السلام عليكم أحبائي🌷
مساءكم وطن💙🕊️
يكلها......
أموت عليج يا ترفه
و يم عيون كحليات
بس الحلقه أجت بالبال
من مريتي بالصدفه
هيج الله و ألي تصيرين
و يصيحولنه معرسين
يا فراشه🦋مو بالگاع
نسوي أعله الورد زفه
و أريدج گبل لـتخلفين
بوجهج كون تتنسين
بنتي تشبهج أتمنه
و أريد أغفه أعله چفج گون
أغار عليج من سوالف الحنه
....................................
تعريف شخصية مصطفى
مصطفى:-أسمي مصطفى عمري 23 سنه ثالث متوسط و تركت و أشتغل بالحلاقه
........................
زهراء:-رجعت لبست الصايه و الشال و نزلت أركض من الدرج شحطت رجلي
ردت أوكع على وجهي ما حسيت غير واحد لزم أيدي
أنداريت لكيته مصطفى أتخربطت أوضاعي و گلبي يريد يطلع من صدري و أني صافنه بملامحه
مصطفى:-شبيج صفنتي بوجهي
زهراء:-وعيت على نفسي هاي شبيه أني فلتت أيدي منه "أن....أنت شلون تلزم أيدي
مصطفى:-مو ردتي توكعين على وجهج و تتكسرين
و تخرب هاي الخلقه و بعد محد يگلبهه
زهراء:-لاا والله على أساس أنت شلونك
مصطفى:-فوك ما سويت عمل خير المفروض تكولين شكرآ بس لسانج متبري منج
زهراء:-أي أني راضيه بـ لساني معليك
مصطفى:-مره ثانيه ديربالج لا توكعين و ما تلكين أحد ينقذج
زهراء:-شخبصتني الفارس المنقذ أسم الله عليك
مصطفى:-ردت أصعد و سمعت كلامهه كلتلهه"أول مره أشوف شخص من يعصب هيج حلو و من يخجل هم حلو أمج من جابتج ما فكرت بحالي
زهراء:-التفتت على كلامه لا لا الوضع صار خطر و أحس الدنيا صارت حاره ما ادري اني صخنت
خلي أنزل أحسن
رحت أفتريت بالبيت و ساعدت البنات بالمطبخ و رجعت صدك ضليت كاعده يم هدى و هيه متوتره و خايفه طالعه تجنن بالبدله و المكياج رهيب
بلشت الحنه و اجوائهه و أكيد ما تخلى من الهوسات و الركص
ضليت أركص لحد ما تعبت أهلي راحو و أني ضليت كلتلهم بليل أجي
