروال جينز وتيشرت ابيض بالاسود واكسسوارات بيضا وجورب اسود ودارت ميك اب خفيف
♥️
كلمت منية بوها وجي ورفعهم
كانت منية طول الطريق تفكر في علي ( اكيد كلكم تقولو من علي ) علي هادا يكون ولد خالة منية (ولد خالتها وفاء) كانت تحبه ويحبها يعني حب الطفولة بس هوا مايعلمش ان تحبه لان كانت تخاف من كلام العيلة
وصلو لحوش خالتها وفاء
وياترا شن يلي صار ؟؟
كان لقيت عليها تفاعل تو نكمل باقي الحلقات وياريت دعمكم ي حبايب ♥️
